Topic: Fuel, PVC collection or change of Naira Notes, which of the queue stressful pas (Read 204 times)

NEW NAIRA NOTES:Nigeria POS stands now most especially the ones with the new notes na hot cake o, even bank no get customers the way them get and the charges dey like say we dey use money dey buy money, most shop don dey walk with only transfer no more note unless new currency.
FUEL SCARCITY:The aspect of fuel scarcity, that one now don make transportation dey hard if u no get better money you no fit to travel from place to place, e dey affect many people most especially the ones wey their work dey carry them travel from state to state.

My brother I swear , money queues now long pass anything, without money you no fit buy other things , since dem no dey use of Naira notes again, anywhere wey you see say them they dey give new naira notes na so queue go full dear o, this country done really subject us to the impossible, weitin we no ever reason say go happen na waiting wey dey face now o, and it's getting out of hand , most people no dey buy fuel again dem done park their cars dey use leg, na survival we dey fight for now ..no be to buy fuel.

This our money self nah sweat wey we sweat before we get am oh, I no sabi why we government take but am say we must sweat before we eat the fruit of our labor, we still dy use Moni dy buy Moni and the way I see am na Moni queue stressful pass oh...

Which way self naija?

Na money queue long pass o,becos without money,u no fit buy fuel or do anything. Recently, I dey watch my spending especially when it comes to do with cash. Crowd dey full bank every time and some people even dey fight for bank because of cash. This new change na suffer e bring come we country, I fit still talk say the leaders no dey wish us well this new year but God pass them. If you dey area wey steady light dey,you no need fuel. I no fit wait make all this thing pass.

Me, the one wey pain me pass na the collection of this new naira note, because for like 3 days now I don dey go visit A.T.M and still yet no time wey I go wey money go dey inside any of the bank A.T.Ms. And the worst thing be say even the old naira note wey CBN play us to send go bank, the money go just dey full for bank save, but for them to put am inside A.T.M make people use for this few days wey CBN try extend the deadline, na another wahala. And with the way things dey go now people go really suffer if urgent need is not done on this

The nature of our country these days has made us to be celebrating what is not even good to hear imagine explaining how stressful it is to collect you are PVC, buy fuel and changing of old naira note. This our countries is out of this world. We Really need revolution

I don't have a car, I don't care about the banks' ATM (because, I always engage in mobile banking or online banking), hence am stress-free. But, I think the Naira queues will be more stressful, because, without the notes u wouldn't buy the fuel in most of the filling stations. We hope for its swift passage.

Omor nah new naira note own worse.
How you go go bank to collect money way you sweat to get, but bank no go give you.
For my area one man naked for bank because e wife dey hospital and doctor say make e do deposit but no money e go bank no way nai e naked for them.

Omo all this queue na stress o,all go stress the hell out of you but for now na Change of naira they stress people now, because we no wan hear say money dey our hand expire, even for ATM queue wey people wan withdraw queue dey too , anything wey concern bank now I done wash hand commot , because na queue full bank now. Queue under canopy, Omo the stress just much, we dey suffer for the country and we still dey survive, from one queuing to another, and yet things never better , I go queue come February 26 go cast my vote and vote all this incompetence commot for office.

Comrade you say fuel dy for your area and nah 500 per liter, e better say e no dy at all oh. This one wey fuel dy but nah 500 what of the line up nah, becos from wetin I think the line go strong and moto from the rich piple go even make am look like say the poor dy beg to buy fuel, them fit serve the rich first self. No where good for this fuel issue.


Eh... E no go too get like that becos the weight fuel and naira note carry too much pass, look am nah you need moni first, with out moni how you wan take but fuel to take enjoy yourself? So that's why.
Liie this self no enjoyment for this contri.

Na naira notes oo, the queue wey dey for bank long come curve, both inside and outside banks dey full,
Chai you go see the way people beg to make withdrawal,even ATM no dey pay too, I even come across videos wey people dey naked for banks with tears in their eyes, omoh I dey feel bad,
If you say make you go use POS,  the POS agents go want use charge kill you, this naira notes na real talk of war now..

Fuel dey my own area shall, queue no dey for fuel too much, but the thing be say na only rich people dey buy fuel now, because Dem dey sale one litre 500..

PVC no too get queue too,

For me na fuel because of the wetin I dey see for my area. The queues dey even cause serious hold up like the ones I see today we be say one part of the double lane was completely blocked and vehicles come dey use one lane. Then for inside filling stations no be queue again na cluster of persons around the fuel pump with Jerry cans. Cash withdrawal na im be the second because of the queue around ATM machines but you cannot compare it to fuel queue. PVC, I no see any queue because the polling unit for my area na just a stone throw from my house and I dey pass there steady.

Fuel: their yanga no be small thing ooh, imagine say you pay transport go filling station as you come down from bike them go tell you say them no dey sell for gallon,and my question is which crime gallon commit for filing station wey make them banned am?

PVC: I no won remember wey The do me for where I go collect my PVC the kind delay wey them they delay person for there no be here oooh if you no get patient you fit fight for there,e imagine say I go there and I see my picture pasted on the wall I come get hope say I go collect my own here,i come go collect number first and after staying for more than 4hours and when e reach me to them begin search for my own and after a while them tell me say my own never come out say make I come back before the election day I begin the thing pain me.

Naira note: this one na no go area because na your money you come take, you no come to borrow money from them ooh,new one no dey old one no dey then which one dey infact no enjoyment in this country as of now ooh everything is all about strees wetin the happen..

Big man, person wey wear or tie wrapper no dy put hand for pocket oh, you hold the moni wella so e no go shake you like that nah, talkless of some piple like me wey dy find am to even buy gen... Maybe I go come dy power my device for your area oh.
You know say this fuel matter dy favor some piple while e dy hard for some piple, moni follow cos am. Some piple ready to prize the full till e reach there pocket moni but your own you no send them because you get am for hand, no worry when I grow I go like be like you, for now we go manage dy still find the moni.

My brother he chock you too? This matter of new currency fit turn person to something else oo, imagine person no fit get cash for Pucket again, the worst part for my side since on Monday any POS no have cash to give talkless of ATM machine in banks, as he stands now everywhere chock for my side, this one is just like stressing someone life, because how can I have money in my account but I can't even touch them talkless of spending them, our leaders have to do something about this and it should be fast if not this is going to cause a lot of what they don't think.

Why wait in queue for new money when the old one is still very accessable through pos that you just need 100 naira for each 5k you want to collect. Why we dey wan die for this new naira like say nobi d same currency we dey use before. We just dey over hype the thing, even before CBN postpone the date of depositing the old note, personally I no been dey worry about the deadline as if there's one thing Nigerian is known for na postponing of dates and that's one of the reasons we aren't taking things serious in this country.

Sha for me na fuel oh, but I no dey too queue like dat, na person wey dey fine low price dey over queue. My own be say make I just get the fuel and na for very early morning hours I dey do my waka, get the fuel I want, go house power my Device dem then begin the hustle. I never dey line pass 5 mins before, since this fuel scarcity starts. Na the previous one be weigh me but this one no shaking, everywhere good.

For this three things e, according to my own point of view, if you are in queeu for PVC last last you will collect your own.

Come to fuel scarsity, only thing is just that if you are going, you go with your meals and at the end you will buy it.

But for money matter, it may be that someone is dieing either by hungry or sickness, the person will need the money urgent to rescue the life of the person.
Finally some people may say i have not reach the age of having voters card, while some may say i don't have motor, motorcycle or generator so I don't need fuel, but everyone needs money and must wait to receive, money is where the queeu bus stop.

Na cash own worst pass oh because fuel since i get gallon I they carry go fueling station I no they stress like that, but you see this new currency matter the thing done tire me I no go lie anything wey I they buy now na transfer I they do oh to safe my self the stress since the goal na for cashless policy,from this extension now another extension go they again but this pos people no joy at all but you no go blame they because of the withdrawer policies.

Abeg collection of new naira notes na him stressful pass. Just imagine say you comot for your house by 4am just to go bank ATM to withdraw money. You come reach there see say people plenty and na you be like number 99. And ontop of this sef na only one machine dey dispense money. And still on top of this na only one bank out of the three banks for your area wey their ATM dey dispense. And still on still, the ATM wey dey your area still dey select banks. Even to go use POS , you go pay 5h charge for 5k and 1k charge for 10k withdrawal. Nobody fot tell me say this one nor pass stress...na suffering be this one.

I just dy reason plenty things nai one message enter my head to think how we go dy manage for this contri as the year just dy start base on the task wey we government give us;

FUEL:- some filling station go just use there jaga jaga behavior take frustrate person from early morning till even night self, fuel go dy but to sell nah war. Moni na my own but them go still dy make yanga with high prize for that mata.

COLLECTION OF PVC:- this one self nah another wahala wey I no think say go stress piple, e get as you go enter d place dy wait for you own PVC wey look like your international passport wey you don arrange finish only to take am go your house them go delay you give you different stories like say nah MTN sim you wan go retrieve, after spending hrs for line them go say go and come back tomorrow, sometimes I go ask if I do bad to come collect this PVC or I do bad to register am.

NAIRA NOTE:- this one mata e be like say the contri wan rob us of our moni directly no be indirectly oh (no vex abeg I just hear those English language today) I still no understand why this CBN piple go say make we change our own moni on so so date as dead line and we go enter bank go dy stay like say nah burial we go, change my moni before I no go fit use am them go delay me say moni no dy, no be only moni no dy but the new moni no dy for why nah? I leave house yesterday by 6am to change moni, I no believe say nah by 4pm I leave bank and I still carry some of my old note come back.


For all these line up plus queues which one dy stress you pass and e go good make we share our own experience...