Naija nor dey hear word. I remember that MMM time how plenty of us rush shook head enter. Even after e close some other ponzi scheme still show face and we still shook head despite say our money still been dey hang for MMM at that time. Wetin make me dey write this na because say we don come a long way from the MMM ponzi era. One thing wey I don observe be say, Ponzi nor go ever fit stop. E go hard our government stop am or regulate am. And lastly, we too get coconut head even when we sabi say na ponzi we go still shook head. Maybe why e be like this na because say e dey our nature as Nigerians and human beings, our present economic realities, coupled with the fact say we nor get strong agency to regulate am.
History dey always repeat himself. Ponzi's don rebrand themselves...now na crowdfunding them be especially all these
agro-crowding funding/ agripartnership. Them go tell you say una dey contribute money to fund agricultural projects like maize, fish, cassava, cotton, piggery, poultry etc. Some of these companies wey don scam Nigerians include - Farm Power and Payfarmer to Goldvest, Emerald Farms, Vestpay, HO Corn, FarmKonnect, Farm Sponsor. Dem go promise us 50% OR 100% ROI after some months or days.
The point of this write up nor be do drop advice make una nor invest or make una invest. The point be say, I sabi say one of our mentalities be say na who enter first go cash out then run comot before e crash. Wetin I wan ask una be say how much of una income wey una go fit dey willing to risk for this these kind rebranded ponzis - 1%, 2% , 3%?
