Topic: Negative Perception sa PH Crypto Start-up project (Read 500 times)

Yan ang mga walang puso. Yan na ang pinakahanap buhay nila at wala na silang pakialam kung sino ang mabiktima nila. May pamilya ba o wala, mahirap man o mayaman.
Kasi yan na ang nakatatak sa utak nila na dapat ay may mabiktima sila para magkaroon sila ng pera. Dahil kung wala silang mabiktima at pairalin nila ang puso nila, patay ang kalokohan nila.

Oh yes. Madami na din akong Filipino crypto projects and as of now wala pakong nakikitang PH crypto projects na nakaangat sa main stream crypto aside sa NEM which is hindi naman siya full filipino group. Most of the PH projects is either di nag succeed or naging scam along the way of their development, Ung iba nga nawawala nalang bigla ng parang bula haha. Kaya takot din ako mag invest sa PH crypto projects kasi madami na din ako nakita na bad experiences sakanila, Maybe pag may isang PH project na nag tagal at naattract ang international market at mag succeed in mainstream ehh baka magkatiwala ulit ako sa mga PH project.

nakakaawa nga lang talaga dahil kung anong hirap ng ating kapwa Pilipino sa pagsikap makaahon sa buhay nila, ganun din ang hirap at pagsisikap na pinapakkita ng mga mga scammers at schemers makapanloko lang. ang mas masaklap pa ay kapwa pinoy din ang gumagawa nito, yung iba nga nanghihikayat pa through social media platforms at mas kilala natin sa tawag na "influencers".

Yun lanv talaga ang mahirap dyan since dahil sa cryptocurrency word ay marami ang nahihikayat, lalo na kapag prinesenta nila ang back story ng bitcoin. Kaya dapat talaga maging mapanuri ang mga tao para iwas sa mga ganitong mapag samantalang tao dahil sa bata pa nga o bago pa ang crypto sa pagkakaalam ng ilan for sure narito tong mga scammer nato upang e take advantage ang sitwasyon.

Mahirap na din sila awatin lalo na pag lumaki na ang community nila since ikaw pa ang gagawing masama kapag nag warning ka sa mga investor nila at tsaka sasabihin pa nila na against sa kanila ang SEC dahil di kumikita ang gobyerno sa kanila.

Sa totoo lang iyong mga scammers sa MLM like iyong mga nagpapakulo ng Ponzi scheme at HYIP ay siya rin ang nagsipaglipatan at nagimplement ng pangiiscam sa mga tao.  Nakita kasi nilang bata pa ang merkado ng cryptocurrency at iilan lang ang mga nakakaalam kay ayon sinamantala nila ang pagkakataon.  Sa katunayan nga ang daming naming kakilala na nascam ng mga istratehiyang ito, lalong lalo na iyong mga taon may mga gintong minahan sa kanilang bakuran ( mga taga Benguet at Ifugao).  During the time ng 2015 - 2016, medyo papasikat pa lang ang BTC dito sa Pinas, marami kaming naencounter na mga networker na nagpopromote ng mga crypto scam company, ang pang enganyo nila ay iyong daily to monthly profit.  Then kapag hinahanapan namin ng license to operate ang sagot ay decentralized daw ang Bitcoin kaya walang lisensiya.  Kalokohan nila eh kumpanya sila eh na ginagamit ang Bitcoin for investment scheme kaya need talaga nila ng license from BSP hindi lang sa SEC.

Hindi lang naman sa Cryptocurrency pati na rin sa MLM at iba pang investment mahilig talaga ang mga pinoy sa tubong lugaw kasi pinapakitaan sila ng mga ebidensya ay testimonya na puro mga peke naman, karamihan sa mga nadadale ng mga ganitong kalakaran ay mga OFW na after makaipon ng malaking halaga ay gusto ng mag retire kaya nag iinvest sa ganito, di rin kasi biro ang mag pabalik balik sa ibang bansa para tumodo kayod, pero sad to say wipe out ang pinaghirapan nila pag nahulog sila sa mga ganitong kalakaran.

Yung ganyang linyahan ay hindi parin gasgas hanggang ngayon kasi ang mindset ng karamihan ng ating kababayan ay sumandal lang sa mga quick rich scheme. Kahit siguro ilang beses na maging biktima, hindi pa rin titigil e. Papakitaan lang ng mga resulta kunwari na dumami pera nila at kumita sila, yung tingin ng mga kababayan natin legit na agad kahit hindi pa napag aaralan. Sobrang pangit ng mindset na nilagay sa mga isipan natin nung hindi pa tayo aware sa mga ganyang taktika nila.

Medyo natumbok mo parekoy, yung ganyang mga istilo na gaya ng mga nasabi mo ay grabe ang mga pinoy mang-hyped ng kapwa nila pinoy. Hindi nila pinapakita kung bakit magiging useful ang coins na crypto sa future, sa halip hinahyped nila ng todo sa key word na " Magiging mayaman ka sa hinaharap pag hinawakan mo ng matagal ang coins o token na ito. Yung style networker kung magsalita, tapos pakikitaan kapa ng madaming pera, magarang sasakyan at iba pa dun palang halata na agad para sa akin na hindi talaga yung coins ang pinopromote nila kundi yung mahype ka sa kitaan na yayaman ka agad na kung saan ay to good to be true.

Kaya hindi natin masisisi mga kababayan natin kung ang comment nila agad agad ay 'basta pinoy, alam na'. Sobrang pangit ng ganong mindset pero yun ang masakit na katotohanan kasi nga madami ng nabiktima ang mga kapwa nating pinoy na mga scammer. Kahit naman sa totoong pera o peso, sobrang dami paring existing mga scam na dinadaan sa forex, stocks, pati livestock at iba pang legit na negosyo. Sinasabing may mga ganong negosyo ang founder at dinadaanan lang sa token ang funding para sa expansion. Sa sobrang gullible naman ng iba nating kababayan na hindi pa aware sa ganyang scam, sila yung kawawa na laging target ng mga scammers na yan.

Kaya maging mapanuri kapag may mga nago-offer sayong mag moon daw ang token ng project na yun. Ako, sawa na ako sa ganyan kahit matagal akong nawala, masasabi ko pa rin na kahit papano na may chance na maging scam ang isang project na pinopromote, mapa kilala mang personality o hindi.

Alam mo nakakalungkot man tanggapin pero meron talagang mga pinoy pagdating sa ganyang mga sistema ay mga mananamantala din dahil alam nila na madaming mga pinoy ang uto-uto at madaling mahype sa mga matatamis na salita at pakitaan lang ng madaming pera at sabihin na galing dun ang kinita ay madadala na agad or naoverwhelmed na agad sila.

      Pagkatapos sa huli mananakaw lang ang pondo ng mga nagtiwala na walang kaalaman at kulang sa ideya dahil nagtiwala agad
sa ganitong sistema ng proyekto.

Hindi naman talaga lahat scam pero mahirap makahanap sa panahon ngayon ng legit. Lalo na kapag usapang pinoy, sa totoo lang maraming scammer ang nagkalat sa mga social media na kung hindi ka marunong magsiyasat at alamin kung legit ay ma eengganyo ka talaga.

Danas ko ito noon nung panahong maraming crypto projects ang naglalabasan at kapwa pinoy pa ang mga nagpo promote nito. Hindi mo aakalain na scam pala dahil mukhang legit naman lalo na at hindi naman dummy ang mga account na gamit. Kaya lang sa huli talaga ang pagsisisi kapag bigla silang naglaho tangay ang pera mo dahil yung project pala ay nag exist lang para linlangin ang mga investors. Kaya importante talaga na wag basta magtiwala at laging mag research para hindi ka mabiktima.

Ang problema kasi halos di matukoy ang legit project at scam project dahil nga pinapasakan nila ng sobrang affiliate system  para lang makapangenganyo ng mga taon maghahanap ng mga investors.  Magaling din kasi manggaya ang mga scam projects at magpanggap na legit.  Meron pang ipapaharap na tao kungyari siya founder pero wag ka pangfront lang pla iyong tao at iba talaga ang may-ari ng scam na kumpanya na ito. 

Nang pumutok kasi ang crypto ang daming mga binarian at ponzi schemer ang nagsipagtalunan sa crypto.  Kahit nga mismong Bitcoin ginagawa nlang pagkakitaan sa pamamagitan ng pagtayo ng kumpanya then iaaply nila ang binary system o di kay ay ang pyramiding scheme.  Sa daming naloko ng mga scammers syempre madadala na rin talaga ang mga investos.  Lalagyan na ng label ika nga.  Kaya ayan daming skeptical kapag may bagont itatayong project under Pinoy developer.  Iniisip na agad pagkakaperahan lang. 

Ok lang naman ang referral kasi nagagamit yan sa mga legit na business pati sa online shopping. Ang kaso nga lang, maging sa scam networking at iba pang uri ng scam, dito nagiging pangit ang imahe ng referral system. Ang akala kasi ng mga tao, yan lang ang basehan para kumita ng pera sa online at doon na natatak ang pag iisip na mali sa karamihan ng mga kababayan natin. Ang mga scammers naman, tinake advantage ang pagka-greedy ng karamihan sa mga kababayan natin. Kaya pati yung mga legit na start up projects na gawa ng mga kababayan natin, damay damay na lahat dahil sa mga hindi magagandang experience nila.

Mula pa noon nung nagsisimula palang ako sa cryptocurrency, napapansin ko na napakaraming mga pinoy ang nahilig sa referral system dati at mga HYIP at sa nakikita ko ang mga scammers ay tinitake advantage nila ang kawalan ng sapat na edukasyon at financial na awareness pag dating sa investments. Ang mga pinoy din kasi minsan ay napaka vulnerable nila sa ganyang mga bagay lalo na't alam naman nating napakahirap makahanap ng opportunity dito sa pinas, idagdag pa ang mga matatamis na pangakong ROI galing sa mga organizers ay talagang mahihikayat ang mga pinoy. Alam din naman nating illegal lahat ng pasugalan dito sa pilipinas maliban nalamang sa iilang rehistrado diba? pero bakit napakarami paring mga pinoy ang nagsusugal?

Totoo din na parte na rin ng kultura ng Pilipino ang pagsusugal pero kahit sabihin man itong ilegal ay maiintindihan din naman natin ang kakulangan dito sa pilipinas kaya mas pinipili nalang nilang makipagsapalaran sa ibang paraan. Kaya hindi rin ako magtataka kung bakit iba ang perception ng mga pilipino sa investments given na napakarami ng nangyaring hindi maganda dito sa pinas. Napakahabang panahon pa ang kailangan ipang tuluyang mabura sa isipan ng mga pinoy ang ganitong mindset at madami dami pa ang kailangang pagdaanan mga kampanyang kailangang ilunsad para magkaroon ng awareness ang ating mga kababayan.

Basta kasi i-front lang ng pera na madami, akala nila legit na at ganun gumagana ang greed. Ang daming hindi pa rin matuto tuto sa ganitong klase ng mga scheme kasi nga ang daming iniisip na mabilis lang kumita at hindi sila matitigil hangga't hindi sila kumikita ng malaki.
Ayaw nila ng mabagal na paraan pero ang mga scammers ay nagiging wais na din kaya dapat sana mga kababayan natin na tumatangkilik sa mga scams project yun ang matigil. Pero sa mga lehitimong mga projects na gawang pinoy, maging mabusisi pa rin tayo kasi hindi naman lahat ay scam.

Nakafixed na kasi mindset nila na once sinabi mong "crypto" is more on scam and 'di makatotohanan na investment. Kung iisipin mo yung time nung axie nung naging trending and sumikat siya, biglang nagsilitawan ang mga investor na naglalabas ng malaking pera tas feel na feel ang tawaging manager. Not knowing na volatile ang system ng crypto so aminin na natin sa sobrang daming nag hold ng slp naapektuhan nito value nito. Kaya most of the investor thinks na long term siya and investing a lot of money ay makakapagyaman sa kanila sa axie. Ayun boom ilang taon lang tumagal axie goodbye manager agad. Maraming nalugi pati 'di nag roi. To be honest, bumili din ako ng axie and nakabawi naman ako sa pinasok ko pero 'di ganon kalaki ang nakuha kong profit so I consider it na nagsayang lang ako nang pagod. 'Di lang quick rich gusto ng mga pinoy more on spoon feeding pa kaya nga andami naiiscam kasi nauuto sila ng mga magpapalago daw ng pera nila.

Madami akong kaibigan na ganito yung tipong mas gusto yung mga investment na may quick rich program like referral kumpara sa pagbili at hold ng Bitcoin. Takot na takot sila sa crypto investment kasi daw masyadong volatile pero bumibili ng mga account ng Fern D at iba pang bogus Ponzi dahil daw may product pero sobrang mahal at hindi worth it sa price ng mga items.

Naalala ko pa dati nung bago palang ako sa Bitcoin, Pinipilit ko sila sumabay sakin pero lagi nila akong dinidiscourage dahil mabagal at risky daw yung buy and sell at pilit akong sinasali sa mga scam ponzi company sa pinas.

Mainit ang mata ng karamihan sa ating mga kababayan sa Bitcoin pero sali2 ng sali sa mga ponzi at quick rich program. May nakakaalala pa ba dito sa KAPA investment. Biruin nyo sobrang dami ng naginvest dito nationwide pero mas takot sila sa Bitcoin kumpara sa ganitong obvious scam scheme.

ganitong ganito talaga ang common na mentality ng pinoy kaya usually napakadali nilang mabiktima sa mga get rich scheme, at ang nakakatakot pa ay napakadali nilang nag recommend sa kapwa pinoy ang masaklap pa ay kadalasan kapamilya lang nila unang nirerecommend kahit alam naman natin na walang puruhang kumita sa mga recommendation nila.

Hindi na mababago o kung mabago man yang ugali ng mga kababayan natin tungkol sa easy money sobrang baba lang chance. Kasi dapat magkaroon ng mga drive tungkol sa financial education na walang easy money. At kapag may mga ganyang offer dapat maging mapanuri at huwag lang basta basta naniniwala. May mali rin kasi sa sistema natin at dahil na rin sa hirap ng buhay kaya ang mindset ng iba ay na-stuck nalang sa mga easy money schemes na kahit alam nilang scam ay ang isip naman nila, "hangga't hindi pa nagiging scam, kikita muna".

Dahil din subok ng subok ang mga pinoy kahit walang kasiguraduhan sa pinapasok nila kaya sila ay nabibiktima kadalasan ng mga scammers. Naalala ko tuloy yung issue tungkol sa mine games na phlwin, same concept parin na ginagamit ang mga influencers para ma hype ang project, eh eto namang mga kababayan natin gusto ng easy money kaya ayun sinubukan, tapos mag rereklamo kung sakaling madali sila. Usually din kasi kapag pinoy lack of financial education and awareness, kawawa lang ang mga nabibiktima.