Topic: Bitcoin Investment VS Betting 😱😱😱😱 - page 2. (Read 1276 times)

So watin you con tell that your guy? Cause this thing we him talk so fit discourage a lot of people weh wan enter or already dey this industry .

Wait how Bitcoin and betting take be the same thing for e eye sef, abii buying gold and gambling be the same thing? And he for like get piece of land oo. Biko if you see am again help me tell am say buying land and Bitcoin na the same thing  . So, make him no buy any land oo or any other asset.

Thank you.

Person no go just one day wake up from sleep say he wan investment for bitcoin na that kind of people they take risk. Bitcoin investment and and gambling no go ever be the same thing.But the two sha na risk taking and them still get big difference because bitcoin na all about investing while betting na all about prediction and gambling

My bro, you even get strength to dey go explain because for me e don tay wey I don dey ignore all this kind discussion dem e dey very stupid for me to dey try to explain something wey I know for myself and one thing again people wey sabi argue all this kind argument na mostly gamblers and their is nothing wey you go tell am wey him go take so me I dey leave dem to take how dem take am but I dey always ask this one question when it comes to this comparism which is does gambling guarantee you 70% surity say you go get profit? Which obviously is No but an investment assures you 90% depending on your planning about it since its a fix fact and not something we hope on luck.

Good evening my people, today I say make I bring this very pressing issue come forum, I done dey here this matter on my social media handle, untill one of my guy tell me say bitcoin investment and betting na thesame thing nine the matter tire me , for me I know fully well say no be thesame thing  because number one the reason why people dey bet na say them one make big money from small money by luck, due to say something happen the way them plan, but bitcoin investment dey focused on to buy bitcoin come hold am for  a long time hoping say the value go rise.
Abi na the risk? Betting carry big risk because the fact say something go happen the way you plan am, no too sure like that, but for bitcoin investment I fit say the risk they smaller because na economic factors nine dey determine watin dey happen for the market, so at least for bitcoin  investment person fit make informed decisions , instead of to  just depend on pure luck.
Even the time duration sef na another thing, betting na more of short term something, abi no be small time e dey take for  slip to either enter or cut? But bitcoin investment na long term business way be say they take years to get returns.
And then for  betting sef when you place bet na only money nine dey at stake, nine make the outcome no too sure , but for investment na the whole asset nine dey at stake ,nine make investors they take bitcoin investment seriously because their money sef dey at stake.
Abi na regulations? Bitcoin investment dey highly regulated, so that the industry go get rules way go fit protect the investor, give intergrity and also give transparency to the industry.
Sha last last both of them na still matter of risk and rewards , if at all, e still good to know the difference so that you go know watin you  dey deal with.