Topic: Imagine wetin we fit use BITCOIN do (Read 518 times)

I been wam talk about how to use Bitcoin pay transport go take worry us well well but as I see your contribution now, I say make i kuku support am sharp sharp. I been dey reason how you go take dey make the payment with Bitcoin to those conductors wey no dey hear abeg wait make i bring out money pay you na them go wam give you that kind time for you to make payments vis Bitcoin? E go dey very hard ooo

On the other hand, using Bitcoin to pay for transportation go only work if we fit dey enter pack to pay for any kind transport wey we wam take since e dey announced say na via Bitcoin wey people go dey make payments e no go dey too difficult again but e go work faster if say government support Bitcoin atleast people no go dey fear again to use am make payments.

Normally if we don reach that level to dey use Bitcoin take dey pay things like house rent and other stuff e go sweet well well, but e get wattin been dey go through my mind but I don get answer to am, the thing na be say, what if as you don receive Bitcoin for things wey you dey sell and e don reach to go market go buy another one, and as you reach the market, due to the volatility of Bitcoin the price come com down for that short interval, and the buyer come experience small loss for price how em go come do since e calculate emself before e reach the market? But wattin I get as answer na be say, if you wan dey accept Bitcoin for your business, you gats keep more than the amount so that should Incase the price come down for that short period of time to go still fit do wattin you wan do successfully. But Bitcoin na more of upward direction e dey face.

Me sef I go like am if e reach make we dey use Bitcoin dey pay house rent nepa bill and other bills but the transport own go hard because normal transfer sef conductor dey hardly collect e com be when you tell am say na Bitcoin you wan use pay am, him go jus tink say u no get money to pay so you dey lie say na Bitcoin you get. For the house rent mata enh I feel say na just literacy of Bitcoin wey some pipo no get dats y dem never dey take Bitcoin for rent if not I don go boutique wey dem gree to take Bitcoin for payment but we waste small time for the man to confirm am, some persons don dey accept Bitcoin for their shops just dat dem dey very few so e go be like say pipo no dey do am.

Basically na just about awareness, most persons never Sabi how to use Bitcoin well well even amongst pipo wey get Bitcoin sef, some no still really Sabi use am do dia daily need transactions so na d only problem wey make e never happen, I sure say if some parents no go gree even if dem Sabi Bitcoin because dem go wan chop goat and dem go need give gods dry gin hahahahah, dem no go gree make btc replace all those traditional item if not e go dey very fun and easy, jus send btc once dey confirm you carry your wife go house asap.

The imagination no be small imagination sef, if na for another country now I fit talk say that kind thing fit happen but na naija we dey talk about o, naija na place where before make them believe on something E go take time, na for naija you go wan do transfer for some people and them go they talk say na fake transfer you wan do fir them, naija na place wey them no too dey trust online thing's if not be money them go see chop for that thing, although btc Don dey popular for naija and na because of it na him many people dey survive today.

And about paying the bride price with bitcoin wey him dey talk, him fit use bitcoin pay for any other things but I don't think paying with bitcoin will happen because na marriage we dey talk about here, marriage deserve to be Done the way of our culture and traditional, I no even show say the parents go even collect the btc because bride price na money wey be say them go use pray during wedding, although he fit favor the bride parents if they accept it but it will not make sense at all.

I understand wattin you dey try talk oo, but I go still like to remind you say e no get anything wey our country people no go fit do, weda na illiterate of learned person, we sabi adapt to things easily, just remember the time wey Dem been change the new naira note new and Dem come create policy say dem no wan see old note for our hand, within a short period of time. That time both market women come start to dey accept transfer wey we know say for life dem no go try am, and till today many of them still dey accept transfer, so provided say e don dey legal for we country, I believe say em daily use and adoption no go be problem.

That one fit happen only if this our government go gree nah, becos to me e go fit work out fine oh either Bitcoin or only cryptocurrency as you talk am but the main thing nah network go be the major cos of wetin fit hold am hostage.
You know say we naija piple we no too get patient to wait for something, before you know you go hear "thief oh thief oh, this man no wan pay me for wetin him buy instead him say nah network" so nah the problem we go face if e come to play say we begin use am.

If the government allows the fiat banks to dey carry out crypto currency transactions, things no go completely better but one of the good thing be say e go make our money dey under our own care because plenty pipo no go use the fiat bank again and this nah one of the major things way the government dem them fear nai make them restrict the bank to dey run crypto currency transaction.
If our government them legalize Bitcoin fir this we country, e go dey more easier for us to purchase Bitcoin directly from our fiat bank account and still we go get more privacy if we just put our funds for safe crypto wallets.

Even if no be only Bitcoin, make e just be say we fit use cryptocurrency dey pay for many things and more without stress but for where things for this country just dey tire person anyhow... Menhn I dey serious thinking and imagination wan kill me self. NA WA OH.

Bitcoin no fit be paper money for any reason. Because bitcoin no be stable coin like USDT or USD. And even say them even print am as money which figure go fit Match the price? Because in volatility dey change everyday. Emagine bitcoin with the price of $35,000k one year e climb to $50,000 how them go do? Dem go print another paper bitcoin wey go Cary $50,000k as price.

Then for the house rent and Nepa bill mattee e go dey understandable, but for transportation I know think say e dey possible. Because our public transport system wey agbero eye dey red Dem no want hear say oga send me your bitcoin address make I pay you bitcoin. E go be like say you dey play. And one problem wey dey dere na the charges wey you go spend for the transaction. As we all know say bitcoin don grow wella to the extent of to dey get network conjestion due to high transaction and that thing dey make transaction fee dey high emerging person wey want send bitcoin of $4 for transportation and them charge you $4 to 6 for charges you no go like am now. So bitcoin is too expensive for mini transactions.


Yeah me self don reason am. Nigeria na one country wey believe on culture and tradition and no matter the technological advancement Dem no ft change some tradition. For Nigeria here no matter the amount you transfer to your in-laws in regards to your bride price e go just be like na insult to them. Say you Mary there daughter with transfer. And na big insult to there tradition. Even you self reason am as African man wet you be if them come marry your sister come tell ona to bring bitcoin wallet address make them pay ona bitcoin how you go feel? Even if you accept and elders in council no gree wetting you go do? So there are many things wey mo ft dey possible atol for Nigeria.

    At the moment, crypto as a whole na contraband for the country but how I wish, our leaders sabi the kain blessings wey the crypto trading dey bring to boys as Dem no fit create jobs for us. Bitcoin has fast risen to be notable and of great value. Frankly who get BTC now na the real boss because the worth of 1BTC alone carry power. Well regardless say the coin dey prohibited, boys still dey use am, and sincerely e dey help us survive through this time wey our currency don depreciate to it's nearest minimum.
    Like sale of 1BTC now fit do a whole lot of things for person pass who no get BTC. I just wish say e go dey legalized again. Though some reasons dey as to why Dem prohibit am o but still if we look at the brighter side, BTC get better future for where digital currencies dey and with time, when the world don evolve, na then we go con see say we been really for no prohibit am for the country. Everything dey change, revolution and evolution dey sup, make naija follow evolve with the technology happenings around us. We no gats dey behind all because of our selfish interests.

To me I see say everything is possible in as much say na human being they do am, I remember back than in my community way everybody gather they celebrate one man way graduate for school back than, but today everyone done open eye civilization done reach every where, as long as say people like u day and others way no the value of Bitcoin and how e dey work I believe say in time coming we go use am pay pride price.

You know say for this contri we need dream of something before e happen, so as you talk nah true say make dem first legalize am but e hard oh.
Dis nah something wey dey for government hands and e dey do me like say e fit happen, the only thing be say our government neva reason am, ones panel think am dem go begin talk of to make use of Bitcoin for our contri.
And this one you talk of to put am for school learning scheme I no sure say e go work, nah only children and youths go sabi oh but our papa and mama no go see time to even learn am.

Normally if them remove the restriction for bitcoin, our country economy go first boost pass like this, and e go nice well well if we don start to use bitcoin for daily transaction for our live, just reason am say as dem wan pay salary na Bitcoin dem use, e go just make many of us run from bank wahala because, the way bank take dey suffer some people en, if to say dem don create another method dem for don press am leave bank, as e stands like this now many people sef no dey gree use any bank wey no be microfinance bank/ online bank because those physical bank dem too get issue, and dem dey thief money. But Bitcoin wallet dem na only transaction fee you go need to pay, nothing else.

E no go bad if dis kind thing happen o, but na d probability of the happening na him dey very much impossible. For something like dis to come to past, many sectors of the contri economy need to dey function very well to make dis thing work smoothly. Na network I dey talk about, even d fiat wey we dey use, when e reach electronic transfer sometimes glitch dey there wey dey delay transaction and dis no be good thing if we come dey use bitcoin generally just like the fiat currency. Everything for bitcoin dey digitalized, to make am paper money go hard but e go make sense make e dey as digital currency dey use am run transfer d way we want.

Wahala dey for this our country too planty if them go alow us use bitcoin do waiting we won use am do we for do done beta by now self, things for less for us well well. Oya just imagine am say we fit use BTC pay house rent, transportation, buy car, even use am marry wife from obodoyibo e for make sense.. But our government no go gree us use am because say make them dey see money chop from us. But e go still hard for some of us too. because no be everytime BTC dey do well and no be everybody sabi how the BTC market dey be.

All these imagination go fit happen, if them first legalize am here and the government add bitcoin learning to school curriculum e go help people understand wetin bitcoin be but many people no go still understand am because of the complexity of it but gradually people will understand when they their close pal use bitcoin to achieve the above things you mention.

Imagine BTC as our money 😂 my brother no go dia oh, e go hard abeg, if you wan talk eh nah to say you imagine am as something wey we go dey use do things wey we dey use paper money dey do. But e for really nice oh.
And again you no go blame people wey ignorance wan injure, people believe say as long as dem no dey see as people dy collect or gain from BTC dem no go too put interest and nah where the teaching of Bitcoin go come in if not, just forget am.


Eh e no matter the stages paper money don pass, the thing be say people don dy too accustom to this paper money and e go hard to even leave am, because na the one them dey see compare to BTC wey be like audio money until you swap am. So for this one you talk about paper money to fall hands, my brother e go still dy strong for the contri, e no go just easily go like that.

Ahh.. this one na true talk oo. Even me sef I don imagine BTC as our money .. and e go nice gon.
But the thing be say ignorance wan finish this country. People weh no know plenty, people weh know no dey interested ( maybe until dey don see person cash out from am). To them, e hard to dey monitor Bitcoin market every time and risk dey plenty.

They don't want to be involved in all the stress, they just want to focus on whatever other method apart from BTC there is for earning and investing in.
Another thing is that our people still very much have faith in fiat currency. They either forget( or they don't even know) that money has gone through a lot of stages and has evolved with time. From trade by barter, precious metals,  receipts, fiat money, and bitcoin can be the future of our money system.
Make we just give am time, paper money go fall hands, and our people go begin look for other things weh Dem go fit hold as money. That time, you no go even tell person twice, them go use bitcoin.

My Oga this one go fit happen only if the education concerning Bitcoin don scatter full 70% of the contri people for Naija. But me I still dy reason how e go dey possible like this, because people wey no sabi about Bitcoin full well well. Government self no dy help matter oh.



Why e no go sweet nah, see everybody go stone you plenty respect like say you be one of the ministers for Naija... But no go happy for something wey no be your own oh.😁😁

Even though this thing go make plenty brain, I feel say we never reach there. If we wan dey honest with ourselves, plenty people for Nija never see Bitcoin as something wey dey legit and the other big percentage of our people never really hear or know how to use Bitcoin. So, if we go reach this level, it means say our government done come out open with their full chest to support Bitcoin like El Salvador.

Omo this one go sweet o. The kind respect wey this one go give you ehh...them fit dash you one other woman untop as a worthy inlaw.

No be lie you talk sha, any small loophole weh poor person see take de manage life jeje, the useless govt go wan block am, e sure me say very soon govt go resume de crack down on crypto related stuff again..

As for the bride price matter, some cultures sef no be money dem de collect, so if na btc man get, na to convert am sharperly to fiat take go buy wetin you go use take pay bride price

guy with everything u don talk here, abeg make you no go use imagination kill persin oh, becus like this all this things wey you talk just dey make sense anyhow but like this few wey u mention here don already dey happen. But na our learders for naija here no go allow the poor to breathe, because ehh any loop hole wey be say the middle class man wan use survive them go find every means to block am.

As you talk am now, e dey normal and e go make sense if bitcoin they accepted for naija make i know lie, but wetin you suppose understand be say no forget the kind of country wey you they. I still they repeat am say people wey they this our country, wey know no anything about bitcoin plenty pass us wey know about am, so I they sure say e go dey very hard make we convince millions of people to accept bitcoin.


This one they funny pass, e be like say you no Wan travel for this country again na why you they reason to pay drivers in bitcoin. Op dis one go they very hard make i no lie, how you wan do with driver wey no even geh phone or e get phone sef but him know no anything about am.


dix one wey you talk pass my power,

Normal normal e go sweet say we fit do all this things with bitcoin for naija but we still get plenty challenges. See our government, na only God know wen dem go believe bitcoin for this country talk more of say dem wan accept am as an alternative for payment for the country. Even if them accept am i no sure if people go plenty wey go sabi use am and people go de fear to use am because say if dem make mistake con misplace their keys or send money to wrong address dem no go fit lay complain anywhere and their money don go be dat. Plenty people go make dis mistake and e go pain dem if dem loose their money just like that so dem go prefer to de use banks because dem go if complain for bank if anything do their money

Even if dem no de fear to loose their money and dem gree to use bitcoin even as dem no get anywhere to complain in case of any problem i still feel say we get illiterates full ground and some people wey go de think say bitcoin na scam so i feel say e go take time before we gt plenty population wey go accept to use am as money but I know say gradually naija go reach that level wey bitcoin yapa full ground.

Bitcoin go online be option to fiat for Nigeria, meaning say between two people wey want do P2P fit carry themselves go corner go arrange the transaction because nothing dey there wey no be understanding. For the pride own wey op dey talk, e still dey possible depending on the amount of bribe but no be like 100 naira wey driver dey give police, even driver wey dey for road and police fit know no stuffs about bitcoin or how to transact with am. The kind bribe wey student dey do for school like sorting go work well because student and lecturer dey likely to know what's up about bitcoin.

Wetin you talk na true. Bitcoin get many use cases for the abroad and we fit still replicate am here for Naija. From everything wey you list, I just want tell you say na only to use Bitcoin pay for transportation like local or inner city transport na that one go hard or dey almost impossible. Imagine say na Lagos, how you wan pay those danfon with Bitcoin.

Shey u don explain am finish and e sweet left with d 1 to pay bride price u ask abi? E go stil make sense as long e dey useable and welcomed 4 other exchanges of goods and services.

It is possible, but Nigerian government will be an obstacle to that. It is possible now in countries like El Salvador and CAR that have made bitcoin legal tenders. Also there are some countries that are very bitcoin friendly like Slovenia and Switzerland which you can still be able to use bitcoin for some products and services. But Nigeria is not just like those countries. If bitcoin would be used like that in Nigeria, it has to become a legal tender and that is highly likely not possible.

Omen if we dey accept bitcoin to buy everything e go sweet die. Dat means bank go collapsed be dat oo. Because 90% of di youths go dey use bitcoin dey do their buying things. Many monetary businesses go collapsed and because of dat I sure sae government go accept dat kind thing for we country oo. Oboy u no go fit use bitcoin pay 4 conductor oo. Na for only big big businesses u go fit use bitcoin buy things and no be small small ones. Di part wey dey sweet me for belle na di bride price and NEPA  . And now that things e dey cost bitcoin go do well for payment.

Abi no be your in-law? If the money reverse him go re-send am na abi you dey go pay 1m bride price in cash? Lol you go use online transfer run am.

Bitcoin LN adoption go hard ooo because every business owners will have to create their own lightening nodes or create Channel with existed one.

exactly Many people don't know anything about Bitcoin in our Naija, dey just dey hear the name, but dey don't know knowledge about it, even our government allowed Bitcoin function na only us go benefits Weller, because our elders no get any knowledge about Bitcoin before. even you tell them dey won't have interest on it. and now where everywhere done hot now, know money now everything dey increase price for our Naija everyday. even dey allowed Bitcoin now make him function for our country, he go add for many people to join and invest there money in Bitcoin for long time. because know be all of us go dey patient to invest for long.

All dis your talk na matter of time and if d time reach e go shock you d way everybody go dey use am like normal fiat money. One tin wey I dey confident about na him be say we dey move go digital world daily and in d long run, everything go dey digital and na dat time bitcoin adoption and use go come dey easier for people for Naija.

If you look am now, we get many literate d same way wey we get plenty illiterates too wey no sabi operate even an android device. If we fit close dat big cap and reduce d number of people wey dey illiterate e go go a long way to increase d likelihood of bitcoin adoption.
We wey be bitcoin enthusiasts already go find am easy but we gatz dey patient to understand am too so dat when dat time come e no go dey one sided, like only some few people na him sabi use am for d whole country.

Na true, adoption of di lightening network by especially small business owners for Nigeria, na im be di koko to consider, because of bitcoin high transaction fees. If all things being equal, our government come regulate crypto matter, enof publicity about di use of bitcoin, NEPA come de try, network come de fast, but small business owners come de transact business with bitcoin at a higher cost, den e no go work. So dis LN suppose de available and make e no de so complex to understand by buyers and sellers.

I believe say e de very possible say one day every business for Nigeria, go de make payments with bitcoin, because twenty years ago who fit to believe say we fit to de make payments for goods and services directly from our bank account, with ordinary phone.

Me I no fit to advice anybody to collect bride price for anything inline transfer, because as our network be for Nigeria, di money fit to enter pending. Abi you go hold your inlaws ransom until di money enter your account? Or if you allow dem carry your daughter go, what if di money come reverse to Inlaw account? Dat one na one chance, so I go prefer as dem de do am before before, good old fiat currency, I no fit shout. Na on a lighter note my people.

Currently, this won't be possible in Nigeria and even when become a legal tender in Nigeria, its won't be feasible for small transactions because of its scaling problem though Lightening Network fix this problem but not completely.
But you should note that Bitcoin was not created to replace a currency but to fix some certain problem and since the scaling problem issues, we just have to use when it is feasible for us.

Bros na the koko you talk so. Na old people dey collect bride price and e no go fit dey possible for such thing to happen say we go fit use bitcoin for that side. Make OP take note say the people wey dey adamant to accept bitcoin na people wey dey the age of our papa and mama because them believe say anything internet na scam or say them no follow because during their time nothing like this dey. What if you won buy pepper, how you won use bitcoin pay when only transaction fee pass the pepper amount 3X. E get things wey them fit use bitcoin for no be everything. If that time come, I no think say I go fit use my btc o,when I know say the price go still pump. Before that time reach for Nigeria,to buy bitcoin go hard because e go dey expensive.

Micropayments using Bitcoin will be feasible only on the Lightning network, which is currently unavailable in most Nigerian towns. Africa free routing is currently operating free Bitcoin LN in various parts of Africa, and they are currently in Lagos.they presently have 390 channels in Africa. It will take some time for LN to get adopted esp here in Africa.

Una dy see say nah our old grand grand parents dy collect the bride prize and e go shock una say very soon those set of people no go dy to collect those money again oh, things go change and believe me say with time ones them don make Bitcoin advance like to let am stand fit for our country things wey we no expect go happen but that poor network something wey one of our brother talk nah true, but we fit still do this GS for where network dy friendly. I just get that feeling say this thing fit happen.

Even if Bitcoins become globally accepted, e no go fit dey use in some cases. When person dey hurry, and ihn con rush buy something, na paper dey easy pass. For the case of bride price, for our naija na mere dream as old ones do not know more about it or understand how bitcoins works. We still get long way to go for this Bitcoin matter

In time to come I know bitcoin will scale through lots of places in our country but for now our country isn't that organized or do I say developed to that extent where everyone would starts using it that manner for everything they wanna do, but from my own point what I know would be more better is when we have solid network and stable light because this alone could foster the use of bitcoin.

Why because first for you to do anything bitcoin transactions your phone should at least  be on and have power inside because there are lot of people who could want to pay with bitcoin but if there is power and network failure I don't think such feature would be ideal in our country. As per the bride prize well, our people may not put that in consider as they would want physical cash and not digital or electronical money.
But whatever may the case bitcoin is young and with time we'll all have to use it as the way we uses our fiat without restrictions this could be only if it has been legalized and adopted globally.

E go make sense o but make you no forget say Naija we country na developing country. No be everybody wey Sabi use technology. E go good say such era go come o but even at then no be still everybody wey go find am very convenient. As you Sabi no be so others dey o. E get some people wey dey struggle to learn technology or to even dey acquainted with modern facilities not to talk of bitcoin technology.

Make I tell you the truth no be every settings wey fit in bitcoin payment for we country. E get some payment wey go just require you dey fast to bring out cash pay den go your way. Those na like the public commuters, old and elderly vendors with no technological knowledge and lots more.  

Another issue na internet connection. We country never really get to the point wey person fit use internet without interruption. Even for cities poor network connection dey talk less the villages them.  For my capital city, I go one hotel go visit my friend wey lodge there the first thing I noticed be say I no fit browse at all. It was very frustrating and the thing vex me be say we dey yet to upgrade for we country. So tell me how the matter wan take go through wey be say na full scale adoption when all these challenges dey ground.

Well e go good but no be now wey our networks never good finish.

Small cashless policy wey we do back then people enter problem because of lack of proper network to run transfer to people in the remote area of the country come to think of e go be if na Bitcoin we go send.

Before we can be able to reach this stage where people go they accept Bitcoin as means of payment, we need to have adequate knowledge about Bitcoin itself and how it works; if you do general survey in the country you go know the people that understand Bitcoin and people that did not even know about it not to talk of how it works.

Moreover, some people still did not believe Bitcoin because them they look as something we go die off soon.

This Imagination go take time before it comes to reality because even our government never accept Bitcoin so allowing people to accept it as a means of payment generally go hard.

Make we talk true, people fit dey spend bitcoin for other countries, just the way dem dey spend their normal paper money but I just dey reason how that kind thing fit Happen for Nigeria, because people wey no sabi about bitcoin still plenty ooo, see the high level of illiteracy in this country, na just young guys wey dey come up and dem dey educated sabi bitcoin, and some of them go just tell you say dem dey hear about bitcoin but dey no get interest, but some wey get interest self immediately dey hear say na money you go use start am, they go just free am because person wey never see money chop go invest in bitcoin.

I enter some villages for my side, I fit talk say 99% of people wey dey all those villages wey I go no even sabi wetin bitcoin be, dey no even get stable electricity, very poor internet connection, No education, everything wey dem dey do no pass farming, if you tell those people about bitcoin, they go think say you just wan scam them self. Na why I dey reason say e no go easy make we dey use bitcoin for transactions in Nigeria, e fit even dey happen for urban areas, but u see our rural areas, we get work to do for that side.

Seriously e go dey fun ooo, but I know say e fit dey possible to dey pay Nepa bills, House rent with bitcoin, but you see that transport bill, e go hard small make we dey honest. Na Lagos conductor(abero)  you wan talk say e go accept bitcoin as payment, those once no go even listen to you, you enter car without change self na problem for u, not to even talk say u wan tell them say na bitcoin u wan pay with.

Bitcoin no be like paper moni wey we go fit carry waka dy do some kind things too. So I con reason am say, what if as we dy find way for Bitcoin to dy acceptable for the world, wait ma use our contri, what if we dy accept Bitcoin for everything we dy do and e con be normal thing like paper moni for this our contri Naija.
I con imagine say we con dy use Bitcoin pay NEPA BILL, HOUSE RENT, TRANSPORT BILL (to pay conductor self) like do many things and the one wey make me talk about this one nah, we as Naija people con dy use Bitcoin dey pay Bride Prize for this contri?

How una see this one, to go marry then use Bitcoin pay the woman papa...