Topic: Food dragging at events (Read 516 times)

See mk I tell u, u see this our beloved country, u see anything food, dem no dey carry am play, anywhere free food dey come from whether wedding, burial o, naming ceremony etc, as far as say free food dey come out from, dem no dey shame to dey drag am o, wen dem don see say that day food don dey sure for and u come want mk dey come dey Shame because say dem dey for occasion, although I no too blame people wey dey drag food for events o because this country wey be things dey cost steady and to dey see beta thing wey go give u better money to dey buy food no easy, some self to see food na war for dem, so if dey see that opportunity dem dey grab am well, some dey even fight for because e no easy o for this country but the one wey dey pain me pass na that ones wey be dem get better work and food no be their problem but yet u go still dey see dem dey drag food, maybe dem dey get joy to dey argue with people or maybe dem won add more to the ones wey dem get.

This matter na legit matter and u been dey think say na only me been dey observe all of these stuffs but e come be like say I'm not In this shit alone and no be say I dey drag food for events but the truth be say I no dey carry occasion food play especially  burial rice and forget pride at some times i dey forget home training once food matter just reach.
This thread don make me laugh tire nevertheless I believe  say with the current economy now,we go get more of the cases as like this, anywhere wey food dey na e be my home .

No be say, I go fight to take food or I no get food for my house but you see party food, if e no reach me, e get one kind pain wey I dey feel I go hustle collect my own so I go dey satisfied no be say I go fight person just to get the food.
How you dey feel when other people wey dey around you for party all get food but only you never get? E dey pain everybody that's why some people dey quarrel waiters for party😃.

Normally me ah no like that kind thing wey be say adult go they drag food for occasion e they piss me up well well. Most persons go talk say nah how the country they nah him make people they do like that but me ah conclude say na immaturity be that. When ah beeen they grow up ah see that kind thing well well and ah no like am. Na why me stop to they attend occasions. At least if person no get food for house make him try lock up and find way no be to they disgrace himself for where people full as if him no they chop for house. My mother no they like see him children they do those kind things she done vex carry us go house, infact if she follow for people wey they share the food she no they even give us food at all.

My concern nah just about the self control wen time to share food and drinks don reach for party. As for weda them invite you or not that question no suppose be wetin you go ask person for this harsh economy at all. Just as @cryptoprenuerbrainboss talk for him comment say on a normal nah this party then nah some people for we country the use survive and that thing nah true cos I don see plenty people wey the usually run that package every weekend. There own nah to just move out the scout where better occasion the hold make them join body see food to take survive the weekend, them the even come with sack bag sef for take home.

My own be say if food plenty for the party give everybody not minding who them invite or not bcos any food wey remain after occasion some people the throw am away something wey them for give people extra choppins to make sure say food no waste. And this thing na caterers the usually do am, them go the economize food wey owner of party don pay for to share for all guess so that them go get wetin go remain to take go house nah make me for my party I no go fit emply caterers to com dey in charge cos many people no go see food chop , my guys go run the package for me as I want am

 Some people no even get shame at all, they no send who day look them or who them day deprive of food too as long say their belle don full and their bag too, but no be so ee suppose be they suppose day consider the person way host the event, because the thing day actually ruin event, you go come day see scenarios where people go day complain give person way host event say they no see food. Whereas the person go day think say food day go round for him event, they go see shortage of their food for their event when don day spend plenty for food. At least make we day day considerate about our action.
  We know say government no try and them day fall our hand well, but that one no mean make we loose how our values and moral. They say charity begins at home, make we no day do watin we no like make dem do us. Cause this life hector by turn, whether government or no government make we day try use our conscience.

This na normal Naija vibe na... one of the things wey make Naija be cruise. The funny thing be say most of the people wey dey drag food for event na people wey hold money and can buy everything them chop for the occasion.  You see that free food, that one taste differently and no be something to miss 

But the thing dey pain say you go event and them serve food e no reach you. Make we comot play for the matter,  e no dey sweet at all.

  The government don turn our country to jungle place where everybody wan just survive and you know say for jungle na the strong day survive, it’s is either you eat or your being eaten and ee no go jell if na you day chop. Normally no be everybody wan use ear hear say free food day go on for some kind location, they ready even turn up to the location even when they no invite them come. All this na because of free food and drink oo just to use quench hunger. All this for no sup if we get better leaders for that top, hunger don be major issue now as we day, average man day chop just one square meal for a day with no source of income way go dy back you too. Hunger dah outside like this some people gan na their only chance to chop for the day and you wan make them no drag the food when he come. Shame no day again cause na survive mode person day on.
  All this lapse for no day if we get  better government for office and if this our leader fit create opportunity for boyz to work on cause the way the country day move, ee day move really fast but no day carry him people along, our debt just day increase for world bank hand, all this issues we day on right now na our government put us inside, food way suppose be the least thing, the list common thing a person suppose get. Because we no fit actually day without the 3 basic things which are food, clothing and shelter. Vexation full people body na why we day always para we no o even wan know way person day compliment us without saying na whining. We day see the least thing as compliment as whining, just of because the shege we don see don too much. One good thing about niaja be say we fit leave and adapt to any condition and country. If we fit survive for here other places go be like cake for use if we use our head.

I believe say as a Nigerians way we be, one or two persons go done hear about the popular saying, way talk say na conditions nai make crayfish bend, this talk mean say as money no dey, any body way see how e go take survive for that day make e do am because food no go fall from heaven come down even with all the prayers way the person self go pray.
Anything way be occasion, e good make people also join to celebrate but when food time done reach e also good make the attendance self dey on good conducts so that them no go disgrace them selfs for public, we all know say the country dey hard but make people also try dey control their self when them see free things

E get one occasional wey me sef go one time like that wey i see the way dem de drag food there my body just weak buy guy you no go blame them oo na just the way the country don turn out, money no de ground and things just de cost de go economy don bad so even young people wey get hustle de follow drag food because say money wey dem de make no de do dem and them get people to look after so dem no mind anyhow and anywhere wey dem go see food dem do anything for am. If you don enter somekind places you go know say hunger de dis country but if you no de go anywhere you go de think say the way tou de na im other people too de but na lie country hard gaan.

The issue be say the money wey dis workers de use buy food before don increase now so as food price don increase e don affect the quantity of food wey dem go fit buy so if dem de chop 3 square meal before now e go don reduce go 2 and again the quantity wey dem go dey cook go reduce also so dem no go de belle full as before. Almost everybody wey you see de waka for street de hungry because food wey him chop for house no do am na why all these young people too don de drag food for occasions now. Hunger de dis country like this but we jus de pray make things change and I believe say with time e go better.

E don tey wey I dey see those things dey happen my brother, waiting dey even surprise me be say if they do ceremony wey food no dey enough na another problem because person go even carry the matter go out say you do and you no give them something chop, even people wey dey collect salary no wan dey suffer now, everybody just wan carry food go house wey be say the food stuffs wey him buy for house go maintain, the reason why this thing dey happen be say things Don cost, thing's Don get money and even the salary earners E no dey reach them to spend.

I no blame anybody for that thing wey them dey do but for burial ceremony, haba, E no good at all, person die wey them go pray for am they still dey fight because of food for the ceremony, even if person wan cause fight make him no thing's wey him go cause fight for, and even like naming ceremony or marriage own it is not good for people to be fighting over food, because it very dangerous, I have seen a ladies fighting because of food and at the end many people end up in the hospital because they got injured with hot water and on the fire and some fall on the hot soup.

The tin wey dey happen now b sey d economy don bad now wey b say people no dey c food chop again, alot of people no dey eat common for house because notin dey for them to eat, even transport sef, no dey na beg dem dey beg waka.
The reason y those youth wey u say dem dey work n receive salary join those old people dem dey pack food for party b say d salary don too small wey no fit feed them for d week , how much more for d month, some self na only transport or water moni come out for d month, how u come feel,say them go survive Civil servant and private sector too no increment of salary na mouth government talk am put dem never show working for dem moni,some state government self dey try pass federal government n.a. so so stories federal dey tell him workers dem. lf u go market now every tin don increase ,so dem small moni wey dem dey receive for salary no fit do anything, nigeria government self no fit help so everybody dey find how him go survive for the country. No blame people for Weston u dey c man must wak (chop)

Still on still, this matter don deh worst now self. The burial weh I attended this weekend weh just pass make me realise how things don deh very bad. I thought much people no go attend that burial unto as the dead man no too mix up with people when him deh alive. But people plenty everywhere and deh drag food. It was not a small matter. Hardship don make many people begin mishave without knowing say them deh misbehave so.

Na everything bad we deh carry put for culture. How can this type of thing be culture, nonsense culture. Why is it say na for poor people or average parties we deh see this type of your culture but we no deh see am for well organised parties. Abeg I no agree with this one.

I may not totally agrees with this as a cultural practice influenced situation because those involved in this kind of manners are really hungry, they needs food to eat to keep them alive and healthy and so any opportunities they receives will give them more opportunities to getting their problems solved by eating and having enough to takeaway, most of these are during ceremonial celebrations and other cultural outings.

This one na confirmed truth you talk here Sapa dey for ground na almost everywhere, for my area here as today bi Saturday wey ceremonial events plenty some people go dey move from place to another to search for where ceremony dey, infact na well dressed people oh there aim na to collect take away and most of this event food no reach because people wey the no invite plenty pass the food self, if person dey see three square meal chop daily make that person dey thank God because things don hard  for this country now wey tinubu don remove subsidy inflation go rise, in fact I read a news wey them say government workers don dey sleep for office because of high transportation cost.

This one na serious matter wey dey always happen, even up till date e still dey happen. so like this me no think say this thing go ever stop, e just be like generational curse, wey we carry grow. na even one reason i no dey like go occasions wey dem go share food, the food reach your side self you go dey see bombastic side eyes up and down, the food no come reach you na still the same looks you go get, you come get up now as a gentle guy or lady go to ask why your side dem no serve you that one all eyes on you, and you know the amount of bad mouth we dey get for occasions e dey plenty pass people wey come.

No reason am like that lol, this na one of the most interesting and real thread I don see for this board. No be falling hand cos people we dey won form for dey look us less less even if we do heaven and earth. I dey like participate for any event I go weda na dance or spray o down to item seven I dey use my full mind follow up.

This matter no be today eh start and eh no make sense at all, the thing be say many people done they use the poverty situation they over do the thing, some go even park food wey go last them for days like day na the organizers of the ceremony carry them come this world.
 As for people wey get comfortable job come still dey do this kind of thing I feel say na greed they cause that one, because if no be greed the person no go forget say em get food for house already and get money to afford wetin em they embarrass emself for, because na am suppose they show example to the poor ones wey dey hungry rather than dragging with them for something wey em already get.

Wetin I think be day people like awoof, free things, to chop where dem no work. Another reason wey I see be say people no like make dem cheat them, one proverb say "if them do woman as dem take do other women, im mind go sweet". Meaning say somewhere in human nature, nobody want carry last, even for small matters. So I believe say we need to define the kind character way we want, otherwise we go de behave and de react like most people.

Make I no lie, I de behave like that before until I come refine my character. Before I go any occasion now, I go make sure say I eat Belle full for my house, so if i reach the occasion whether food reach me or not, I no mind. Sometimes self if the food no make sense for my eyes, I no go collect am.

My brother as you say am na true but most majority stealing is not because they lack of food at home we all know that this country to get job is very hard but some people e dey there body they don't want to work and get their daily bread is very hard for them to work and most of their parents are not lack is just waiting dem wish.

Normally you know as we Nigeria dey always talk am say if you go occasion make you try and chop but you see that all these old ages if dey go to an occasion dey always try and get food so that dey can take can take it to there childrens because is very hard for some people before dey see food chop

Anywhere you go and see people dragging for food is not an avenue to laungh at them but rather a challenge to help them because they are in hunger, if you look into the society today and see that rate people are stealing and was oppotuned to ask one or two people the reason that led them to doing such act, they will respond to you that it's hunger and nothing more, frustration in huger will lead to desperation for looking for a survival means, an average citizens must at least in a day have access to good food and clean water, but everyone was left on his own to find a survival means both the good and the bad means, those that can't steal are the ones found in this category of begging for food in ceremonial events.

No be hunger hold that person weh do that thing. Him deh collect meat so him go use am cook something else for house. Na greed and mumu go cause am. People need to deh respect themselves when them deh outside. No be everything person supposed deh act outside.

Eh dey funny shah oh, but wetin Adam & Eve go do nah, you and me know say the contri dey hard currently, because thou people go wan package dey form as big guys for event, but sapa is a respecter of nobody oh, and wan eh hold you u go forget all those forming oh, and that's eh dey good say when you wan go occasions like this make person chop beleful, before you go out there go jons.

Omo, this thread dey somehow o,
For one way; e be like we dey rub our people for portor-portor but in another way, the matte4 na very funny something. As I dey read cef, one video way I see on social media na  em just hit me. This one no be dragging matter o, na the one way be say, person dey hungry but still,e wan form I no dey eat for events. E go con dey hide dey collect meat commot on top dey put for bag. Omo, people dey do things for events o. Afte plenty packaging and na the other gender way give Adam apple do am pass. Drinks dey left out o,anything way fit enter bag na target.

For we country, occasion na express invitation to every body o. Weda Dem invite or  not, people go grace the event as long as rice and stew very plenty dey available. Atleast if celebrants no get people strangers go help cover the lapses as long as food dey available for then to eat which I know say Dem must collect extra as na normal thing for Naija wey person people go go occasion go dey drag food.

I don dey for function infact burial to be precise wey I see one man as I dey pass dey chaw for one house wey dey do the burial. Omo that same man chaw there finish collect put for bag go another canopy for that same burial go dey drag say food never reach am  and dey claim say him never see food chop. Na wen the matter don dey turn to serious argument I come inquire to know wetin dey happen the lady come tell me wetin happen  na laugh I begin laugh carry myself Waka leave  them.

This good matter for occasion no be today. Na some people hope be that o. That's why you dey see say sometimes food dey finish for occasion the real people wey come the party never see food eat.

Senior man if you follow my first comment you go know say no be this type of people I deh condemn for food dragging. This ones na poverty be their problem and we sabi how country be with this APC yeye bad government. Hardship touch almost everybody. I no condemn them. The ones weh I condemn na people weh get work and deh collect pay but deh mumu themselves whenever them see free food.

This one wen you dey bring oyibo matter come here na 9ja we talk about, this oyibo wen you dy talk self no believe watin you dy see for television ooo, you don ever attend their ceremony be4, them too dy drag food jus say their own get level.

One day like this for my school around towards evening when I want to go hostel and then saw our school VC with other Prof they comot from inaugural lecture dey dy go were dy go eat I come follow them say thins go sub for me, as I reach there I come see say na hustling thins ooo, I come see myself dy drag food with staff, since then I dragging no be only my habit na general be that.
Just that drag get category it depends where you come see yourself, you come do am base on location of the occasion.

No be lie sha, but just because you reject a way of life no mean say the place wey you from no be their way of life be dat. Take spraying of money as an example, e no matter how you wan talk say no be ur culture when everybody know say we Nigerian dey do am steady. One of the way to stop this dragging for events as you talk na to dey organized events based on invitation. E get plenty wey I just come from and food been dey everywhere like sand and na because dem do the party based on invitation.

Although me no too support parties wey dem do with invitation, I dey like party wey raw. Make we no lie, e get people wey dey survive based on the parties wey dey go on around their area. I know say to plan party dey hard but e no go kill you to add extra expenses for food so people wey come or crash the party fit chop, country hard. Also another thing na for those wey dey incharge of the food to get church mind and use all the money allocated rightly. Most times wey food no dey do occasion na because of the people incharge dey run street for the kitchen.

Food is just a necessity even though persons overdo when they see free food. I don't actually blame those that aren't even shy to hustle for food at any organized event.
Hardship dey the country no be small, but my own concern na those wey see am as target or accomplishment and label those wey no follow struggle for the food as weak or not smart.
I have seen occasions that even share food items as take home gift from the couple. Some still call am dumb, but I even prefer say raw food reach me make I carry go house, than for me to struggle for cooked food wey go sour before I reach house settle down chop am.

Some people for naija believe say if u nr drag u nor smart.so most of dem nr wan looseguard since foodstuff like garri wey we fit easily buy don dey turn crude oil

OP, you see this matter you raise so, na so e dey happen o. Number one matter be say there is hunger in the land so every o man go hold him side tight. Another one be say Naija jollof too sweet SBI you don go function before go see white rice and stew even if you every happen, e dey rare for you to see that kind of party food.
This talk of dragging rice during occasion no be today Sha but I want make you know tday item 7 dey always dey very important because guest no go dey for your occasion from beginning to the end e come reach item 7 you skip them my OP that be say Dem go tell you men we die here.

I've been to events where I've seen people lining up for food and always trying to get extras, to some extent, I found it embarrassing, but to others, it was a matter of survival, the majority of people find it difficult to feed themselves, and to others, it was an act of greed. I once went to a funeral where a woman screamed with tears streaming down her face, the next thing I knew, I saw the woman lining up for food, I was shocked and speechless it was very funny  currently am not longer surprised by any act.

Hehe 

Omo me don tuama go church like this, i dey road if i finished asking my pastor i go show back come give you update and him must answer me oo. Jehovah witness people bible self me no understand how their bible be like this.
But on a lighter note e dey for bible oo, na just time to go source am out be my problems if not i for come here tell you how e be for them body as dem bin dey drag food like that, and one thing wey you go know from today nothing wey happen now for this world wey never happen before and nothing dey new, instead na we be new people wey dey world and e dey surprise us as we begin see those things dey manifest again.

Make you no mind Cryptomiles1 abeg. That thing no deh for bible, except na Jehovah Witness or Catholic bible him deh use. And I challenge am to give us the quotation self.

My brother no reason am oo.. me no bible student to carry all those bible quotations for my head in fact if e too much I go church go ask my pastor so that him go tell me am after all na him occupation be that to dey teach us bible.
Lol.
Food matta tire person oo mostly these new sets of people wey dey gym am from event go home.

Bro how u go forget, you no supos forget dis kind Bible reference nah. Abeg go search am com tell us cos I go lik to go read am oh. Lolz

Omor that woman na long throat dey her eyez, for her to talk say na occasions food sweet pass na be say she no sabi cook too. And nah their type the go occasion lik wedding without any gift to use dash the couple but na she go still complain say food no reach her well.

Anyway, this mata of people rushing food for event's na sumtin wey me I dey hate to see, and just lik OP talk am, even people wey get money with beta work dey follow do dis disgraceful nonsense and Dem see am as nothing. Na mk some people now don dey do "attendance by invitation" into their event place so to avoid some of this wahala from ungun-known-guests.

Most times as you talk am, the celebrant fit don make provisions for enough food but some persons go just hide to food, so de small one wey dem bring out, naso people go just the dey rush am up and down because the food no dey enough to go round. Sometimes some people dem dey wicked sha... After dem no chop their own belle ful, dem go dey use polythene bag to store food wey suppose go round and before you know it food don finish 😁

In events where the crowd and invites not controlled, it is normal to see food dragging. Normally people organising an even usually plan to cook a certain number of plate of food depending on the number they are expecting, some couples stick to it, some do not stick to it and others simply just cook as much as their budget can carry. For the people who stick to it and control their guests list, the occurrence of food dragging is less. For those who do not control their guests maybe due to venue for the event or other reasons and those that cook in small amount as their budget can carry, there will be food dragging.

In summary, many of the events we attend have uncontrolled guest and crowd, it is why there is food dragging most of the time.

one way or the other everybody go don witness this food dragging something for events around us even if say no be we dry drag the food but we go Don see am happen for we area. Like our senior talk, the thing don become part of us and e go hard for this habit to die in our social life but come to think of am, sometimes no be actually the person wet dey drag the food nai actually cause maybe the person Don seat down peacefully but dem don skip am or dem tell am say food don finish for the occasion mean while some people dey wey day collect like 5-6 takeaway of food, my broda before you go know everywhere Don cast na so so dragging of food

Na better talk you carry come board like this because me too I don dey notice am say the thing don dey increase. Apart from say people dey hungry for the country now but some people dey over do am without any recourse to their person. Although normally you fit sincerely dey hungry for occasion especially when you don tay for there and if food dey disposal that one dey normal to collect if you want eat but some people fit drag food stain their clothes, e no dey necessary especially if you can afford it, na to just stroll enjoy one place and entertain yourself.

But e get the one wey I dey notice for where children dey for such thing, them dey sit down chop like plate for public place and sometimes their mom go dey complain say dey don't eat plenty like that for house. Is this a case of calling the parents out or variety is the spice of life 


The children wey suppose to complain say their old people dey pack food go house, no be them still dey drag food? Kettle no go fit call pot black na.

No be small thing ooh because this kind of thing no supposed to the happen, especially person wey get two hands and two legs, wetin go make you drag food for were you go event,
But some people e dey their blood,they must drag food or even drink for were them go like say you never eat am before or you never drink am before,
That time dey very bad e fit spoil your name or make you lose something wey you suppose get from someone else.
Learn to respect yourself and behave yourself when you go out because even though you are allowed to finish weting them bring out for events you no go stop hungry to hold you again ok,...

Na the exact thing weh I deh talk too. Nothing weh deh make person lose respect for small pikin eyes like person weh deh drag food for events. Na until the day weh the person go cross the line those small pikins go take am talk to am. Food weh you go still rush enter toilet go poopoo.


Me, weh deh attend party and no eat na him you deh talk say them go share food pass? I no mind o. Whether person chop for event or not person go still feel hungry after a while. I reject any culture weh go disgrace me. The question weh you ask about why food no deh ever deh enough for event. The reason go be because people deh always gate crash into events without shame and the number of guests go increase pass the food cooked. If na oyibo them, we know say their things na through invitation. If you no get invitation you no go enter.

Op to me I no dey drag food for any occasion wey i go oo, but if Dem share food give me and I dey hungry I go collect am chop, mostly if na rice I go chop am because I dey like rice well well,
But you know say this dragging of food matter for occasion no start today shall, the matter don tey wey e Start,
Mostly for wedding and child dedication occasion, because plenty people feel say if you eat for wedding occasion and happy with people wey dey wed say you dey attract the blessing of marriage if you willing to marry too, and if you eat and dance for child dedication say you dey attract the blessing of having a child if you wish to get one, and to me i just feel say e dey work for Dem,

While some dey really drag food because of hunger, you and me know say the country hard now, so people dey chop anywhere Dem see food because most of them no get food for house to chop,
Bitter truth though..

Well my broda from my observation from frequent visit to occasions I Don observe say most times no be say the food no dey actually reach, but the giants of the occasion have already smuggle all the food that are meant for the people wey go there in so doing making shortage of the food in the occasion. My broda as you talk na so e be oo,  food dragging Don turn part of culture because most occasions wey I Don attend there must always be dragging of food.

You no see wetin @CryptoHeadlineNews talk, e dun become our lifestyle which is technically a culture. E no matter whether you dey do am or not but na lifestyle now. E no get any party wey dem organized wey dragging no dey dey as such it's now a way of life which is culture so I no lie. Belike dem never share food leave the you before and this na mainly the reason why people dey drag food. Dem fit dey share food and everybody go respect themselves but immediately the information go round say food dun dey finish na him you go begin see people true nature.

While we dey on this matta me wan asked question oh, why e be say dem no dey even do food wey go reach everybody or is it a tradition too say some people go come your occasion dem no go chop. This one no make sense at all and na this lack of enough food for people dey causes this dragging mata so if we want stop am, our occasion planners need to they consider the amount of guest wey the host dey expect den add small extra just Incase and make sure everybody's chop because e no make sense to baff commot house say you dey go occasion, you come still no chop.

This na temptation my brother, if you no hold your body well for event you no go know when you follow them go drag food for event too. Me too I don wonder why this thing be like this, people wey their house dey stock up with food go dey follow the people wey no too get drag food. I ask one elderly woman one day about am, and she tell me say na the blessings wey dey come with those occasions na him make everyone go dey rush. The reply been sound weird but if you too reason am na so e be. If you organise event and you cook food wey people no chop am, you go definitely feel bad. The chop wey dem chop am with you na him be the blessings wey dey come with am😁

lol,this kind thing say people dey drag food for occasion  no go ever end for we country oh, no Matta how federal government provide job for it citizens if atall dem been dey take care of us,na part of the things wey dey make occasions fun be dat say people dey fight for food.Well,me I dey seeam like say na big embarrassment to people wey dey earn money or do one or two things to make money to still drag food with people wey no dey alright or people wey no get food.I never for one day reason to tryam,nai make me sef,if I dey comot for house,I dey make sure say I eat first,chop bellefull make hunger no go make me do wetin I no dey do before.We go just leavam the way we see because e no go fit end anyday.

Eh don become our way of life, and I dey sure say food dragging of a thing can never be excluded in any event in 9ja, be it burial or wedding, because the truth of the matter be say in most communities, when people hear say burial dey for Mr. A or Mr. B compound, majority of people wey dey for that community no dey eat from house go burial, because dey believe say dey go chop from that burial, and if unfortunately person wey dey share food no con give them food for that burial.. Omo eh don turn dragging. Which is why me when I go burial, I dey always dey on my best behavior, because eh dey very disrespectful for person wey dey earn salary go drag with common villagers for mere jellop rice, wey no dey even get taste sef.

No mind Brainboss. Me self follow laugh for wetin him talk. But una no think say that food dragging thing fit give person bad name? After the reggae play the blues kind of thing go begin happen as anybody weh sabi say you deh drag food for event go deh use am describe you. When small pikin go begin point you whenever you deh pass say see that bros weh deh drag food for that burial.

I don laff belle bust as I dey read this thread. Brainboss won kee me for laff. Na normal thing way we dey see for owambe. This na character way dey inside the blood, some people dey believe say you dey miss blessing if you nor chop for party, you go see brah wey drive better motor, dress well go dey drag food like say e never chop before. I don dey used to am e nor dey vex me again. All this thing dey hapun because who dey organize nor dey plan that aspect well, or who dey share food na nepa. Any event I dey go, na who invite me I dey mount am make e keep my package one side I nor won hear story.

I no sure say na culture thing e bi because while growing up na certain people for area weh we know say them no get shishi deh do am. But today na most people don enter that way, especially for village settings.


Boss no be lie you talk there. This place deh bless us well well. You go fear wetin those weh deh brag say them even get work deh receive as pay self. Most of the big boys like una deh even triple their pay. One day I go reach una level.


People like her deh every occasion. No be her type I deh talk about. Am talking of those people weh get jobs but still deh misbehave for events once them see food. Food weh person go poopoo in less than 48 hours later. Na big shame.

It's a culture and I dey personally enjoy am. Although I no dey drag food but you see any occasion I enter, even though I dun belle full, I must chop. Nothing sweet pass occasion food (food wey you no pay for lol). You see this dragging and spraying of cash na wetin i dey enjoy pass for burial oh, wedding etc and that's why I dey vex for Buhari and him tenor for putting a stop to it. I understand their reason but common why him wan take away the mist anticipated part if an event.

Well if there's an increase in dragging at events I guess we all know why, country hard. Bitcointallk dey bless us so we no go understand but if you go outside ehh you go pity people. I fit remember one woman wey be dey my village when I small, we dey see her for every occasion on Saturdays and Sunday and normally anything wey she achieve na wetin her children go chop for the entire week until another occasion come board. I sure people still dey run this compass today self.

You see food dragging for occasions, both the young and the old d run am. No be today wey em start an em no fit stop. Dragging of food for occasion don turn out to be normal thing wey people d do no be because food no d or what. Na mostly because people wan just eat for the occasions wey d come. As the process of that, dragging go follow suit for the matter.

The mindset of people wey d come for occasion na to find something put for stomach for occasions wey the come. There is no way you go stay put in an occasion for hours, hunger no go like deal with you. Na that time wey hunger go d hammer you, you go like make move to hustle for your food(that brings about the rush). As the saying be, man must waki(eat)

That food dragging thing just they some how to me, normally me no they too like to go occasions especially the burial something..

Anything way make them no serve food reach me, I don waka go my way I no get strength for any body to they carry my name they waka, say I come they drag food like say I no they chop for hux.

Watin they surprise me for this kind matter nah how even people way they advance enough to they advice their own children to stop some kind thing way them they do, they be the one way they do am.

I go like know this bible matter weh you bring enter this thing. If you no fit remember the bible book or quotation weh the thing deh, you fit still tell us the story make we see if the thing relate. I hope no be the marriage feast for Galilee weh Jesus attend you deh try talk about?


How the thing dey take taste different if you use the same ingredients cook am? No mind the woman and other people weh they talk like that. They just want to get excuse for their greed once them misbehave for events weh them attend.

Yes I sabi say hunger full ground but that one no suppose mean say we go deh disgrace ourselves outside na. You eat today no mean say hunger don disappear forever.

My broda you see this thing you wan carry talk like this don dey exist right from origin of man and na from bible e take happen, although i no fit quote the exact bible reference. So for you to come tell people to reduce how them dey carry take food for occasion be like say you no want them to complete the principle of God's words. But sincerely speaking e don too much for us like this we no dey even mind the kind of place we dey drag food from.
E get one day i bin dey yan with one woman about this mata she say occasion food get their own teste and e dey sweet pass home made food, so like this if she go event she go like to carry some come back home and you know how we country be, everywhere tight and hunger dey land so everybody dey look for easy made to eat and take home.

As a Nigerian, I deh see people drag food for events weh them go. E no even matter whether na burial or child dedication self. Na wedding own worse pass. The part weh deh surprise me pass be say even young people in their 30s and 40s weh get jobs and deh work too don join for this thing.

Before na old people weh I deh see do am. The old people own na to pack party food go house. And thereby deh disgrace their children weh no go too like the thing. Now young people don follow dey do am too. People weh go talk say na hunger in the land, but why people weh also get jobs and they earn salaries come deh do am too? I shock yesterday for burial event weh I attend and na this type of thing happen there too.

Abeg make una put mouth for this matter as it is getting serious by the day.