أنا من جهتي مبسوط بس لانو انكسر الحاجز النفسي, اما السعر نفسو ما كتير بهمني, لان شايف انو البتكوين BTC هو المصاري الحقيقة, عملات الحكومات مجرد ورق مالو قيمة!
في الحقيقة، أجد صعوبة في فهم ما الذي تقصده تحديدا بالحاجز النفسي الذي انكسر. ثم كيف لا تهتم للسعر الي من المفروض يكون هو من قام بكسر ذلك الحاجز.
عملات الحكومات المفروض تكون تمت طباعتها بناء على مخزون الدولة من الذهب أو من العملات الأساسية التي بدورها لدى غطاء من الذهب. طباعة النقود بشكل عشوائي لا تصب في مصلحة أحد. طيب لو اعتبرنا أن الدول التي تفاقم ازماتها باصدار نقود دون غطاء الذهب هي بحاجة ماسة للبيتكوين ليحل محل العملة، هل يعني هذا أن الدول التي تشهد استقرارا ماليا ليست بحاجة الى البيتكوين؟ دولة سويسرا تقدم مثالا جيدا على دولة تمتلك فوائض من الاحتياطي و عملتها مزدهرة، و لا أظن البيتكوين يمثل لها حلا لأنها أصلا تعاني من مشكلة.
انا شايف انو البتكوين هو المصاري او المال الحقيقي, اما العملات الورقية هي أدوات لسرقة القيمة, لهاد السبب ما بهمني سعر البتكوين مقابل هالعملات بشكل شخصي, بس مبسوط لان كسر القمة السابقة يلي بخلي أشخاص أكتر ينتبهو للبتكوين بالتالي دخول أشخاص أكتر للشبكة يعني سيطرة أكبر مقابل عملات الحكومات.
بالنسبة للذهب فالموضوع منتهي من زمااااان من ١٩٧١, فعليا وواقعيا و شو هلئ عنا على الأرض هو انو العملات الورقية يلي عم نستخدمها كل يوم, ما الها اي دعم, بيدعهما الهوا, بالنسبة للدولار هو خدعة انفرضت على العالم كلو, في هالفيديوهات يلي بتحكي عن الدولار, بكم واحد في مصادر:
وفي هي السلسلة يلي اسمها
الأسرار الخفية للمال, بيحكي فيها عن المصاري و النظام المالي الحالي و النظام المصرفي و الدولار و العملات الورقية, سلسلة ممتعة و مفيدة, بتوضحلك شو يعني مصاري, بنصحك تشوفها.
المشكلة انو الحكومة مسيطرة على المصاري او المال, وعندها القدرة انو تطبع مصاري بالوقت يلي بدها ياه, لهيك انا مع البتكوين يلي مافي جهة وحدة مركزية بتقدر تطبع او تسيطر على حسابات اي شخص, او تسمح او تمنع اي شخص من انو يقوم بعملية تحويل, لهيك ما بهمني شو الحكي يلي بيطلع من مجموعة السلطة الصغيرة, لان الهدف من البتكوين هو استرجاع هالسلطة من المجموعة الصغيرة و اعطاءها للشعب, والبتكوين مافيو تعريف لشي اسمو حدود يعني ما في شي اسمو دول بالبتكوين و بتخلي كل الأرض متماثلة و كلون شعب واحد ضمن البتكوين.
و البتكوين مو بس عملة, البتكوين هو بروتوكول و تكنلوجيا مرافقة (بلوكتشين, خوارزمية الاتفاق pow,الشبكة الموزعة), العملة هي مجرد تطبيق واحد بس. يعني فينا نبني تطبيقات تانية وفينا نطور على البروتوكول.
