ازاى اتداول عملات رقمية | للمبتدئين

R.Hasan

full member

Activity: 196

Merit: 101

الصديق العزيز صاحب الموضوع أولاً شكراً على طرحك الممتاز ونصائحك المفيدة

أقترح أن تعمل قناة على تيليجرام تنشر فيها توصيات تداول بشكل مباشر حتى تعم الفائدة للجميع فكما تعرف الجميع يبحث عن تحقيق الفائدة هنا

وأعدك بأن أدعم قناتك وأسوق لها

zaeter

member

Activity: 266

Merit: 13

mr.mohamed

full member

Activity: 182

Merit: 103

صلو عليه

Quote from: ibrahim97 on October 19, 2017, 01:25:09 PM

شكرا كثير اخوي على مشاركتك التجربة..فعلا اهم نقطة عدم الطمع..والتجربة ع رأس مال صغير في البداية Cheesy

العفو اخى

اها الطمع اكتر شئ بيضيع المتداول لكن ترضى بالقليل هتلاقى معاك كتير

ibrahim97

newbie

Activity: 7

Merit: 0

شكرا كثير اخوي على مشاركتك التجربة..فعلا اهم نقطة عدم الطمع..والتجربة ع رأس مال صغير في البداية Cheesy

sourinoire

newbie

Activity: 27

Merit: 0

شكرا على مشاركة تجربتك

mr.mohamed

full member

Activity: 182

Merit: 103

صلو عليه

Quote from: MORAD337 on October 18, 2017, 06:00:38 PM

معلومات قيمه

شكرا لك

العفو اخى

MORAD337

newbie

Activity: 3

Merit: 0

معلومات قيمه

شكرا لك

mr.mohamed

full member

Activity: 182

Merit: 103

صلو عليه

Quote from: harmony225 on October 17, 2017, 09:14:43 AM

شكرا لك اخي العزيز

شرح جيد وكلام متقن ومرتب
ومعلومات قيمه
شكرا لك

العفو اخى الكريم

شئ يسعدنى جداً انك استفدت من الشرح وخاصة لو اتطبق عملياً
وفقنا الله واياكم Wink

mr.mohamed

full member

Activity: 182

Merit: 103

صلو عليه

Quote from: lodyman on October 17, 2017, 07:06:42 AM

كنت ايحث عن هذا الشرح ..اسمح لي ان اشارك هذا المقال مع بعض الاصدقاء
و سأذكر المصدر

ولا يهمك اخى تقدر تشارك الموضوع
ولا تنسانى من صالح دعائكم

mr.mohamed

full member

Activity: 182

Merit: 103

صلو عليه

Quote from: afrazium on October 15, 2017, 09:46:47 AM

بارك الله فيك أخي على المشاركة
واضح انت صبور، لو حاولت كتابة هذا المقال الطويل شخصيا للزمني بعض الحبوب المهدئة Grin

شكرا لك و استمر

ههههههههههههههه Grin

حبوب مهدئه علشان تعمل موضوع طويل , لازم تتعود على الصبر وطول البال اقولك موقف حصل معايا بالامس انى اشتريت عملة على سعر عالى جدا وحصل وانها لم ترتفع مره اخرى
وصبرت من الامس حتى اليوم وارتفعت وكمان بعتها بارباح
اهم شئ الصبر حتى ولو اخطئنا ف الصبر مفتاح الفرج بكل تاكيد
والعفو اخى لا شكر على واجب وكان واجب عليا اشارككم تجربتى

harmony225

member

Activity: 364

Merit: 16

شكرا لك اخي العزيز

شرح جيد وكلام متقن ومرتب
ومعلومات قيمه
شكرا لك

lodyman

full member

Activity: 184

Merit: 101

if you need help , drop me a pm

كنت ايحث عن هذا الشرح ..اسمح لي ان اشارك هذا المقال مع بعض الاصدقاء
و سأذكر المصدر

afrazium

full member

Activity: 168

Merit: 100

بارك الله فيك أخي على المشاركة
واضح انت صبور، لو حاولت كتابة هذا المقال الطويل شخصيا للزمني بعض الحبوب المهدئة Grin

شكرا لك و استمر

Mozdalifa17

hero member

Activity: 746

Merit: 509

TIME and WAVE COINs TO REMEMBER

mr.mohamed

full member

Activity: 182

Merit: 103

صلو عليه

Quote from: hamade on October 14, 2017, 07:33:24 PM

سلمت أناملك أخي وبارك الله فيك

الله يسلمك اخى الكريم , ربنا يكرمنا ويرزقنا جميعاً

mr.mohamed

full member

Activity: 182

Merit: 103

صلو عليه

Quote from: moonytimer on October 14, 2017, 07:16:09 PM

السلام عليكم
أشكرك على مجهوداتك وشرحك الممتاز
Poloniex اود ان أستفسر عن عمولة أستلام أوأرسال الأموال بالنسبة لمنصة

[/b]

عموله الاستلام صفر
عمولة الارسال فى منصه بلونكس مكتوبه جمب كل عملة
عموله البيع والشراء على بلونكس 0.15% شراء و 0.25% بيع

تحياتى

hamade

full member

Activity: 337

Merit: 150

سلمت أناملك أخي وبارك الله فيك

moonytimer

newbie

Activity: 29

Merit: 0

السلام عليكم
أشكرك على مجهوداتك وشرحك الممتاز
Poloniex اود ان أستفسر عن عمولة أستلام أوأرسال الأموال بالنسبة لمنصة

[/b]

mr.mohamed

full member

Activity: 182

Merit: 103

صلو عليه

السلام عليكم ورحمة الله وبركاتة

حابب اشجع كل الشباب اللى معاهم راس مال صغير زي حلاتى انهم يبدأوا تداول
انا هقول تجربتى الشخصية ولو انت معاك راس مال صغير ركز واندمج فى الكلام ده وطبقه وان شاء الله مش هتخسر ..
انا حالياً مش معايا راس مال كبير ومن يومين كان معايا 47 دولار ولاحظت ان سعر البيتكوين مش مستقر وبقى متفاوت
كان قدامى خيارين

1- اتداول على البيتكوين/دولار

2- اتداول على دولار/اى عمله تانية

انا اختارت دولار/اى عمله تانية

وبالاخص اخترت دولار/ستار

طيب لية ؟!

أ- سعرها متفاوت ب- فيها اقبال وكميه فلوس حلوه ونشاط مستمر ومش راكده
ج- سعرها يتراوح بين $0.017 و $0.018 وده بيدى ميزه للناس اللى راس مالهم صغير يكسبو منها باستمرار مبالغ صغيره

حولت ال 47 دولار بيتكوين ل تقريبا 58 دولار usdt مع ارتفاع البيتكوين
ومن ثم اصبح معايا تقريبا 58 دولار
بدات اشترى وابيع زي الصورة اللى بالاسفل من يوم 12 حتى الان يوم 14 يعنى تقريبا يومين وطبعا المبلغ الحالى اللى معايا 66$ تقريبا كسبت 8$ بمعدل 4$ يومياً من اجمالى راس مال 58$ اللى كان 47$
مع العلم انى مكنتش ببقى متابع طول اليومين دول فقط متابع على فترات فما بالك لما تشتغل وتركز وتتابع العمله متابعه لاصيقة ومستمرة

---------
اولاً : اية هي الشروط والقوانين الخاصة بالتداول من وجهة نظرى!
1- عدم الطمع
2- الصبر
3- التحكم فى النفس
4- استغل اى فرصه تجيلك
5- تكون بتعرف تحسب كويس قبل انشاء اى مداوله

-----
نبدء توضيح فى الشروط والقوانين دي باستفاضه اكتر
1-لية قلت عدم الطمع ؟
ج : لما تكون هتشترى او هتبيع حط سعر معقول توصله بسرعه ومتطمعش بحيث تسيب مساحه معقوله لنفسك انك تكسب مبلغ معقول وفى حالة طمعت فى اوردر الشراء او اوردر البيع هتسنتي كتير اوى وممكن تضيع على نفسك السعر يطلع وينزل كتير وبكده كان ممكن تكسب كذا مره مكاسب صغيره يمكن تتخطى المكسب اللى انت كنت منتظره .

2- لية قلت الصبر ؟
ج : علشان ممكن يكون السعر الحالى شراء/بيع مثلا بين 0.0176 و 0.0186
وتيجي تعمل اوردر على 0.0178 او 0.0179 بحيث متستناش كتير وفى نفس الوقت تكسب معقول لو طلع ل 0.0181 او 0.0182 والحظ انك عملت الاوردر وبصيت لقيت السعر طااار لفووووق بقى مثلا 0.01895 هنا بقى متملش ولازم تصبر + لازم متطمعش متقولش هشترى على 0.0185 واكسب على 0.0189 ده غلط لية لان ممكن تكون موجه شراء سريعه بتعلى السعر اجبارى وهتنزل تانى لا محاله وانت لا حول ليك ولا قوه هتتحبس فى المكان ده لحد ما تيجي موجه تانية تخرجك منه فا علشان كده لازم تصبر ولازم متطمعش .

3- التحكم فى الذات دى لزمتها اية ؟
ج : انت دلؤقتى فرضاً اتزنقت فى المكان اللى قلنا عليه فوق او مثلا فى موقف تانى عكسه اللى هو السعر نزل جامد جداااااا ومطلعش هاكد تانى لازم تصبر وتتحكم فى نفسك ومتشتمش وتسب وتلعن واعصابك تبوظ ودمك يتحرق وتقول انا بخسر والكلام ده لية زي ما قلت دى موجه وهترجع ترد تانى وبردو متطمعش وتشترى علشان السعر نزل لاء سيبه لحد ما يرجع تانى لوحده ويبقى فى الطبيعي لان ببساطه ممكن ينزل نزول جامد زي عمله DGB وهتحس كانك عمال تخسر بس وعمال تشترى بسعر قليل وتخسر بردو فا الافضل متطمعش نهائي وتصبر وتتحكم فى نفسك تخلى كل حاجه زي ما هى العزيمه والاصرار والحاله النفسيه ومتحبطتش .

4- لية استغل اى فرصه تجيلي ومصبرش شوية زي ما قلنا فوق الصبر؟
ج : الصبر اللى قلناه فوق مختلف عن هنا حيث شرحنا الصبر اللى هيطلعنا من ازمات وهيخلينا نكسب بكل تاكيد عكس الصبر هنا هو يعتبر طمع وممكن ميكسبناش طيب ازاى الكلام ده !, عدم الطمع واستغلال الفرص مرتبطين مع بعض بمعنى جايلك فرصه تكسب 1$ بس لو صبرت عليها ثنة هتكسب 3$ (ده بيبقى طمع مش صبر ) هنا استغل فرصه الربح المضمون اللى هو 1$ ومتبصش لربح وهمى لسا مش عارف هيجي ولا لاء فا استغل الفرصه دى انت متعرفش هيا ممكن تتكرر تانى امتى ! .

5- كلنا بنعرف نحسب لية حاطط دى شرط من شروط التداول ؟
ج : الجميع فعلا بيعرف يحسب بس خد بالك اخى/اختى المتداول/ـه
كتير مننا بيقع فى غلط تاريخي الا وهو حساب الصفقه قبل اتمامها والتاكد من ارباحها
مثال : التداول على دولار/ستار سعر العمله 0.018 انت تريد الشرء باستعجال وقمت بعمل اوردر 0.18 هوووب خسرت كتيييير بسبب عدم حساب قبل التنفيذ كتبت الرقم ودوست وخسرت اموالك ببساطه
فى البيع مثلا معاك العملات وعايز تبيع وهي سعرها 0.018 وكتبت 0.0018 وهووب بعت وخسرت بدون ما تحسب وتتاكد ان العملية دى صحيحه ام لا وبالتلى فا الحساب قبل اتمام اى صفقه مهم جدااا .

اتمنى اكون وضحت شروط التداول .
----------

ثانياً : ندخل على طريقة التداول

س : ازاى اختار العمله اللى هتداول عليها ؟

ج : لاختيار العمله يجب النظر فى عدة امور

1/سعر العمله : اذا كان راس مالك صغير لازم تختار عمله سعرها صغير ومتفاوت يعنى بين الشراء والبيع حتة تفاوت معقوله علشان تقدر تطلع منها ربح

2/لازم يكون فى العمله عدد ناس متداولين كتير

3/ لازم عمليات التداول فى خلال الساعه تكون كتير ويفضل خلال 10 دقائق تكون كتير

س : بعد ما اختارت العمله ازاى اعرف اشتريها امتى وابيعها امتى ؟

ج : طبعا الاغلبيه العظمي بتكرهه تحليل الشارت وانا منهم بس انت اجبارى لازم تستخدم الشارت علشان دى سلاح المتداول الاول والسلاح التانى هو التوقع
بحيث هتفتح اولا تشوف تاريخ العمله من اوله لاخره وكان سعرها كام على مر الايام والشهور حتى الان تانى حاجه تفتح اخر شهر وتشوف سعر العمله بردو كان قد اية بعد كده تفتح اخر اسبوع او يومين وتخلى المده الزمينة 10 دقايق علشان تبقى ادق وتفضل تفحص كل عمله وتشوف استقرارها عند البيع بكام والشراء بكام وتحاول انت تحدد بشكل تقريبي الكلام ده بعد كده تقارنة باللى مكتوب فوق اعلى سعر بيع خلال 24 ساعه واعلى سعر شراء والسعر الحالى هتلاقى حضرتك بقيت واحده واحده بقيت حابب تشوف الشارت كل شويه علشان تفهم السعر كان كام مثلا وقت لما انت كنت نايم والتريند شكله صاعد ولا هابط يعنى الاتجاه رايح فين كل اللى انا بقوله ده هيساعد حضرتك انك تتوقع الاتجاه وتحدد نقط ضعيفه لنفسك تشترى منها بس ف المعقول بحيث تبيع عند نقط قوية بردو تكون معقوله
مع العلم ان كل عمله تختلف عن الاخرى فى كل حاجه وحتى العمله نفسها تختلف من وقت للتانى فا مستحيل اقدر اقولك اشترى عمله كذا على سعر كذا غير وقتها ودى بتبقى اسمها توصيات وليها جروبات متخصصه وليها ناسها .

--------------

[[ بعض النقاط التوضيحية ]]

** بإختصار شديد حضرتك بعد ما تفحص العمله حسب الشروط اللى فوق هتحددلها نقط بيع ونقط شراء معقوله وتبدء تتداول واى دروب طبق ال 5 شروط اللى فوق وان شاء الله مش هتخسر صدقنى .

** اعتذر عن اى خطأ سواء املائي او خطأ تحليلي انا مش بعرف احلل اوى انا على قدى وكمان مش بعرف اعلم غير على قدي ودى تجربتى الشخصيه وحبيت اشاركها ليكم انا من 2014 بتداول خسرت كتير وكسبت كتير وكنت تايهه كتير ومحدش ساعدنى والفضل يرجع لربنا فى الخبرات اللى اكتسبتها فا انا بحاول اساعد علشان كلمنى شباب كتير معاهم راس مال بس ممكن يدمرو نفسهم ويخسرو نفسهم لو بدأو بدون ما يلاقو حد يرسملهم خط او يوضحلهم فكره يمشو عليها .

** احب اقول لكل واحد حابب يجرب التداول يبدأ ب 10$ بس لمده شهر
ويشوف انتاج نفسه على مدار الشهر لو واثق من نفسه يكمل بمبلغ اكبر 100 لقى الثقه بتزيد يزود .

** يرجى العلم ان فى بعض العملات مينفعش تزود تداول عن 1000$ لازم تنتقل لعمله اغلى فى السعر او اعلى فى كمية التداول اللى بتحصل خلال الساعه والنص ساعه والربع ساعه وتكون بالاف الدولارات علشان العملات الصغيره لما تحط فيها مبالغ عاليه هتتزنق وهتبقى مش لاقى اللى يشترى منك ال 1000 دولار بتوعك بسرعه ممكن تاخد ايام وممكن انت توقع عمله ويحصلها تضخم والكل هيبقى عايز يبيع حتى لو اقل منك لانك حاطط كميه كبيره وفى ناس عايزه تنجز .

** منصة التداول اللى هتشتغل عليها امر يرجع ليك انت اختار المنصه اللى تريحك وانا شخصيا استخدم Poloniex

Code:

https://poloniex.com

وارجوا ان تقوموا بدعمى من خلال الضغط على كلمه Merit+ بأعلى يمين الموضوع واضافة 1 Merit الى موضوعي

** واخيراً اتمنى من الله عز وجل ان اكون قد افدتكم ولا تبخلوا عليا من دعائكم
-----

دمتم فى رعاية الله

Topic: ازاى اتداول عملات رقمية | للمبتدئين (Read 711 times)