Topic: GHOST COMMERCE (Read 276 times)

replying from above


kung ako lang din naman kasi ang tatanungin kabayan ay di naman talaga lahat ng  bagay mabibili natin in terms of legality (same vice versa), at sabi mo nga kung maiiwasan ay bakit hindi diba? pero alam naman natin na may mga collectors na kanya-kanya ang hilig at ang mas interesting pa nito ay hindi nila ito mabibili sa ordinardyong paraan kaya sila ay nag resort sa ganitong pamamaraan. totoong marami ang  mga haka-haka tungkol sa bagong teknohiya pero nasa sayo parin kung paninniwalaan mo eto o hindi. nung una kasi akong magsimula ay ganyan din ang panananaw ko sa lipunan pero nung nagkalaunan ay nag-iba na ang pananaw ko sa siyudad at sa iba pang mga bansa lalo na nung nasubukan kong mamuhay bilang isa.

Kung hindi naman talaga natin kailangang magpurchase ng mga illegal na bagay e bakit pa natin kakailanganing itago ang identity natin ang kumapit sa illegal transactions? Kahit saan ay may mga scammer sa seller at sa ganitong kalakaran, wala tayong habol since illegal activity nga itom mas mabuting harapin na lang natin ang hassle ng pagpurchase legally kesa makipag transact sa maling paraan. Mahirap na dahil sa halip na makatipid o maitago natin ang identity natin ay mas lalo pang mapasama at makatapat pa tayo ng manlolokong sellers na kung saan nga naman ay siguradong talamak dito.

Tama ka jan kabayan, alam naman nating dati palang ay marami na ang nabibiktima ng mga masasamang loob online. In terms of vulnerability kasi, madaling matukso ang mga pinoy once pera na ang pinag uusapan. Ito ding ghost commerce ay tinuturing ng mga foreign influencers na bagong side hustle na pwede mong pagkakitaan online kahit wala kang perang capital. Pero dahil nga masyadong risky, mas mabuting mag research muna bago pumasok sa mga ganitong uri ng business model.

Masmagandang iwasan nalang ang mga ganitong transaction dahil wala din naman itong magandang maidudulot lalo na ang transations sa mga hindi naman legitimate nasellers kung saan walang kasiguraduhan ang product na maaari nating makuha dito. Dagdag pa dito ang risk ng paglalagay naten ng ating personal na information, lalo na kung mayroong involve na pera, madalas hindi talaga ako nagtatransact online lalo na kung hindi ako sigurado sa website or medjo suspicious ito ay hindi ko na tinutuloy ito, lalo na sa paglalagay ng mga card details ay sinisigurado ko muna ang transaction. Dahil sobrang delikado kapag nakuha nila ang details mo na mayroong involve na pera.

Hindi ito mapipigilan lalo na ngayon na nasa social media ang ghost commerce pero maaaring magrely sa mga reviews ng isang product bago ka bumili, kahit papano ang bababa ang chance na mascam ka or makakuha ng defective na product. Ang Ghos Commerce naman ay bagong strategy na ngayon ng mga sellers so i guess suriin lang naten ng mabuli ang business bago tayo bumili.

Data privacy ngayon hindi naman nasusunod ng marami yan lalo na mga companies na sinasabi na iniingatan nila ang mga data natin kaya huwag masyadong magtiwala sa kanila. Malawak pa sana itong topic na ito at sana may mga nasa industriya na sasali sa conversation na ito at makapagshare na kung ano ba talaga ang pros at cons ng ganitong uri ng commerce bukod pa sa mga nasabi natin.

Tama ka po jan, usually kasi ang nangyayari kapag yung isang platform humihingi ng personal details pero sasabihin nilang di nila ito ispread out, kapag umabot sa punto na kumpiskahin ang isang platform, madadamay ang mga personal information mo. May risk na baka gamitin o kaya i exploit ang mga detalye mo, kaya ganun nalang ka kontra ng nakararami sa KYC na yan. In regards naman sa mga ganyang platform, tingin ko mahirap talaga i build ng sabay ang reputation at anonimity, sa tingin ko isa lang dyan ang pipiliin mo at mag focusan.

Hindi pa kasi aware ang marami nating kababayan patungkol sa decentralization. Kaya kapag hindi registered at hindi visible ang mga details, ang akala nila scam.
Tama lang naman yung ganoong approach kasi nga sobrang daming mga scammers at bogus ngayon sa panahon natin. Kaya yan ang unang suspetya ng mga kababayan natin kapag may mga ganitong uri ng features ang isang commerce o yung isang seller.
Sa tingin ko naman, basta yung mismong gumawa ng platform ay dapat i-register tapos yung uri ng transactions nila ay malinaw na hindi involved ang mga details kasi sa ganitong uri sila ng market magsisimula ang kaso nga lang, madaming worry kasi nga mga scammers kapag may mga ganitong features, ie-exploit nila.

kanina lang nakita ko sa tiktok ang ganitong video, akala ko hindi totoo yung nagsabi dito na pinopromote ito sa mga social media platforms, pero nung nakita ko ito kanina naalala ko yung mga posts at reply dito sa local board section natin tungkol sa ghost commerce na bagong trend na e-commerce. ang alam ko dito ay bago at paniguradong marami ang magtatangkang subukan ito, hindi ko lang talaga alam kung gagana ito dito sa atin dahil alam naman natin na kadalasan sa mga ganitong platform ay hindi available sa pilipinas.

Ika nga ng iba "its dark under the lamp", at dahil na nga ang focus ng pamahalaan ay hulihin ang mga may ginagawang krimen, hindi nila namamalayan na nasa broad daylight lang pala ang napakaraming krimen na nagaganap instead na yung mga nagtatago. Iniisip din kasi kadalasan ng mga tao na mostly yung involved sa mga transaksyon na walang namamahala ay puro ilegal ang nagaganap, at hinahayaan lang nila ang mga scams na nagaganap sa mga may nagmamanaged na e-commerce businesses.

Agree ako sa sinabi mong magandang magkaroon ng ganyang model ng transaction method, ang ikinababahala ko lang ay yung paglalaro ng monopolya ng pamahalaan, dahil papayag ba sila kung hindi sila ang magiging tagapamahala sa ganyang uri ng transaksyon? Panigurado ay masi-set sila ng kanilang standard siyempre in favor sa kanila at dahil nga may standards, iilan lang ang kwalipikado na hindi related sa pamahalaan. Ang masaklap pa nga ay kung makakapasok ba yung hindi nila kasamahan. Paniguradong magiging pulitika din ang kalalabasan at yung mga pribadong kompanya at malalaking korporasyon ang unang makikinabang nyan.

Kaya nga, sa ganyang service dapat tatlong party ang kasali. Yung buyer, seller at escrow o middleman. Sa P2P market, ganito ang pinaka the best na paraan para magkaroon ng smooth transaction. Iisipin ng iba na hindi posible yung ganito at sa dark market lang pwede maganap pero sa totoo lang, mas marami pa ngang scam doon at kahit sa mga centralized na online shopping, sobrang daming mga fake online seller na hindi magawan ng paraan ng gobyerno natin na isang batas lang yan tapos magkaroon ng mabigat na parusa, siguradong mababawasan yang mga uri ng manloloko. Sa tingin ko naman puwede yan magawan ng paraan sa bansa natin tapos magkaroon lang ng mga kilalang developers na gagawa ng platform na P2P sa mga online transactions tapos kumbaga parang forum ng bitcointalk ang style, may reviews, feedbacks at yung mismong platform na magsisilbing middleman sa mga gusto mag transact.

Ganyan din ang nangyayari dito sa forum natin lalo na sa services section, yan ang dahilan kung bakit meron tayong mga "escrow" na serbisyo, para narin masiguro na magaganap ang transaksyon ng walang aberya. Noon paman din ay mahirap talaga ang ganyang uri ng kalakal at iilan lang ang mga taong pwedeng naging escrow kaya kadalasan sa mga transaksyon ay pumapalpak, makikita din naman yan sa ibang mga members dito na may mga red tag dahil failed transactions.

Lalo na sa atin na sobrang daming biktima ng mga scammers na sellers kaya mas nag-iingat na din mga mahilig sa online shopping at kapag walang masyadong info tungkol kay seller, iwas na agad mga customers. Ganyan na gayan ang iispin ng isang customer kapag walang masyadong details kay seller, puwede din namang dayain ang history ng mga transactions niya at kahit sa mga sikat na online shopping websites, nangyayari yan. Pero kung tutuusin talaga maganda yung ganitong uri ng commerce kasi nga para iwas lang sa mga details lalo na kung masyado ka ng takot i-share mga details mo. Pwede naman siguro kung si seller nandiyan yung mga details niya at si customer may choice na i-hide lang identities niya para manatiling anonymous basta payment first.

Salamat po sa karagdagang clarification. Tama po na hindi lang limitado sa mga digital na produkto ang maaaring gamitin sa ghost commerce dahil may ibang mga merchants din na mas gustong itago ang kanilang pagkakakilanlan para narin masiguro ang kanilang seguridad pero usually iniisip ng mga mamimili kapag ganito ang ginagawa ay baka scam ang ito o nangloloko lang. Isang dahilan din ito kung bakit mahirap i build ang reputasyon ng isang merchant dahil wala silang masyadong kredibilidad, malamang ay iisipin din ng mamimili na baka takbuhan lang tayo nito o kaya "takot siguro ito kaya nagtatago" or baka may bad record na.

Ingat lang kapag sa Facebook kasi kahit ganun dun, hindi mo pa rin masasabi yung mga accounts na makakatransact mo dun kung legit ba talaga nila yang ginagawa o baka nagkaideya lang tapos gagamitin na sa pangs-scam nila.

Puwede din talaga siya sa pisikal pero parang may digital agreement na kung saan siyempre ang lamang lagi ay yung seller at wala ng habol yung buyer.

Sa ngayon ay wala akong konkretong halimbawa na maibibigay dahil hindi ko mahanap ang official link ng black market at mga underground auctions, ngunit isa ito sa pinaka halimbawa ng ghost commerce. Maituturing din na halimbawa ng ghost commerce ang mga illegal na nagbibenta ng counterfeit na produkto sa pinakamurang halaga.

Dahil narin sa advance na ang teknolohiya at patuloy ang paglago nito, may mga influencers na tinuturing ang affiliate marketing na ghost commerce. Ito ay dahil sa ngayon maaari kanang gumawa ng video kahit hindi mo naman pinapakita ang mukha mo sa tulong ng mga tools o AI na pwedeng mag generate ng video automatically gamit kamang ang script na ginawa din ng isang AI. Kinakailangan mo lamang ng isang niche na patok sa nakararami kagaya na laman ng health at fitness, gaming, fashion, pets, pagkain, at marami pang iba. Bukod diyan kailangan mo lang ng isang platform kung saan mo ito ipopromote o tinatawag nilang "traffic" tapos ipopost mo lang ito kasama ng link ng produktong related sa video mo. Hindi pa rin malinaw sa akin bakit nila tinuturing na ghost commerce ito bukod sa ganyang pamamaraan dahil kahit saang anggulo mo tingnan malinaw naman na ito ay affiliate marketing parin.

Bago sa aking pandinig ang ganitong klaseng serbisyo. May sample website ka ba na mainibigay na maaring makita na hindi kailangan pumasok sa darkweb? Na curious lang ako kung paano ang kalakaran ng ganitong sistema kung pisikal na item ang binebenta dahil kailangan ng address, name at contact info para sa maship yung item kaya siguradong maeexposed pa dn yung details ng buyer at seller sa isa’t isa.

Siguro possible lang itong klase ng e-commerce sa mga product na digital since pwede gumamit ng crypto payment para bayadan ang item tapos hindi naman pisikal ang pagtransfer ng goods.

ngayon ko nga lang din nalaman na ganyan pala ang tawag sa ganyang klasing transaksyon. andami ko nga ring nakita sa facebook na ganyang mga promosyon di ko nga lang din alam kung totoo dahil hindi ko pa nasusubukan, pero kung totoo man delikado parin ang ganyang istilo ng transaksyon dahil na nga hindi natin maisisiguro ang seguridad ng mamimili at bumibili.

Madami na akong napanood na ganitong uri ng transaction sa YouTube kasi nga curious ako sa mga bagay sa deep web tapos yung mga bumibili ganyan ang style ng purchase nila. May ibibigay lang silang address tapos doon ipapadala ng seller tapos i-nonotify nalang ng seller na nandun na yung package. May peligro kasi nga pwedeng manakaw yung mismong package hindi lang yung data ng buyer. Doon naman sa mga sinasabi mong comments ng mga kababayan natin, normal lang yan na magtatanong sila ng how kasi halos lahat ng mga videos na sinasabing puwedeng pagkakitaan, ang daming nagcocomment ng how.

Tama ka dyan kabayan! Hindi naman sa nilalahat natin dahil marami ding mga sellers na kakaumpisa pa lang at binibuild pa nila ang kanilang reputasyon, pero bilang isang consumer o mamimili, di mo rin talaga maiiwasang mag-isip kung totoong lihitimo ba talaga ang kanilang binibigay na serbisyo. Sa kadahilanan ding yan kaya ko naisipang ipost ito dito, dahil gaya nga ng sabi mo, hindi lang sa black market merong ganito at meron din sa mga e-commerce katulad ng shopee, lazada, amazon at marami pang iba. Nung nakita ko kasi ito sa shorts ng tiktok naisipan kong marami ang mga pinoy na magtatangkang pasukin ang ganitong negosyo lalo na't affordable at accessible lang ang mga cellphone at pwede mo itong gawin anytime anywhere as long as merong internet at dala kang gadget.

Ang ideya kasing pinopromote nung napanood ko ay parang outsourcing kumbaga at gaya nga ng sabi ko sa naunang tugon ko kay @bhadz, naparaming mga pinoy ang nagtatanong kung papano ba simulan ito at kung available ba ito sa Pilipinas.

Sa palagay ko hindi lang yan ang mga posibilidad na mga panganib sa pag gamit ng ghost commerce or kung isa ka sa mga buyer o customers ng ghost commerce at nakabili ka ng produkto may mataas na posibilidad na wala itong suporta galing sa seller or kompanya.

Maraming ganito sa shopee at lazada yun yung mga walang review at kakaiba ang mga pangalan at yung produkto na binebenta nila e yung mga produktong wala talaga sa lazada o shopee pero nag bebenta sila wala rin daw silang physical na tindahan lahat daw ng pinapadala nilang produkto ay galing sa ibang lugar papunta sa bahay mo.
Kung titignan mo mas mataas ang posibilidad na scammer ang nagtitinda pero mga ilang ghost seller din sa shopee o lazada ang legit hindi ko sinasabing kilala ko sila sapalagay ko lang meron ding mga legit.

Yun na nga po. Kagaya ng sinabi ko sa itaas may peligro ding kasama ang pakikipag transact kaya hinihikayat parin ang sinumang nakilahok o balak makilahok na isaisip ang mga potensyal na peligro. Naisipan kong gawin ang thread na ito para narin ma aware ang ating mga kababayang baguhan pa lamang sa larangang ito at hindi masyadong kilala ang ganitong klasing pangangalakal.

Tumataas na din kasi ang percentage ng mga kabayan nating gumagamit ng cellphone at medyo madali narin ang pag access ng internet. Isa sa mga rason din kung bakit ko ito naisipang i-post ay dahil, nung nakaraang linggo may nakita ako sa internet (tiktok shorts) tungkol sa ghost commerce at nanghihikayat ito sa mga manonood na subukan dahil nga isa itong epektibong pamamaraan upang kumita online, alam ko naman na iisipin agad ng ating mga kababayan na magandang oportunidad ito. Sa katunayan nung nagbabasa ako sa mga comments doon halos lahat ng andun ay puro mga pinoy at sinasabi nilang "how?", at "is it available in the Philippines?". Ayoko din namang paulit ulit nalang nabibiktima ang ating mga kababayan o kaya'y para narin ma aware sila na meron parin itong dalang peligro at huwag sila basta-basta nalang pasok ng pasok para lamang kumita.

Parang magandang ideya yan sa mga tulad nating consumers at customers kasi walang data na maitatabi yung mga sellers. Ang nangyayari kasi, siyempre sila bilang sellers at negosyante, nirerecord nila lahat ng mga detalye natin kasama pangalan, contact nos. at iba pang mahahalaga detalye kaya sila nagkakaroon ng sariling data at database nila galing sa mga customers nila ng voluntary lang kasi nga required yun kapag bibili ka sa online stores nila. Parang decentralized market ang mangyayari kapag ganito at nakita ko nga sa mga videos na galing sa dark web/marketplace na pwede yung ganito, hindi mo malalaman sino ang seller at sino din ang buyer pero may mga pros at cons nga din naman yung ganito.

Res

Ano nga ba ang GHOST COMMERCE?

        ~ito ay tumutukoy sa pagbili at pagbenta ng mga produkto at serbisyo sa internet na nagaganap sa labas ng traditional na e-commerce o electronic commerce. Ito rin ay kadalasang tinatawag na "dark commerce", dahil ito ang kadalasang ginagamit ng mga consumer para bumili at magbenta ng hindi nalalaman ang kanilang personal na impormasyon. Isang popular na halimbawa nito ay ang pagbebenta o pagbili ng mga illegal na bagay o serbisyo. Isa na nito ay ang dark web, at hindi lamang ginagamit ang ghost commerce sa mga ilegal na bagay, mayron ding ginagamit ito para bumili ng mga limitadong bagay na kadalasang hindi binebenta sa mga lokal na pamilihan.

Sa pag usbong ng internet sa ating bansa, dumarami na rin ang mayroon ng mga gadget kagaya ng cellphone at iba pa, marami din ang nangangamba sa kanilang seguridad at gusto nilang itago ang kanilang pagkakakilanlan, kaya isa ito sa pamamaraan ng mga mamimili upang maiwasan ang pasisiyasat ng gobyerno at malalaking korporasyon. Iilang lang ito sa benepisyong makukuha sa Ghost Commerce, subalit kung may benepisyo man, meron din itong mga panganib kagaya ng mga sumusunod;

* kakulangan sa tiwala ng nagbebenta/mamimili
* makabili ng mga depektibo at pekeng mga produkto
* kakulangan ng warranty
* potensyal na maparusahan sa pakikilahok sa mga ilegal na transaksyon

Habang patuloy na umuunlad ang teknolohiya hindi lamang sa ating bansa, hindi natin maitatangging unti-unti itong malalaman at madali na itong ma access ng publiko. Sa katunayan marami na ngang mga content sa mga social media platforms patungkol nito.


Kayo? ano sa tingin nyo?