Topic: كيف تقيم مشاريع الاى سى اوه قبل المشاركة ؟ - page 2. (Read 272 times)

ملحوظة الكلام ده من تجربة و بحث علي قد ما اقدر هلخصلكوا الموضوع
نبدا بسم الله
معظم اليوتيوبر لما بيتكلموا عن اى ايكو بيركزوا علي الترويج على انه مشروع كبير و غالبا تقييمهم مبني علي فكرة المشروع او مصداقية الشركة و في افضل الاحوال ينظروا ف الوايت بيبر و يتحروا خلف الفريق عن طريق لينكد ان
لكن هل ده كافي لتقييم المشروع ؟!
ملحوظة* مصداقية الشركة عند اليوتيوبر = انهم هيبعتوا التوكن ليك و هيتم ادراجها في منصة و مش هينصبوا و يهربوا
و لكن هل ده كافي لتقييم  مبدئى للمشروع ؟
ربما 
و لكنه بالتاكيد غير كافي لتقييم فرصة الاستثمار في الايكو
لان وراد جدا يكون مشروع جيد ومهم وفكرة قوية و فريق ايضا جيد و لكن يكون سعر التوكن اغلى من اللازم في مرحلة الايكو فلما ينزل للمنصات يقل سعره و ياخد وقت طويل جدا على ما يوصل للسعر اللى انت اشتريت به ف الايكو ووقتها اكيد الاستمثار ف الايكو كان قرار خاطىء مهما سمعت عن فكرة الهولدينج او انك لن تربح تربح بين يوم و ليلة

فيه بعض النقاط ممكن تفهم منها هل الايكو سعره اغلى من اللازم او لا ؟
أول نقطة و اهم نقطة قبل ما تشترى تحسب مبلغ( الهارد كاب ) و تقسمه علي عدد التوكن المطروح للبيع و تشوف هيطلع سعر كام
لو طلع اقل من اللى انت بتشترى به بكتير هنا تأكد انه بنسبة كبيرة هينزل المنصات بسعر أقل
علي سبيل المثال
مشروع ستوريكا 
الهارد كاب مكتوب انهم عايزين يوصلوا ل 25 مليون دولار
و التوكن المطروح للبيع 7 مليار
و سعره ف الايكو واحد سنت
.0035 هنا هتقسم ال 25 مليون دولار علي ال 7 مليار توكن هتطلع النتيجة     
  يعني اقل من سعر الايكو 3 مرات معناها انه ف النهاية لما ينزل المنصات هيكون سعره حول السعر ده و هياخد وقت علي ما يوصل للسعر اللى اشتريت بيه
مثال اخر
 مشروع رينت بيرى
سعر الايكو 35 سنت و الهارد كاب 30 مليون دولار و التوكن المطروح للبيع 225 مليون هتقسم ال 30 مليون علي ال 225 مليون
هيساوي 13 سنت معناها انه هينزل المنصة باقل 3 مرات تقريبا طبعا ممكن ينزل اقل من كده بسبب الايردروب و دي النقطة التانية

Airdrop :
دي عملات مجانية بتوزعها الشركة علي الناس من اجل زيادة مجتمع العملة مثال ..سجل ف الموقع و احصل علي 100 عملة ..او انضم لجروب التلجرام او فولو علي تويتر
المشكلة مش بس ف ان الناس دي حصلت علي عملات مجانية فسهل يبيعوها بسعر قليل جدا اول ما توصلهم المحافظ لكن كمان توقيت وصولها للمحافظ بيفرق 
على سبيل المثال مشروع وزع ايردروب و لكن اخر ارسال التوكن للمحافظ بحيث ينزل الايكو للمنصات و سعره يبدا يتحرك و بعد فترة يوصل الايردروب للمحافظ وقتها هيكون تأثيره ع السعر اقل و لكن لو وصل المحافظ مباشرة هيكون تأثيره عالسعر اكبر

تاريخ توزيع برامج البونتي ينطبق عليها نفس الشروط ان يتم التوزيع علي دفعات بحيث تتجنب العملة هبوط السعر

Lock :
 يعني قفل التوكن و منع تداوله ف المنصات اللامركزية زي ايديكس او ايثر دلتا حتي ادراج العملة في المنصات المركزية لان المنصات اللامركزية سيولتها ضعيفة و بالتالى السماح بالتداول فيها مباشرة ممكن ينزل سعر العملة 

: مشكلة بيع الايكو على مراحل طويلة
الايكو الذى يباع علي مراحل و اوقات طويلة مثال شهر او اكثر و باكثر من سعر ف الغالب هينزل المنصة بأول سعر تم البيع بيه ..كمان لما يتم البيع في وقت طويل .. معناها كل اللى مهتم بالايكو اشترى ..فمن سينتظرها ف المنصات للشراء ؟
مثال ستوريكا - رينت بيرى

السماح بتداول التوكن قبل البدأ في تنفيذ المشروع :
  لما يكون موعد انطلاق المشروع قريب من موعد الادراج ف المنصات وقتها سعر التوكن يكون اقرب للصعود كمثال عملة كريديت و نلاحظ تضاعف سعر العملة من وقت الايكو
و هناك عملة فيها تقريبا معظم مميزات الايكو و هي
Wanchain
 المشروع اللى تم الايكو في دقيقتين تقريبا و لم يسمحوا بالتداول به ف المنصات المركزية و لم ينزل الى المنصات الا بعد اطلاق مشروع البلوك تشين الخاص به و تحول التوكن الى عملة و بعدها نزل للمنصات و اى منصة ..بينانس مباشرة ..و نلاحظ تضاعف سعر العملة عشرين مرة تقريبا من الايكو

نقطة اخرى مهمة و هي معرفة الخصم الذى حصل عليه المستثمرون الكبار في البرايفت سيل ..لان احيانا يكون الخصم 300 % و احيانا اكبر ووقتها نبتعد عن الاستثمار في الايكو فورا

 هناك نقاط أخرى سانشرها في التعليقات و لو فيه اى نقط اقدر اضيفها او افيدكوا بيها قولولى ف التعليقات