Topic: Bitcoin don prove them wrong. (Read 8 times)

When Bitcoin been start e get some things people talk against Bitcoin and today bitcoin done prove all those talk wrong finish, I go list some of those talk and how Bitcoin prove all of them wrong finish.

1. Say one altcoin go come way go better pass Bitcoin.
Some people done really talk well well say one day one altcoin go come out and that altcoin go better and big pass Bitcoin but many years don pass and Bitcoin still be the best crypto coin for the world way they more secured, 100 percent decentralized and still the biggest in price the way things they, no coin fit big pass Bitcoin.

2. Say na only thief people they use Bitcoin.
When Bitcoin been start some people say na only thief they use Bitcoin for transactions so that person no fit Trace them, but we done dey see say even companies now they use Bitcoin and some of them they even pay there works with Bitcoin and even some super market self they accept Bitcoin, some countries self done they accept Bitcoin as a means of exchange.  

3. Say them go hack Bitcoin.
Some people done talk am well well say them go just hack Bitcoin one day, e get one day I been they argue with 3 of my friends them say people fit hack Bitcoin and them go hack am one day, people they always talk am but e no fit happen them fit hack exchanges, personal wallets but you see Bitcoin them no fit, they way them create Bitcoin there protocol and there decentralized nature them no fit hack am.

4. Say them go banned Bitcoin.
Some people been believe say them go ban Bitcoin and when them do am say Bitcoin go dey useless especially because at first government been no support Bitcoin even US government been no support am but now story done change some government done they accept am now and even they invest into Bitcoin.

5. Say Bitcoin no fit act the way real money they act.
Na true say many people way they use Bitcoin they use am for investment purpose than to use am do things way real money they do, but en no change the fact say Bitcoin fit still act the way real money they act, for example people now they use Bitcoin buy house, car, land and other things even for big brother ninja na Bitcoin them they use pay them as Kelly Ray win yesterday na watin them go use pay am en go summit en Bitcoin address for big brother to pay am, now self some countries done say there people fit use Bitcoin go market go buy things them done make am legal.