Topic: This idea go reduce our daily expenses. (Read 606 times)

This ur idea really make sense o, e go really make us to spend less as u talk because I no understand this country dey go, they way the price of fuel dey go high everyday, assuming say everybody go get this kind bike, come buy, nobody go reason fuel again and nobody go tell them mk dey reduce the price of fuel, if we dey take action by ourselves for this country, we go leave our leaders no choice than to just obey or do wetin we like, imagine the way transportation dey cost, to the extent self, person no fit buy something chop for road unlike before wey be say wen person dey travel and we dey in a hurry to meet the bus, we fit no eat because no time, we go just say we go buy something for road to eat but now, e no dey like that again, instead we go dey pray mk the money do reach wer we dey go to avoid being stranded. But with the use of this ur idea, e go really make things better for us and we no go get time to dey exchange words with drivers dem again or fuel attendants again.

E make sense Wella.

I used a think these things were beyond many of us because at some point when I bring up the issue of buying a bicycle for ease of transportation, my friends just laughs it off. But with electric bike, I think they will soon order as soon as they see me afford one.

My question is if this electric bike has like a station here in Naija just like the pump station, where a rider or owner can go and recharge the battery real quick, because with the way our local electricity distributors have increased electricity tarrifs and the light isn't even as steady as should be, one may even order one of these bikes and still trek more because no where  and no light to charge batter.

When we eliminate all needless acts from our life, we have more time and energy to devote to what is truly important. And by being more deliberate with our time and resources. So, one way to save time and energy is to eliminate distractions that compete for your attention. These distractions might range from loud alerts to your phone to pointless meetings that take up your entire workday. By eliminating these distractions, you will be able to focus on what is truly important. And when you're focused, you're more likely to be successful and get things done. You may also opt to cut out activities that take up your time so that you may spend a longer period with those you care about.

All this new innovation wey they benefit other countries,  e no be say naija leaders no fit bring it down to Nigeria but because of greed they prefer to make money from wetin them dey gain from and not to let the new innovation reach the country.  Naija don reach make we dey use all this electric cars for people to stop buying expensive fuel but yet them no won gree because of their selfish gain. If you go to other countries electric car is something that they are used to but seems so new to Nigerians.

This idea is superb and well absorbed ! But the question here is how many people can purchase this electronic bikes ? The fuel situation is universal in the country both the people in the urban and rural areas .

It might be very easy for people in the urban areas to buy such bikes and mitigate the excesses of such fuel increase , their sources of funds can be huge for the maintenance of such bikes but what about the people in the rural areas ? Can they buy such bikes and maintain it as well ? The answer is quite rhetorical because the country is in shamble , where the rich will keep on getting richer and the poor will also keep on getting poorer , the rich will make decisions that will enable them oppress the poor and so on .

Finally ,introducing The electronic bikes will solve some financial economic crunch and will also reduce our expenses as regards to fuel price but the cost of maintenance will surely affect the less averaged citizens .

this idea dey very nice and cool but the thing be say anything wey advantage also get disadvantage. So if I may ask you don think about the disadvantage of this machine.   You talk say na electric machine i.e machine wey dem dey charge so what if pesin no dey get light and how much distance e fit cover when e dey fully charged, you fit use this machine for busy road,  can it function well in undeveloped area.
Thank you for sharing it though but I think this is mainly used for developed area or abroad

There is no type of mobile vehicle you will want to have now that you will not feel the gloomy effect of the cost of buying fuel and there's no way you will be living in the country right now that you can be living a normal life because right now even the rich are lamenting. Well, if you can afford no problem, get the one of your choice and stay calm. (Make we no hear you they complain later)

Now a lot of car owners prefer using public transportation to their private vehicle as it's much cost effective. If you want to live in absolute comfort it comes with a higher cost.

No one says you have to die or suffer yourself just for you to live a penny-wise life , the argument is about living a budgeted lifestyle. You don't get suffocated by living penny wise it's rather an opulence living standard that suffocates. Don't spend stupendously.

In fact, it's a matter of necessity that everyone now all over the globe cut their cost of living to be able to survive comfortably in this recession period. The government won't do everything for you, they don't have to spoon-fed you too as a support system.

Sometimes before buying something we suppose consider some common factors before buying it, like buying an electric bike no be bad idea, I even like the idea now wey fuel cost and the electric bike go save person from trekking. Even if light dey for your area steady no mean say light dey steady for everywhere. I no fit buy this kind of bike cause the light for my area no steady.
The issue I get with the bike be say person go take quality care of the bike, anyhow person take care of something that thing go still spoil, just like the way cars dey get fault and problem. The way I see the bike if small thing spoil for the bike to repair fit cost money well, sometimes people will buy an expensive car but when the car get fault no money to repair. Make person no use money buy problem..

The type of machines that you buy depend on the performance of the machine. The way corolla vehicle will consume fuel will be different from how Benz  consume fuel. There are really good machines out there that can be use comfortably despite the hardship of the economy, you will live a normal life like nothing never happened in the first place.

Trying to cut down expenses doesn't mean we have to kill ourselves, doesn't mean I have to die from suffering because from the things you guys are discussing, it look more like suffocating basic life to extreme and uncomfortable life. How do one have to live a life when it's so uncomfortable to even move around just because we are trying to cut the cost of living, no that's not how it was supposed to be, the government just have to come to aid to support the citizens.

   No doubt new innovations dey wey fit lift up the economy but the greed of the leaders no go allow them give us free access to them. E just be like say the benefits of the country just dey revolve around a circle of certain people and it just can't get outta that circle. If e never favor them, it can't favor the masses, worst case, they're unsatisfied with the favors.
  As fuel and petroleum dey hard to get by masses, e dey very accessible for them, that's just how improper the country is. Inventions are inevitable but it's certain that our leaders and politicians will be so greedy that they'd want to be the sole beneficiary of this invention thereby making it scarce for the citizens, then we'd be left with no other choice than to struggle through the economical loopholes to survive whereas if greeds was kept aside, the benefits would have gone round the nook and crannies of the country and even more benefits will be left.

Bros you done check the price of this electric bike before you wan buy am. And also, the spec of the bike. Like how long e go last for raod. And for something like that, e sef no go to reason am. Because the battery capacity of that bike go they very high so that e go fit store enough voltage insisde am. I done reason am say the place i they live weting ah they pay for electricity no be small thing. Currently now ah they on my air condition for complete 8 hrs, once the environment done cool small ah done off am. Ah they regulate the usage of the meter system for where ah they live. Talk more of to come go buy electric bike. Omor that one go suck electricity weting no go do o. If i charge am completely full ah fit done burn all my meter finish. And ah no they certain how long e go last me.

Infact the cost of operation go they high too. We never reason the cost of maintenance. Since nah battery something, from to time battery fit weak and person go wan change am. So, the battery go they expensive, more expensive than that of the inverter batteries, nah so i see am. Make we no go move from one problem to another. I believe say this matter of fuel something go soon they balance for everybody, and we go adapt.

No be lie this thing way you just being now ba I saw it today love I even get bicycle way I buy last year na battery but I dy careless leave am for my boys hand travel out my coming back them don spoil everything.
But the truth be say this thing dy very okay i no go lie atleast e fit last for 7hrs just imagine traveling to a state that is 3hrs if you use this electric bike e for take you 5hrs for road but yet the battery no go die, the kne way I get if you pedal e dy charge the battery join.

I great oh my people of the high table .some times Person no Dey fit predict wetin go happen in every minute of our life’s ,expensive Dey come out even when we no plan am.you fit say okay today I no go spend much and the nxt minute you Dey mechanic shop Dey repair your car ,or one thing for house fit just spoil for your house .you fit con say okay I go leave am first ,then boom gas’s don finish😂  .other thing again na plenty waka waka ,person Dey do birthday you Dey there ,party na everyday you Dey club ,you don’t even know the different between  your needs and your wants .these are things we can’t control cus most of them are unpredictable.but on the other hand we can actually manage them not totally but to and extend in other to reduce our daily expensive .now how can we archive this ,first some of us really need self control ,because most times we spend money on what we don’t even need, you just feel like oh my friend is buying so let me buy or maybe we just want to use it for show so we just buy even when we don’t know how is been used.secondly we should limit the way we go out ,we must not be seen every where,am not saying we shouldn’t go out but we should go out only when is necessary.

And lastly our savings account should be different from ours spending account, these money is for unforeseen circumstances .so when ever problem like car issues etc comes up we can just settle them ,knowing fully well that you have kept the money a long time ago fir that particular problem .you won’t have to temper with your savings or money you kept for something else.

Having an electric motorcycle or car will really help reduce expenses of buying fuel but the problem this thing go be difficult for we Nigerians to have access to it. Anything wey dey happen for this our country our politicians dey like make the thing dey favour them. Most of our politicians are into petrol businesses and generator business,  and if Nigerians starts using electric vehicles it will spoil the business of petrol and generator business of this our politicians and our politicians no go like make this thing be bad market to them business,  I don't think the electric vehicle is something every common Nigerian can gain.

I am tying the knot with what you have said, the purchase of the motorcycle doesn't mean you are going to save from much spending, before we buy anything machine we should take into consideration the cost of maintainance and the necessity of it. How often do you go out? How long is the distance you cover going to work each day?

There are unnecessary movements we make that can be terminated and it will save us money that we would have spend on transportation only. Someone jokingly said, " for this Port Harcourt just the decision to step outside alone nah 5k", it sounds funny but it's a fact. If we can cut some outings, visits, and journeys we frequently make particularly the ones that can be avoided it will save us cost in transport alone. The Nigeria of yesterday is not the one of today.

I no know the part of Port Harcourt you dey live sha but my side of Port Harcourt get light. We fit say we dey get light 20hrs everyday and sometimes we fit see light three days straight and e no go blink. I know say some part of Port Harcourt dey federal light wey dey somehow regular while some part dey state light wey be apology. My side na federal light and e fit be the reason we dey see light well well.

My only problem with this machine na the state of some internal roads wey no good for Port Harcourt. The machine be like something wey need clean road which I know say e no dey for plenty places for Port Harcourt. Another problem na safety because e be like if you fall for the machine, na better injury you go collect

Just some days ago wey I just dey reason this matter consedring the rate which fuel they cost and how people dey manage to hardly survive, so I com they reason about to buy rechargable byk wey fit reduce the rate of expenses. I no even know say these topic don already dey here. I come also get second thought about  am because another  disadvantage wey dey dere na lack of electricity or low power supply. We no get steady light and e go affect for charging just like @brainboss talk. If to say na Sola rechargable byk e for better because Nigeria dey always get heavy sun so as you dey ride am dey go na so e dey recharge am. Another thing too na durability. how long e go fit last or the distance e fit cover because checking the price tag of this machine as of them, maybe by now e go don cost now. And e no go good make person go buy wetting no go fit carry person go far distance.
And I dey reason say our government no go too put body for the impotation of this machine because them go see am as threat to there market. For those wet dey impoet petrol machine. Because them go see am say if machine wey no dey use petrol come out people no go buy there own product.

My country people as e be like this to buy this electric bike good oo but no be for this our country, where you won see light to charge am na be waiting we soppuse to dey reason now.. Person con buy that electric bike now con dey stay for place like  Port Harcourt way light be like coming of Jesus christ how you go take charge am as fuel prices dey like this to dey on generator every hour. So we just need to dey economize ourselves. Na so I dey for Hux my anty dey tell me how e sister dey chop pot of soup a day you dey see how people dey use their hand dey kill their self, then latter them go still beg their relative for money way them no sabi manage. So everything dey our hand we way dey the country Nigeria.

That's nature for you, not everyone has the funds to live comfortably but atleast this idea of electrical bike is still a good one because the cost of petrol is enormous and so many people are suffering from it both the rich and even the poor. Before now, one of my Aunt with car that uses petrol always like to travel every weekend stating that she just loves traveling but since the whole fuel hike began she has been on a low and she no longer uses her car to even go her and she prefer using public transport because of price and money waste difference.

As e be so like this, nothing dey free for now o. Even for Freetown, nothing is free. There is always a price to pay for anything. This idea when them show for this post na very good one wey go help people now wey money no too plenty. Na for us to hustle and raise the money knowing say the thing go safe us plenty money too.

E no male sense make we dey make excuses for everything. Excus no dey solve problems and if we wan achieve much for this life, we supposed dey think more of solution than the problem itself.

Even if, not everyone can afford the money to buy this electric bike there are others that can afford it because it is already said that all your fingers in your hands are not equal and it is true, so what I would say is that, as long as you have the money to buy it or you really want to buy it, then there is no need to hesitate because the electric bike will be if good use and as it will reduce the rate at which you purchase fuel or paying transport.
Even if the road in your areas are not ok, as long as a car or a motorcycle can ride on it, you can also ride the electric bike there freely and carefully too

Op,this is a nice idea but you sure say this one no be expenses on e own. I get the fact that were all looking for solutions to our general problems and to be honest this may seem as a fair trade to buying fuel and reducing the cost of public transport. But why the thing dey use engine oil again sef? And imagine if this thing off for road 

Anyways.. not trying to criticize your idea or anything cause it really is a good one, I just wan understand why the thing still dey use engine oil.

   To get this electric bikes too no bad because you no go need day buy fuel to run am, with this we fit even limit the air pollution way don already day excess. The disadvantage of this electric bikes be say na their cost, the cost to get them no just be here. Another thing na the road, our road no jell especially for the scooters them. You no go fit day ride scooter for bumpy road,  na so so fall fall you go day fall. But if to say our roads them day okay way be say the link up roads them day good, you go fit enjoy your electric scooter.
  Another thing way fit limit the use of this electric bikes and scooters  be say na the recharging station. How people way get the bikes wan take recharge. Light no even day for am to charge sef, they need provide recharging stations for most of this electric cars way day come out now. In the future we fit no dy see cars way day run with fuel again because every thing now they go electric which is a more preferred option.

Looking at this bike, it will help in reducing expenses, but the problem is, how many people out there can purchase this bike, there are many limitations, the our having power of an average Nigerian has been reduced to nothing, the other time, I was asking a bike dealer about price of those bikes that consumes pms for them to carry out there functions, he told me that the lowest one is 400k that's in naira, just imagine how many Nigerian's can afford this one, to even talk about electric bikes, I think, this is not as easy as it is been said, yes, no doubt this by has many economical benefit that comes with it, but in purchasing terms is no way for us here in Nigeria.
Even though we manage to buy it here, the charging aspect will also be a problem, how many time do we have electric light in our homes, our electricity is zero unless we will go back to buying fuel to on our generator set in other to charge the battery if it can, so you see everything is just complicated, to those people that can afford it, it is better.

I love these bikes, but truth be told, only about two or three of them can be used on Nigerian roads, the depths of the pot holes will damage the bikes and consistently cause accidents and the recklessness of Nigerian drivers is nothing to write home about, the smaller bikes can't compete on the same roads with these commercial and heavy truck drivers. Another thing is that these bikes need to be charged for a bit of a longer time to be used for locomotion, so if you mistakenly forget to charge it over the night, you no go fit comot the next day unlike fueled bikes that a filling station can come to your rescue. The best solution could've been a bike that can run on both fuel and electricity, so you can choose the power source to use.
The bikes that can comfortably run on Nigerian roads are not cost effective as this solution is supposed to be for the poor man's benefit and from statistics, the poor man cannot even afford it talk less of maintaining it. lastly, is the spare parts of these bikes readily available in the markets or will you need to import its parts from abroad every time the need arises?. for me, its a good solution against global warming to reduce the release of carbon into the environment and not necessarily an economically sound solution in a country like ours cos the constraints are very high.

You just dey talk like person way know even know watin em dey talk about.
Make I calm down ask you one question because I believe say you go don enter moto before, NAH WHEN MOTO DEY ON MOTION NAI THE FUEL DEY REDUCE ABI NA WHEN THEM PUT AM FUEL?. if you know the correct answer then you go fit answer your self the question way you ask.


If driver dey drive moto shey em dey gage the fuel miter? However for the video (if you done watch am) you go hear when the guy speak out the numbers of kilometers way this bike fit run if the bike dey full charged, so with that you go fit calculate your self well use the bike the way be say you no go dey stranded for road side. Well..

Ehhnen na waiting I be wan talk you just talk so,although the bike good and he dey very well wey be say you fit buy but if you take look at this our country now light is one of our problems and the light matter sef lead to the process wey be say another country wan give us light, if we buy that bike now how we go take charge am abi person fit use generator charge am too, as the bike dey so if person wan charge am again you fit use more than 24 hours charge before E fit get better charge wey go hold am tight wey go make am move very well, because as I dey even see the bike like this E fit mess up if person dey go somewhere or the thing fit go stop for road, but thank God say the thing no even heavy like that .

And again I don't think the bike fit go places wey too far like that, like when person is going to travel to somewhere, the only place wey I think say person fit go with am be say make person just dey waka with am up and down for town if not if anybody try to carry this thing go long journey I swear that person Don suffer because the person go know the different between fuel and charge , no be say I dey try spoil the matter oo, but we should also know that everything get advantage and disadvantage.

Make i chip in, for this matter so, shey na as you de drive, the battery go de charge, abi no be so e suppose be nw?

By the way to import am be the wahala, cos of custom duty clearance and Also with this kind of epileptic power supply we get, this one go be issue ooo, and no forget say na prepaid meter we de use for some areas like that..

Anyway make we just help ourselves de manage the country like dat

I think racheal9358 son already clear this matter say person fit use solar take charge am, the bike dey work with 12volt DC so e nor need or dey consume much electricity, the only thing wey I never know naim be the hours wey e go take am to fully charge after e don discharge Finnish. And the other one wey you talk about road, that na another thing to consider before we buy the electric bike, though the bike tyres na big one, so e fit drive for muddy and gallop roads. To me oo this bike na very better investment wey go save you from entering keke for common street movement dem and short waka around your resident community.

Nice idea. This can only work in areas that have constant electricity because for where I dey stay, you burn fuel the charge that bike full. The other one is for people wey get good road, na for people way dey for lekki and good places wey get better road.

If we reason am like the way you dey talk am now, many people no go use their money buy the kind of things wey them like to buy.
Like recently, the price of fuel done dey reduce and the price of gas done dey increase but we still dey survive, so for this electric bike them, there are a lot of us who have a solar system that can charge any kind of things that are chargeable, so for those people, they can also buy this electric bike and have free minds when it comes to charging aspects, so watin I dey try to talk be say, if person go fit bring out em money buy this electric then I no think say to charge am go dey difficult for ram.

The money wey you for use buy fuel put for normal bikes wey we get for here, you go still  use am buy fuel put for generator charge this electric bike. This electric bike make sense but our problem for this country plenty. With steady power supply,  then this bike na big alternative for us.

With the way things be for this country,  the average Nigerian fit afford dis thing? 300$ no be small money and we know say, all the hardships wey dey this country,  na the common man dey suffer am pass. If the common Nigerian no fit afford this, den nothing change. If dem even use this electric bike run public transport,  our bike men go still complain say light no come to charge bike. Therefore, transport fare still high. Make everybody fit afford this thing then we go know say the bike help us true true.

The bike dey good, but how many people go fit afford am,  because as the things be now, things no common for the common man for dis country like this again.
And we no get steady light for some locations, what if the bike off for area way light no dey, then you go come begin push am to find where light dey, Omo some innovations good but our country put us in a disadvantage position.

People wey dey complain about light for this electric bike, to me that one no suppose be problem provided say you don first buy the bike, other alternatives dem dey wey we fit take charge am apart from the use of NEPA light, besides na even DC current the bike dey use, upto 12volts and small milli current so only one solar panel sef fit do the charging well for the day. When it come reach the maintenance part for the bike I trust my country for that part, everybody don turn sef mechanic to do thier maintenance by them self but should in case e dey very complex to work out, you go fit see road side electronic repairer for the electrical part while road side mechanic for the mechanical part. Normally we fit do make that bike last well well for our hand but we nor dey like to read, Oyibo say if you wan hide very useful information from black man make you write am for book because we nor dey like to read, and this statement na true I don observe so many new equipment wey get manual but people nor dey like read am, we dey feel like say because we don get small experience about similar kinds so all go be the same working principle.

I know that because of the consistent increase in the price of fuel, we should look at alternative means that can reduce our expenses but we also need to look carefully and ascertain the practicality of electric vehicles in our country.

The fact that we need to charge it before use brings serious concern to me because I know that in this country, it is becoming very difficult to get power lately and we you want to get your power via the use of generator, for are almost doing the same thing as driving the normal diesel or petrol vehicle as you will need to buy enough petrol that will be able to power your electric vehicle for a full day.

Wetin we need like this an solar vehicle course an the only one we get in abundance be that.

Well, now we all know say the price of fuel done dey reduce, and cooking gas done cost pass the price of fuel, so e affect everybody both the rich and the poor  but as for this electric bike so, like you talk am say nah money to take buy am be the main coco, yes nah true you talk based on your own side, now think about people way get am clear (pipo way get the money), them go fit afford am no matter what.
For the maintenance aspect, I go like make pipo way buy the electric bike read the manual before them start to dey use am so that the bike go last for them.

With the way Fuel dey take rise for this country, this kind innovative is what we need. But if you consider the price, an average Nigerian no fit afford this electric bikes. And that one go be another issue.

Substituting fuel cars to electric car is actually the best considering how the country is now, I no that in most countries electric car is one of their major routine car which makes life very easy and eradicate the stress of going to the petrol station all the time, now with electric car you can stay at home and charge your car or motorcycle, with this method you can hardly get stranded on the road because it has to do with eclectic so there must be a power bank that will support in case the battery runs out but though it may also have it own disadvantage but can never be compared with a fuel car.

Electric car is actually what we need in the country now to help remedy a bit of this fuel situation, I also heard rumors about people using gas for generator, but I consider that one very dangerous considering how flammable gas is.

Ur thought make sense and e triggered me to create a topic but I go just get to drop am here make e no be say person dey over do to call attentions.

The situation of this current economy as a caused of inflation really don caused too much lost to the poor and the average pipo 4 this country while it enriches the Oga's & the pipo at the tops more and more.
The high cost of Petrol na n choke pass amongst other commodities way the inflation affected.
It really bothers me were I don see lot of employees quitting from their job why? Bcos T.P fare charges from their residence to their work places dey challenge with their salaries or daily incomes and this fact don make some employees quit and some shop & assorted traders dey lost hope enforcement in profits after comparing T.P fares and the probabilities of even having a single customer as patronage.

E dey bother me why cost of goods and service go dey increase while employees salaries remains the same and still, the Petty traders stil dey lament say no income in their businesses. All these leading to quit on their ventures, preferring other means of survival they never thought about.

My boss good day sir.
This charging aspect no be too much issue because no how way we no go charge an, like this period we get charging centers were we dey fit charge our cellphone and accessories we fit charge am there, and we fit still get light for like 2 to 5 hours and I sure say if we charge am for eight hours the battery go dey full charge, if at all say we dey go somewhere with the bike and the battery runs down, the bike still get pedals way we fit still use ride am as bicycle and e dey very soft and still get gears, the reason why the electric bike get this pedals nah because if the battery finish for road we fit you the pedals ride am like bicycle go back house or were we go charge am.

The idea no bad but you dun reason where you go dey charge am and how much electricity wey the bike go dey consume. E fit cheap now but you dun reason how the price go be when the demand for the bike begin dey go up and what about repairs. We know say this bike never they plenty for market so mechanic wey go dey work am no go be anyhow mechanic and na cost dem go dey cost. Me I for recommend bicycle and I mean manual ones as na dat one for sure pass because as you dey use am na so you dey exercise at the same time.

That guy ola of Lagos sabi advertise things wey the average man no fit afford oh so this one wey you dey send us go over their that one mean say na big bucks we go dey pay. Also wetin be the guarantee say this bikes dem no go spoil and as you buy am if e spoil dem go change am or repair am for you. Also as you dey buy you need know say nobi anyhow road you go dey carry am go make people no optain you collect the bike form you. You need dey mindful of who you dey use repair the bike because any small thing wey dem no repair well fit make the bike dey worry you.

Overall e go dey economical but nobi everywhere you go carry am go, maybe all this small small waka wey no far na where you fit dey carry am go because this kind things go dey draw careless attention to yourself and people fit dey target you.

Na better alternative be dis one ooo, me self don dey reason to buy am, I don even go check where dem dey sell am self, d one wey I see na like bicycle, e get pedal like bicycle, incase if you commot and d charge go finish for where you go, u go fit commot d pedal and u go ride am like bicycle go back where u go fit see am charge, and d pedal dey very soft, if u dey even ride am u know go no say na bicycle u dey ride because e dey very soft, and if you don charge am finish u go push d pedal inside again and u go fit dey use d battery wey u don charge, d charging dey very fast, within 30 minutes e don full and d battery dey last for like 3 hours before e go low, and u fit use even generator charge am. D cost of transportation no really funny now ooo, so e better make we look for alternative.

If the electronic machine really doesn't work, I believe it will lower the cost of transportation. This notion is really intriguing for those of us who are bored in our neighborhood. Everyone in our nation is currently attempting to cut costs since there is a lack of funding.and if he can assist us with all of our activities, such as going to work, the market, or school, he won't adversely influence any of our plans.If the citizens of our nation can firmly believe it, I think everything will work out.And if we succeed, I'll get one of my own.

OP this your idea make sense o looking at the current fuel subsidy palava e for good make person get this electric machine to help cushion the side effect of the subsidy but I come dey reason another mata for hand wey be say to dey charge this machine wey you dey sample like this no be another palava be that. For where country man dey see the light Na? Abi Na the one wey you go do finish NEPA pass you bill wey you no know where e from come. Abi Na the one wey you go dey drive for road battery run low you begin look for where to charge am,? Abi Na the on wey you go dey reason how you go take secure am from the original owners? OP as e b now make person no go carry trouble go add to the already problem wey dey Im head o.
Na so we see am.

The electric bike will be a good solution but not to everyone because we do not have a steady supply of electricity first and as a result, you may end up needing to turn on your generator to charge your electric bike.

You also have to know that not everybody can ride a bike, or see bike as something safe to ride on, and also charging of this electric bike with electricity from our homes will increase the cost of Electricity unit consumed for those of us that use PPM, and increase the amount we spend on payment for electricity unit. This way out to reduce expenses will be beneficial for people who have electricity with a fixed bill.

Instead of looking for ways to reduce your daily expense, look for ways to make more money and become more financially disciplined and stable because expenses never stop or reduce, they keep increasing especially as the economy worsen.

My brother you talk am as e be. See no way wey you take find money wey dey easy. For Naija, nothing goes for nothing. E just be like someone wey wan to cut cost of transport wey stand for road to enter cheap moto instead of going to park because him wan savesome money yet him no go see anything save and sometimes self Dem go lose phone join or enter one chance.

My point be say take rope put for goat and put goat for rope na the same thing. Dem dey bring electric rechargeable transportation like say light dey. Gas wey people still dey manage, don still dey go up. Confusion dey the country incase we never know.

The idea of getting a electric bike d peso mind but na the price to get a new one and its maintenance na another thing wey peso need to put into consideration before em go acquire one for em self.

Doan9269 don talk am finish wetin you and I supposed to d do at this time wey transportation fee d on the high side as per people wey no fit afford a new electric bike. Make we try and cut unnecessary movement wey we go spend much for transportation. Anyplace wey you wan walka go via transport, make d very important because this time no be when peso go make a movement wey no go yield am anything.

Places wey peso d go with just small money before don become big money now. Peso supposed the calculative now and then for every of his movement. As matter be for the country, everywhere d red and hunger d for the country. No carry money wey you go take feed yourself or your family go spend am all for transportation as per make I go see peso for nothing sake

Well, you been understand my point but you no kuku reason am well before you replied. You mentioned something wey dey interesting. If petrol finish for person bike, e dey push am go filling station. This means that the filling station fit dey like 1 pole away, so there is a destination for fuel.
If person tyre less, dem go push the bike go vulcaniser. There is still a destination where air will be refilled.
But if your battery die, there is no destination apart from your house which might be several kilometres away from home.
I am not saying that the technology is not fine, what I meant is that the early adopters will suffer it before them begin build electric charging points for streets. I hope you get my point now.

Bro abeg make you no talk oo, here for Nigeria people way get money plenty ooo nah just greed nai make e be like say money no dey the country, every higher authority want only e families to benefit from the lion share, I agree say nepa light nah wahala for this country but e get places way dey enjoy light well well even if say no be nepa Sha, I done see some people way from oil community and oil companies dey give them steady light those people fit use the electric bike too, and people way get Generators them fit use am, if e come be say the person dey use gas they powered e Generators e go dey very economical for the person.

I like the bike very well and it looks authentic. The price of the bike is cost for poor man wey still dey think as him win chop. Na only people we get money and love bike na e go reason am,due to the high cost of petrol don make transport high. Nigeria no be country wey this kind bike go fit dey benefit the owner because light na big wahala for we country. If no light e go be big challenge to use the bike. 

I know everyone has there own points but come to think of it okada man tire dey less for road and en dey push am go volcanizer abi? And fuel dey finish for some motor the owner dey push am go filling station Shay? So even if the electric bike battery off for road we go still push am go our house nah naija we dey, the only way to overcome this situations nah to dey very observant to the battery percentage and make we calculate the distance before we move go any destination, So my brother that one no be issues.

My brother this bike fine and e dey economical also and if you check the price too e dey fair. I no know which country you wan order from and the importation fees. My major  challenge for this bike be say e fit make you dey stranded because the battery wey you charge fit finish unexpectedly for middle of road. Just like if petrol finish you go enter filling station. But for charging, e fit hard because normally light sef no dey Nigeria like that.
If you look am you go under say the country dey connected for suffering. Light sef no dey, petrol come expensive and people are looking upto gass now.

Looking at the way the price of fuel dey cost this period, for sure getting an electric bike for really dey economical since all that is needed na just electricity to take charge am, and you are good to go, but however, looking at the price mentioned in that Facebook video advertized by "Ola of Lagos", I go talk say such price really dey on a high side, as not everybody affected by this high price in fuel go fit afford 700k to 650k to take buy electric bike now. So whoever fit afford such money now, I bet you such person go fit survive this high price of fuel wahala.

Moreover, this can only be used as an alternative to normal bike, and not for car, as there are certain distance this bike can't cover.

My country person,  this matter wey you bring so, na better one oo but make you also know we even get light talk mlrenof the one wey go charge motorcycle for over 12 hours make person no go buy problem put for house.
Make we take for instance,  situation  were by we don finally buy this machine wey you dey talk so and maybe Nepa flash us light for make I say about 2 hours and we finally charge the bike for 2 hours and we wan enter road for about 3 hours, na e be say person go hang for road be that pound I no fit even imagine say I dey trek talk more of to even push pike join am.
My sister abeg make we leave Oyibo matter for them abeg because this kind things no go easily work for we country and beside if you wan use gen charge am, make we no forget say na still fuel we go still buy, sister I go enter transport make I no go start wetin I no fit finish.

Yes mate Doan9269, I get your point but the real fact is that we must make use of all this things in one way or the other, we must go to work and we need vehicle, tricycle or a motorcycle then we must go to church on Sunday's, if you are not a Christian or any religion you must go to work so we must use one of those thing I mentioned earlier on this comment, buying it will be a very good idea because you don't have to buy an fuel or whatsoever just to charge it and then use, some people can be having double thoughts about the battery aspect but my suggestion is that as long as it shows a battery percentage on the dashboard you can program the distance it will go before it runs down.

If you think about economizing the utilization of the mobile machines used, what of putting into consideration their maintenance demands as well, i think that the best solution is to cut short every unnecessary means to which we move out and engaged doing other things that doesn't matters at all, this will help us to think deep before taking a step and how to plan adequately for us to be able to save time and money that would have been wasted or used in going after unnecessary things we can actually do without, some will through this learn alot of lessons.

Bro na true you talk, he go reduce our expenses. but how you see this our Naija be, money no dey like that to buy new things, people dey find money to feed them self, and solve some problem with them, if fuel done raise price for Naija, everything most increase you no go get buy cheap things again, because na fuel dey bring money come this our country weller, i just dey pray make this our new government do something make the fuel price decrease for us, make things come down to normal.

Good day my country people I come with another good idea way go make use spend lesser for this hard time way everything just dey cost like say tomorrow no dey, this period way fuel cost e make transport self add money so I go like share this good idea way go make us no spend too much.
This one nah electric bike



Just this morning I watched one video for social media way one guy dey advertise electric bikes and I con like the thing way the guy dey talk about so I say make I carry am come this our local board for this forum because nah only us nai know how e take dey for our country.
This electric bike we fit carry am go work, strolling and even go markets to buy something's, you fit still even use some carry somebody and e dey easy to drive just like the way gasoline motorcycle dey, now way the price of fuel dey up if we get am e go reduce our expenses small nah just to charge the electric bike that's all but you go need engine oil, but that one nah once in a while, I see the one of $300 and I try to order am online