Topic: Bitcoin Taproot ano nga ba ito? (Read 177 times)

In case nagtatanong kayo kung gaano kalaki ang nababawas sa transaction size from segwit to implementation ng taproot, ayon sa pag-aaral maaring makatipid ng 15% sa taproot transaction kaysa sa segwit transaction.


Ayon sa Bitcoin optech contributor, Steve Lee ang pinagsamang Taproot at Schnorr ay makakapagbigay ng mga kaukulang benepisyo:

• Scaling - 30-75% na tipid sa multi-signatures at mas mabilis ng 2.5 na block validation
• Fungibility - hindi makikilala ang mga output na ang ibig sabihin ay mas higit na privacy.
• Script Innovation - mas simple ang pagstructure sa crypto signatures.

Sinasabi rin na ang pinaka malaking ginagampanan ng taproot ay pinagmumukhang magkakapareho ang mga transaction para hindi malaman ang distinction ng bawat transaction sa mga outsiders.  Sinasabi rin na kahit na ang pinacomplex na smart contract sa blockchain ay ginagawang kawangis ng regular na transaction.  Ang tunay na pagbabago na dala ng taproot ay ang flexibility at pagprotecta sa privacy ng cooperative spending.
 
Maari nyong malaman ang higit na detalye sa article na ito: https://www.cryptodefinance.com/arrival-of-taproot-fees-segwit-bitcoin/

Oo tama ka dyan, at sa tingin ko naman sa ngayon ay mukhang nagbalik narin naman sa normal ang lahat pagdating sa fees sa bawat transaction dahil sa mga ngyari na ito. Maganda at malaki ang maitutulong nitong taproot version na ito para sa bitcoin. Halos detalyado na nga naman lahat ang ginawa ni op na ito. Siguro naman kahit pano ay alam na ito ng ating mga lokal community dito kung ano ang naidudulot ng taproo na ito para kay Bitcoin.

Hindi talaga maiiwasan na may mga taon mangeexploit kapag nakakitaan nila ito ng weakness.  Sa ngayon dahil sa Bitcoin ordinals, ang BRC20 ay nagkaroon ng pagkakataon na iexploit ang kahinaan ng network ng BTC.  Since mas malaki ang mgadata sizes ng NFT mas mahal ang transaction fee ng mga ito at siya namang ginawang exploit ng mga tao na nagnanais na pahinain ang market ng Bitcoin at idiscourage ang mga taong nagkakainterest dito.  Pero sa ngayon nagkakaroon naman ng discussion ang mga developer about sa Ordinals tingnan natin kung ano ang magiging solusyon nila.


Tignan na lang natin kung paano iaadjust ng mga Bitcoin Developer ang technology ni Bitcoin para problemang ito.

Narinig ko na ang Taproot dati, hindi ko lang pinansin ito gaano, parang 2022 last year ko ito narinig at nabasa, and know that it's good for Bitcoin. kaya nga nung mga araw na kasagsagan ng hype ng ordinals at brc20 ay sobrang saya ng mga miners dahil sa taas ng fees.
At kung hindi siguro agad ito napigilan malamang tapos ang maliligayang araw ng ordinals at brc20.

Bakit ko nasabi? dahil posible para sa mga ekspertong developer na i-disable ang ordinals at brc20 sa pamamagitan ng soft fork o hard fork. Dahil sa paglikha ng mga spam na transaksyon na siyang nagdulot ng pagtaas ng mga fees, na naging disaster sa mga bitcoin holders.
Buti nalang kahit pano naging normal na ulit kahit papano, bagamat mataas parin na maikokonsidera.

Oo normal lang mag-alala kasi bago palang naman itong upgrade na ito. Pero kung yung mismong mga experts na ang nagsasabi na walang dapat isaalang-alang, ganon na din ang iisipin natin.

Ito nga yung lately na sinasabi ng marami na merong network attack at related sa ordinals kaya yung result ay yung fee tumaas. Posible kayang miners rin may gawa non? Hindi natin alam pero ang maganda sa ngayon unti unti ng bumababa ang fees.

Tama ito, Ang taproot ay ang better version ng Bitcoin dahil binigyan nya ng flexibility ang Bitcoin para magkaroon ng bagong function na pwedeng makasabay sa ibang blockchain ngayon.

Sa tingin ay ang loop hole nilang kino consider ay yung potential attack sa Bitcoin network dahil sa dust transaction dulot ng Bitcoin ordinals. Maaring abusuhin ang mataas na fee ng mga miners kung laging magkakaroon ng ganitong scenario na involve ang BRC20 tokens. Naalala ko dati nung bago plang ang NFT, Madaming sindikato ang nagmamanipulate ng price ng NFT para pataasin ang value. Dito nagsimula yung hype sa NFT na naging dahilan kung bakit sobrang mahal ng fees sa Ethereum hanggang ngayon.

Kung mangyayari din ito sa Bitcoin at madaming degen ang papasok. Sigaradong sobrang taas ng natin long term at apektado tayong lahat.

First time ko marinig itong taproot nato at currently researching into it. Even yung ordinal is last week ko lang nalaman, I'm shocked na 2021 na pala ito at wala manlang ako nabalitaan at idea about dito. I think bitcoin needs an upgrade and I think eto na siguro yun. Syempre hindi pwedeng mawala yung negative thoughts about dito since yung ordinals ehh may possible problem na dulot, I'm still uncertain sa upgrade nato since wala pakong masyadong idea about dito pero possible maging catalyst to ng bull market if ever.

    -   Wala akong nakitang experts na nagsabing ang taproot ay pwedeng maging loopholes ng Bitcoin, walang ganun. Bukod pa dyan ang Taproot din ay nagpapakilala din ng bagong uri ng script sa aking pagkakaalam na tinatawag na Schnorr signatures. Na kung saan ay mas maliit at mas mahusay kaysa sa present signature scheme.

Sa tingin ko normal lang din siguro sa ibang community dito ang magkaroon ng alalahanin sa taproot dahil sa loopholes, subalit sa aking palagay ay wala itong batayan, dahil gaya nga ng sinabi ni OP sa mga benefits nito ay andun na lahat sa mga pinost niya dito.

Ang akala ko dati, as-is na yung Bitcoin at malabo na maupgrade kasi nga wala na si Satoshi although aware naman ako na may mga main dev pa rin na parang nagpa-patronize.

Simple lang take ko dito. Kailangan talaga ng pagbabago para sa mga future updates dahil sa mga existing na problema na kinakaharap natin. Technically, hindi ko alam kung puwedeng maging loop hole yan, meron bang mga expert na sinabing pwedeng maging loophole itong Taproot?

Sa aking palagay at opinyon, ang taproot ay may mataas na ambag sa pag-angat ng Bitcoin. At ito ay meron ding potensyal na maging mas mabilis, mahusay at gawing mas pribado ang Bitcoin sa pagkakataon na ito.

Sapagkat makakatulong din ito para masukat ang bilang ng mga bawat transaksyon na nagaganap o ngyayari sa blockchain
network ng Bitcoin. Kaya maganda itong ginawa mo na binigyan mo na detalyado ang bagay na ito dito sa forum sa lokal natin
para malaman din nila kahit papaano.

Sa tingin ko ang Taproot ay mag-aambag ng higit na timbang sa pag-unlad ng Bitcoin. May potensyal itong gawing mas mabilis, mas mahusay, at mas pribado ang Bitcoin. Maaari din itong makatulong na sukatin ang bilang ng mga transaksyon na nagaganap sa network ng Bitcoin.

At meron lang din akong gustong idagdag tungkol sa benefits ng taproot bukod sa binigay mo op,

Source: https://cleartax.in/s/what-is-taproot

Marahil sa kasalukuyang issue na kinakaharap ng Bitcoin network ay naririnig natin ang mga features na Bitcoin Ordinals at Ordinal Inscription na sinisisi dahil sa ginawa itong medium para iexploit ang Bitcoin network.  Kung saan nagkaroon ng congestion at mataas na transaction fee na naging sakit ng ulo nating mga users.  Alam nyo ba na naging possible ang dalawang ito dahil sa implementation ng Taproot?

Ano nga ba ang Taproot at para saan ba ito?

Sa mga hindi pa nakakaalam, ang Taproot ay isang major upgrade ng Bitcoin na inactivate noong November 14, 2021^[1].  Ito ay nagbibigay ng karagdagang benefits sa Bitcoin tulad ng mga sumusunod:

Benepisyo na makukuha sa implementasyon ng Taproot

• Karagdagang Privacy: Ang taproot dahil sa increase privacy ay nagbibigay ng higit na security para hindi malaman ang pagkakaiba ng transaction sa pagitan ng mga dumaan sa normal na pamamaraan at smart contract.
• Improved Scalability:  Ang taproot ay nagbibigay ng improvement sa scalability dahil pinapaliit nito ang transaction size. Malaking tulong ito dahil pinapamura nito ang transaction fee
• Increased Programability:  Binibigyan nito ng kakayanan ang Bitcoin na makapagcreate ng mga smart contracts within sa kanyang network

Ang taproot ay nagbigay daan para maimplement ang smart contract sa 1st layer ng Bitcoin network.  Specifically inintroduce nito ang mga features tulad ng:

Mga bagong itinampok ng Taproot sa Bitcoin Network

• Schnorr signatures^[2]: ito ay higit ne effiecient at secure kaysa ECDSA^[3]
• Merklized Abstract Syntax Trees (MAST)^[4]: ang pinapayagan nito ang higit na kumplikadong transaction sa mas pinaliit na sukat.
• Tapscript^[5]: Ang tapscript ay isang bagong scriptive language na higit na expressive kaysa sa kasalukuyang ginagamit na Bitcoin script language.

Dahil sa pagimplement ng Taproot, nagkaroon ng kakayanan ang Bitcoin network na maimplement ang tinatawag na Ordinal protocol^[6]
Iyan ay ang mga major benefits na makukuha sa pagimplement ng taproot sa Bitcoin network. 

Sa kabilang banda ang isang bagong tecknolohiya na inimplement ay maari ring magkaroon ng tinatawag na limitasyon o kahinaan na maaring iexploit ng mga ill-intended people:

• Increased Complexity o karagdagang kahirapan sa pag-unawa: dahil ang taproot ay nagiintroduce ng panibagong code structure sa Bitcoin network na kung saan pwedeng gumawa ng mga smart contracts sa 1st layer ng Bitcoin blockchain.
• Posibleng magkaroon ng mga security vulnerabilities: dahil sa mga introduced na bagong code sa network, hindi maiiwasan na magkaroon ng mga vulnerabilities o kahinaan na maaring iexploit ng mga hacker.

Sa kasalukuyan maari nating isipin na ang Taproot implementation ay isang napakalaking development ng Bitcoin para mas lalong mapaigting nito ang kanyang serbisyo.  Kung makikita natin ang mga benepisyo nito, talagang inihahanda ng Taproot ang Bitcoin para sa massive adoption na kung saan ang buong mundo ay kikilala at gagamitin ang Bitcoin network para sa kanilang mga transaction.

Sa kabilang banda hindi rin natin maiiwasan na dahil sa mga bagong features na nimplement nito sa Bitcoin blockchain, maaring gamitin ng mga gustong umatake sa Bitcoin network ang mga features na ito katulad ng kasalukuyan naranasan natin tungkol sa pagexploit ng BRC20 sa Bitcoin network na nagpataas ng congestion ng network na naging sanhi ng pagtaas ng dami ng mga hindi nakumpirmang transaction at pagtaas ng transaction fee na ikinabalisa ng mga Bitcoin users.

---

Sa tingin nyo, mas matimbang ba ang maiaambag ng Taproot sa development ng Bitcoin o magiging isa itong loop hole na maaring maging dahilan ng mga problema na mararanasan ng Bitcoin sa hinaharap?

---

[1] https://academy.binance.com/en/articles/what-is-taproot-and-how-it-will-benefit-bitcoin
[2] https://en.wikipedia.org/wiki/Schnorr_signature
[3] https://en.wikipedia.org/wiki/Elliptic_Curve_Digital_Signature_Algorithm
[4] https://bitcointechtalk.com/what-is-a-bitcoin-merklized-abstract-syntax-tree-mast-33fdf2da5e2f
[5] https://bitcoinops.org/en/topics/tapscript/
[6] https://academy.binance.com/en/articles/what-are-ordinals-an-overview-of-bitcoin-nfts