Topic: The japa syndrome and how generations has been affected. (Read 64 times)

Almost everything week, a member of a family for nija dey talk bye bye either to friends or family, with the mind say them fit no see again oh for this life.

Plenty of the people dem way dey japa talk say, them just dey exist for the country, say nothing come out for their side, say e better say dem travel go find greener pastures for oyibo man country.

This Japa thing don make, friends and family no dey see each other again and them fit no see each other again for this life.   Deji way be your bone man, don travel to UK, Tony A.K.A Tonero and chidubem don travel go US.
This na your men way Una dey chill every night for angle 90 bar dey drink beer, talk about plenty things and also dey laugh together. Abi na when Tonero tell you say, Omo him don find new peppersoup joint for up town, then in the evening all of una wan go unravel the new place way Tony see.

generation don dey separated from each other,  pikin way your younger brother born fit no Sabi you, because say you don travel go jant for years, so tey even when plenty things happen for family like wedding, burial, other ceremonies dem no see u.

Your children way you even born for jant too, fit no Sabi their cousins, them fit no Sabi their own grandfather and grandmother.

If the kind of leadership way we get for we country no change, way people go begin see the reason why them dey exist for we country, then i dey sorry to say this, Japa syndrome don come to stay oh and plenty generation go continue to dey separated from each other.