Topic: Things wey person fit learn when HODLING Bitcoin (Read 100 times)

Op you don try wella for the things wey you post, I go like add say person wey don make up em mind to dey do bitcoin holding make em no say em suppose get back up wey go dey give am money oo, so that when small trouble come em no go rush go sell em coins. And person wey dey into holding suppose get enough knowledge on how to secure em private keys for places where no go cast easily, meaning make em no save am online all private keys dey advised to be saved offline, and e nor too dey advisable make person generate em own pattern because if you pattern cast back up no dey oo, the best and most practiced storage method na when person write am for book store am for water proof or fire proof safe.

I go also advise say person wey dey into holding of bitcoin make em no dey allow em emotions make financial decision for am especially when it comes to buying and selling of bitcoin, because this na one of the major thing wey dey destroy many newbies ability to hold, na why I first say make the person first get knowledge about Bitcoin, so em no go make mumu decisions, make e no be say as the market just experience small bear run the person go just go sell em coin and las las bitcoin must rise, just give the market small time e go must rise na just time e go take. And again person wey dey hold bitcoin nor suppose to dey share em financial details anyhow, just keep that part very anonymous.

OP thank you for this thread. I like that your number 4 and 10 well well. When I didn't know about bitcoin, na anybody wey come meet me then, I dey suspect. I no dey believe anything them be dey talk about Bitcoin. And truly, there are lot of scammers then that was scaming people through bitcoin but now, I dey understand as I joined this forum.

One thing way Bitcoin holder go fit learn easily nah how to dey patient and discipline, this na the number one important thing first, without say person get those things the person no go fit hold longer, just imagine person way no get patient start to dey hold em coins, the person go like to try other coins whether those ones go fit skyrocket early and those way no get patient nai dey lose pass for Bitcoin.
We as a Bitcoin holders we suppose to dey listen to other pipo predictions but we no supposed to take them serious because possiblities dey say we fit lose all efforts in just a matter of seconds.

This thing way you talk here to go outside the discussion sha, I think say you dey try to talk about Bitcoin holding,,, but now, sha this DCA method way you dey talk about, nah for investors way dey accumulate more Bitcoin and not for traders, most traders dey always dey active when dem wan start to trade their coins so them gass to watch the price if e dey go up or down before them sell.

OP thank you so much for all these guidelines you have outlined, at least it's gonna help me as a beginner when HODLING bitcoin. Every step you've outlined in this thread is very helpful as the only way we can become successful investors is by listening to measures that should be taking when one starts venturing into bitcoin practices. You do well.

the things wey person go fit learn when him dey HODL Bitcoin na:

1. No believe any price wey person predict give you.

2. No dey buy and sell for different different cryptocurrencies, those other crypto currency no get only one place wey person go fit dey trade am
and any coins wey no be bitcoin no too get value like that and e just be like person wey dey play gamble, the reason wey make them introduce bitcoin na to end this slavery wey dey now wey e be say any transaction wey person wan do you go pass through some body or some organizations before person go fit do transactions.

3. When every person come dey talk about bitcoin make you just know say you dey untop the bull run be that, although because of too much excitement you no go notice am o but na after the bull run na in you go understand am.

4. No dey trade other coin dem when you wan get bitcoin, u know say person understanding never reach like dat  and person fit just go lose everything.

5. For the method wey dem dey call DCA, no go carry your mind dey trade or you come go dey monitor the market just invest your money den you leave am there.

6. No go dey too dey too anxious to dey tell people about bitcoin you know how people dey behave na if dem see say you too dey serious for dis bitcoin matter dem go dey feel say you wan scam dem even when e b say na help you wan help dem.

7. Learn to dey go places dem wey dem dey always talk about bitcoin e go help you know things well well about bitcoins. No just go stay on your own, dey try to dey relate with people wey sabi bitcoin well well.

8. When people dey ask you where dem go fit buy bitcoin just refer dem to all these BITCOIN-ONLY company dem. Those Bitcoin-only company them na in dey safe for people wey just start to learn about bitcoin.

9. Dey for #Bitcoin for Twitter e go help you to know plenty plenty things about HODLING bitcoin.

10. Dey very careful with people wey dey try teach you about bitcoin as some of dem dey good and some of dem na bad people too so you need to dey very very careful.

11. Even as in be say this bitcoin go make everything concerning money matter to dey easy for everybody but no go dey try to dey convince anybody. Na only people wey come meet you to know about bitcoin na in you go tell the important things dem wey for bitcoin and make people no say na bitcoin work wey you dey do.

I believe say with all these guidelines wey I give una e go help us when we dey HODL our bitcoins dem, una thank you. Source: https://www.binance.com/en/feed/post/1138270?ref=22537208&utm_campaign=app_share_link