Topic: Obasanjo official endorses on Peter Obi for president how una reason the mata? (Read 316 times)

Na this one follow deh funny me. It is crazy my brother. I no ever one day think say we go reach this point for Nigeria weh person go use naira buy naira. Nothing we no go see for this APC government. How person get money for bank but you no fit withdraw am to use. Them say it is not good to keep money at home, make we take am go bank, and now banks no even fit release the money, even the old naira notes o. This is serious and nobody don get punished for all this bad things weh deh happen.

Obasanjo do better thing to endorse peter obi as en preferred candidate oo, but una know say politicians no dey do things without benefits oo, make una reason this thing with me oo, I hope say obasanjo never endorse peter obi so that en go dey control peter obi when en don become president oo, because I no really trust this obasanjo endorsement oo.

Atiku na obasanjo friend right from time, why en no endorse Atiku, why e be say na peter obi en choose to endorse?
 Abeg oo, make obasanjo allow our peter obi for us oo, we know say no politician good oo, but atleast we fit manage peter obi...

At this point we no need OBJ to endorse Peter obi for us to know say Peter Obi nai be the most qualified presidential candidate wey we get, see waiting the happen for our country now. You get money but to use the money come be issue, they are now buying money with money for POS all because of say the government of the day done fail us, na only Peter obi dey in the right position to bring us out of this mess wey this present GOVERNMENT done drop us, so make we come out in mass come vote for am weda OBJ endorse am or not.

First of all I go say na bold step in the right direction, weda na for personal interest or na based on vendetta wey the former vice president Atiku with am bin get or not, I just believe say the decision to support Peter Obi na for the good of Nigeria. Cos person lik Obi na be the best option for a better naija among all the presidential aspirant, if you look well at Obi manifesto and policy plans even if him be ur enemy buy for the sake of de love you get for the country you go even adopt am as your candidate and I see say na just wetin Obasanjo just do so.

Our own part as the youths of the country be say mk we also throw our weight behind Peter Obi too cos na we be the only structure the man get for a beta naija.

Na good thing say OBJ deh endorse Peter Obi because Obi na the best man for Aso Rock. But make Obasanjo just go find one place sit down. After how he went against Jonathan and endorsed Buhari nobody supposed deh take his words to be anything again. He is part of the problem of Nigeria too. He joined others and gave us Buhari weh be everybody nightmare today. The OBJ weh we deh talk self no be the same OBJ weh no deh fit win elections for his ward?

Obasanjo endures peter obi,is a welcome development, because Obasanjo have rules this country and he knows who is able and capable to move this country forward, Obasanjo is among  the old politician we have in Nigeria so he has compared and contrast the aspirants and have thinking that if really we want to move Nigeria forward and want a better Nigeria, after this he made his preferable candidate, because he also knows their past record as well,so for me I think he is a wise man and he also made a wise choice..

Obi seems like one hard guy that's not easy to crack, but I know all this political stuff comes with this godfatherism thing, but despite that, OBJ still would not mislead Obi so badly like the way Tinubu would turn the country if he attained the presidential seat. I even read that Tinubu has enormous power in the whole of Lagos, and he always decides who he wants to become the governor of Lagos. 

I think OBJ supporting Obi is a good intention; since he can't support Atiku or Tinubu, his support must go for one person, and if that person is Obi, that's even better. 

Waitin obasanjo talk no bad sha because among all this candidates wey dey contest for president I dey fear dem most especially atiku because this buhari regime we don face a lot as PDP and APC don show us waiting our eyes no suppose see for this country, na better talk Obj talk so about Obi, make our country fit better.

Obasanjo knows what's best for Nigeria so he has endorsed the man he feels can take Nigeria to the next level the same way he endorsed Umaru Musa yar'adua and today he is one of the best presidents Nigeria got lately,  for a man like Obasanjo who has been actively serving Nigeria in key capacities since his days in the military and even when he became a civilian president he knows at least most things including the problems of this country and the way out so he endorsing Peter obi I think is a positive move for him and  this country Nigeria.

Everybody don see papa Obasanjo as person wey him face show for Nigerian election and politics mata,so as him don endorse Peter Obi so,opponent don dey already know say wahala dey,because before him endorsam so,dem go don plot their graph well, knowing say obi no go fail atall,dem go don finish their work inside house.and to me,eno go dey bad say na Peter Obi rule us because when I listen to him manifesto,he looks promising,him talk about things we go give us life,the only problem their be say dem dey talk all those things finish and dem go still go loose guard when dem don already sit down for that sit.

The Mata with papa OBJ no be today and right from when I small, and me I know say, that man na one man wey I know say dey seat one place dey control the country and he dey get upper hand for decision making for the country.
I no know why the ex president come put hand for obi matter and I dey feel say he dey find small person he fit control because if you see the other major aspirants like Atiku and jagaban you go understand say ex president no actually fit get this people dance to him tune.
In all, obi really need to filter the people he deals with make Dem no go fall him hands.

Well for the endorsement I personally will not doubt it much because as a father in the field, he may be seeing from behind.

As dis Mata bi, I no Sabi waiting our baba obasanjo get for mind wen kon they back Peter obi now. Na him get him reason for dat. But for waiting I they think be sai na Godfather him bi befor as well all  Sabi especially for any presidential candidate wen want comot under d shadow of PDP before, but I kon reason why him follow atiku now. As Mata b for naija and yoruba side both obasanjo and tinubu they how power dey are, so i kuku no e go hard make obasanjo support tinubu. As for me baba obasanjo have taken a right decide by no backing either atiku or tinubu to avoid some certain things in future, if atiku or tinubu leta win d election. And if na Peter obi leta win baba obasanjo Don get ground 4 for b Dat.

 I believe Obasanjo has his own reasons for supporting Peter Obi. Most of our leaders have regretted most of their decisions by giving support to some that do not deserve it, and they all want to correct a situation that has gotten out of control. Since I work in media IBB once visited our radio station for an interview, and from the sound of his voice, it was clear that he was unhappy with how Nigeria has become. That day, I met IBB, which was a great honor because the man had done so much for his nation.

Well i know for sure say obasanjo no really like atiku at all, the two of them been dey like cat and rat when den bin dey power. But seeing this your comment come make me dey reason watin you talk because na only person wey don dey there before nai go fit understand all the Dirties wen dey go on for that aso rock. Obj as you said fit don grow conscience because him too dey see the big mess way him inself don put the country because na dem be the people wey supposed set things right for the country right from the onset and now the damages don really deep, him don com get sense to endorse person wey him feel go fit amend am small. Make we Nigerians just pray that we should really get it right this time because this country just need something and someone different to help it from further sinking. 

Wen e com to political mata/office, leadership nd govmnt somtin, OBJ nd Atiku too sabi demselves via say, dem 2 bin don work hand in hand b4 nd na frm watin Atiku do way shock OBJ na em turn dem enemies way till 2day, e mam OBJ fear to see am in full control of d nation.
OBJ 2 endorse d pple's choice Obi today no dey far frm 2 discredit Atiku by also, to clear way 4 en side if Obi finally enter dat seat. OBJ already knw say, himself nd Atiku no ft work nd so, nothing com out en side if na Atiku enter dat seat. 4 Tinubu side, Tinubu na APC man nd on top of dat wth all en display, I no sure say, pple deh really see am to enter dat seat. Mak e try en luck wth Obi bt, Obi go stil serve d pple well, I hope.

See as him dey jump jump ship, you never reason am like him dey go anywhere wey go favour am. Why him no stand up again Buhari government when everybody been dey side am knowing say him dun see am rule before and nothing come out that time so now just as we dun experience am say nothing go come out. I think say him be elder, why he no dey foresee all this things den warn us on time instead anywhere him go na bad luck they follow am and the next thing na to jump ship go side another person.


Makes sense or him dey try sabotage others chances to chop the national cake as dem go rubbish him stakes for the national cake. When him be get power why him no run the country well and set better system wey go make things better. Why be say dem go rubbish their own time den come dey say dem dey give us better person wey go rescue us when na dem put us in this kind situation in the first place.

Politicians na thieves, especially Nigerian politicians and people like Obj na dem be the great thieves but as the country no get direction wey be say thieves still get bold voices, we get nothing to do than listen.
But no matter how e for be for Obj na one elder states man wey dey always hear the cry of Nigerians and follow up. I like him for that.

1. Na him deny Odili ticket give better Yaradua.
2. When GEJ begin mismanage Nigeria, him stand up follow give Buhari power to rescue Nigeria.
3. As Buhari fail for first tenure and no better option, him go back to him Atiku vomit.
4. Now better option of Obi don dey, he has endorsed him.
Great him

OBJ na elder statesman, em done rule us both as military and as civilian president,  so na him really know waiting it takes to rule this country.
Make we check em tenure as military head of state, OBJ been be the vice President to military head of state Murtala Mohamed before them kill, before Murtala Mohamed die em been pledge to hand over power to civilian president once the country stable, but as em die and OBJ come Succeed am as head of state OBJ Been hand over power give Shagari wey be civilian president as Mohamed been wan do.
So I believe as him, himself no really do too much as a civilian president and him done watch many failed government and him wan help us get better leader na why em endorse Peter obi.

Everybody get sins to atone for including OBJ. And I see say na wetin him dey try do. But why e be say dem dey wait till e don almost reach time to die before dem go start to wan make things right. Anyways sha, dem sabi say posterity go judge dem na him make them dey try align with PO. Aside am sha, other senior elder statesmen don throw their weight behind PO. I just feel say dem dey do am for conscience sake because these men and women have nothing to lose, their time is short and they have made more than enough money for their unborn generations. Well, e nor too taye again result go show.

Comrade, as you see baba iyabo don go far. As it stands now no body fit make am dey irrelevant for Africa not to talk of Nigeria. If the man no get say for Nigeria politics, Peter obi for no reason am. Na the mata sef wey make them dey go close to am to get endorsement. Baba iyabo and obi na same wine from same bottle. Obi na baba boy wey want mk him oga reason him endorsement Wella and baba too don position himself to dey do the needful too but me I dey vex say Naija dey like this be say na Baba iyabo start am. The corruption na him time e start. All the politicians wey dey power today na him school of politics Dem go. So baba iyabo endorsement of obi na continuation of his government but I believe Obi would do well as baba has seen his lapses and want to correct those lapses through Obi.

I been dey listen to radio during the new year. Alhaji Dan Tata wey be Dangote's uncle during him new year message been talk say people wey offend am him forgive them and people wey him offend say abeg make them forgive am, say like this him dey very old and na death wey him dey wait for. E get age wey person go reach wey nothing make sense again. U go just want dey at peace with yourself because u don see life finish. OBJ na ex-president, if na money him get am, if na national and international recognition him get am.

E fit be say him conscience dey judge am for the things wey him don do or things wey him suppose do during him tenure wey him been no do and him believe say PO fit do better. This is just my thoughts. But if you don the hear the 3 main presidential candidates (BAT, PO and Atiku) talk, na only PO get something meaningful to say, am not saying he's a saint but that's just the truth. Atiku wey talk say make the north vote for the north because him no say na them be majority, abi no be the same problem everybody dey face for this country, abi fuel na N50/litre for north and N179/litre for other parts of Nigeria or kidnapping, bad roads, poverty no dey for north. Same Atiku talk say him understand the problem of Nigeria because him marry wifes from all parts of Nigeria so na him dey best qualify to rule Nigeria... Oga are you okay? BAT no dey medically and mentally fit to rule Nigeria. We no need another president wey go dey tour the world because of health issues... We never recover for Buhari own, him just believe say na him turn to rule because him been get agreement with Buhari and APC.

Nor be only Obasanjo dun endorse Peter Obi, even Elder states man Edwin Clark too. Obasanjo get voice well well for politics, so his public endorsement of Peter Obi will have some effect on his loyalist. Personally many people dey support Obi well, na just say dem never too go far for politics to openly talk against Atiku and Tinubu, na why dem just dey undercover. If in the remaining days to the election, more political daddies in our country start to dey coe out dey endorse OBI, e go cause problem for other political parties.

Waiting OBJ they talk make sense sha but the thing be say no matter how he be if politicians help each other and you win last last na them go wan they use you and dey control you, make OBJ no come with another method do us shege like before because no one to be trust, and for the peter obi upon say me I no too know him well I still get mind dey think am say him go better pass ATiku and tinubu because those two people eyes dey nigeria resources

I respect OBJ well well o, becos em done rule the country before as head of state and civilian, OBJ Don dey involved in government since the days of Aguiyi Johnson so em know waiting real governance really be, Him endorsing Peter obi means say em really mean well for the country, I no dey do sentimental politics sha, but if am to choose and for the sake of fairness I go vote Peter Obi, even if all of them dey lie na only Peter obi plans I know say if em execute  am wen me reach office e go carry our country forward, em dey young , vibrant and educated, the election is between Peter obi, Atiku and BAT. So for ObJ to endorse am the old man know waiting em dey do, so make we sit down watch how the game go play out come February 2025,  cos it's either we dey Obient or we dey atikulated or we dey BATified.

If you cross-review all this top 3 presidential candidates(Tinubu, Atiku and Obi) records of how the take rule for Nigeria during their time, you go use your head know which peso better pass the other.

Wetin Obasanjo owes Nigeria as an elder statesman na to tell us the truth for peso wey suppose rule Nigeria. Na why endorsed Obi because em do check all the presidential aspirant's wey come out, na Obi wey em see as the best candidate.

As Nigeria be so, no be the time to be sentimental for election base on tribe or religion. The yoruba elders don come out opening to endorse Obi even some top Northerners don do so join, not to talk to Ohaneze nde Igbo(Igbo elders)

Whether Obi win or not, Obasanjo no get anything to gain or lose. Em don achieve and accomplish so many things for em  life. By the way, he is respected for Africa and the whole world

the reality be say, endorsement are good for the social clouts it brings amongst citizens as well as on social media. the remaining hardwork de the hands of citizens and part agents to actualize their goal. follow up voters, monitor pollling booths, ensure votes are uploaded. Election de the handi of every citizens not on endorsement at all at all

For the these endorsement wey Obasanjo do na better thing because him the among among the elders wey be politicians for the country so him no go choose bad person wey go rule us beside you know Obasanjo made mistake for the country so him wan Peter correct his mistakes for the country people

Sense dey your talk so as OBJ follow among the reason we dey surfer like this for this country, just maybe him wan correct his mistakes but make we no forget say na him follow join force commot Goodluck Jonathan for seat and put this disaster wey we get, and na all in the name of making Jonathan not to rule more than him. Na e dun reach time for another election and him dun dey support another person wey him believe go do better, make we just dey hope say the person do Betta as anybody wey OBJ support they normally win, the guy no dey dey losing side.


OBJ decision fit mean well but no how person go tell me say Politics no dey this decision. Oya look among all the candidate wey get strong force for them to fit win this election, which camp wey you think say OBJ will be respected as a elder stateman assuming him support them and they win. Atiku no go even give am face and tinubu no even dey respect that one. Na humble boy OBI be the only choice here, no forget politics is a game of interest.

Endorsing a candidate na good thing to me especially when it comes from an elderly man that have the interest of the people at heart. But dis is not same for Nigeria again, we don’t know who is who again, whether they’re playing politics with us or not. At dis point, I go talk say we are all wise enough to know wetin good for our country, we go decide ourselves who go be the next president without favoring anyone endorsed by anybody. Our votes will decide and not the endorsement. I hope the best person amongst them succeed and becomes the next president.

One tin wey we need realize first be say , OBJ na politician. Inasmuch as he claim to have Nigeria at heart, the same system na em form am and give am recognition.
Whether he endorses Obi or not, the election votes will decide and the winner will be declared. We also been hear of Wike wey dey support PDP now, I don't know how true that is but the underlining fact is that this is politics and only we the citizens can decide with our votes.

From my own view,OBJ dey try to correct things for the country, unto say when e bin dey power to make things good for the country, he no do am instead na e put this country for all these mess. I see say e don get conscience and won try e best to see whether e go fit help Nigeria get good leader to free him mind from wetin dey hunt am.

If na base on politics, I no come know about that one but na the truth na e OBJ dey talk,if say Nigerians fit see and understand wetin OBJ dey talk,e for make sense because na on PO be d man wey fit save Nigeria from this backwardness.

I agree with some of your yarns but you talk say no matter watin OBJ do we don forgive am but that one no go well with me. In fact I feel say na that reason make OBJ endorse PO so we fit forgive him sins. All this thing na political propaganda because this same OBJ bin Endorse Buhari 2015 election abi no be him endorse Atiku for 2019? I feel say him just wan move with the crowd as him see say almost every youths for south Dey support. So make dem leave us alone

People wey dey talk say this endorsement no mean say PO don automatic win election because him get the backing of OBJ dem dey correct. But political endorsement from an elder statesman like Obasanjo really means a lot.. E fit no make sense to everybody but e make sense for persons wey get eyes to see. E just be like C.Ronaldo wey recently signed for Al Nassr. Before the signing, Al Nassr been get 850k followers on Instagram but after the signing, their followers come increase to 2.4M within 24 hrs and currently has 7.4M followers. E get some persons wey na diehard supporters and fans of OBJ and because of this endorsement dem go throw their hats for PO, so it's a plus for PO and LP.

Dis mata don set d media and political space agog, but na good tin bcos Obasanjo na elder statesman wey mean well 4 Naija. I no care d bad tin wey d guy don do 4 d past, e don change, and any analyst wey mean well 4 Naija go know say Peter Obi na d best candidate 4 us as tins be. Shey na Atiku wey be Fulani wey don rule us bad for 8 years and still corrupt, or na Tinubu wey be d most corrupt politician 4 Naija?

I be South-west guy but South-east na part of Naija too, make dem allow dem do am. To crown d mata, na dem (South-east) get d best candidate for d election. Peter Obi na d youngest, disciplined, apologetic, accountable, vibrant, talented, and trustworthy with a track record among many others.

Na d qualities Naija desperately need right now. May God save us all!

I know say una go dun hear this news from the different social platforms wey we dey but I say make I bring am here make we reason one or two. Without any bias make una talk truth, you think say this message from OBJ na him genuine mind abi another political decision so him enemy Atiku no go get supports to fit win the election or to make sure the likes of Tinubu no enta that seat as him fit do things wey go make OBJ not relevant again for Nigeria. Also you feel say this decision from OBJ na another from to make himself relevant so Incase OBI win him fit carry shoulder up say na him put am there and try get benefits with godfather parole.  Within you think about this decision by OBJ entirely?.