Topic: Person need faith in Bitcoin to hodl am. - page 2. (Read 234 times)

Physical structure in what sense? Bitcoin is digital so I don't think there's any thing like a physical structure in other countries out there. Yes true Bitcoin has been a great milestone for alot of Investors and to me it's not just because they have faith, that why they are holding BTC. But because they have seen what Bitcoin can do and we know for sure it will do more in the future. Imagine someone who bought about 100 BTC back in 2011 and still holding now.... He has seen what he owns currently, compared to when he bought it... That's not faith it's action. He knows if he hodl it even more he will be more profitable..

Even though Bitcoin no get physical structure for Nigeria because of our country palava, dem still get am for outside country. But regardless the faith wey people get for Bitcoin na because dem don build trust over time, people wey invest for Bitcoin plenty and dem get reward for Bitcoin. Na him make people trust am,

Dis day self, people no dey think go say dem fit close am or dem fit cast am us, because of the kind reputation dem don build over time. No be something dem go just pack run, if na something wey solely Nigeria dey handle now, e go dey fear people, because e get as some Nigerian things dey be.

But as na system wey millions of people dey into and e don succeed over time, people just trust am. But like you talk, make person no carry him 100% put for anything for dis life, especially all dis investment all dis crypto and web3 investment. Chances say Bitcoin go just lost everybody dey slim, but make we no rule am out completely. Put money wey you know say if e go, you no go follow am go, you no go die, you go still survive. You go get emergency fund as backup to survive.
So na so di thing just be oh. We dey pray say nothing go touch Bitcoin, e go dey increase, we go invest, e go work for us.

Na true word you talk so and me too believe say Bitcoin go deliver on em mandate to get to 21million coins while em go fulfill and surpass any hurdle wey margo margo people try put for the way, in form or regulations or taxes or restrictions wey no make sense.

Bitcoin na better present and future currency wey get value like gold and with the way I see some countries dey adopt Bitcoin, com do Bitcoin ATMs join just to make em use dey smooth, e dey sweet me for belle because i dey onboard and support bitcoin investment anytime and anyday.

True, Bitcoin reputation over the years dey enough for person to believe say na solid project way em go fit invest em fund into. Em decentralized feature too make people like am since na you dey in charge of your funds as against fiat wey the government dey control and the regulate anyhow them want. People need freedom and na why Bitcoin dey gain top spot for people investment plan because em give them the that freedom and em make them dey in charge of them money.

The centralized offices way people dey put their money e.g banks don do people shege, sometimes you go need your money, you no go fit get am, example recently GTB customers dey cry say them no fit access them money for sometime now and most people wey dey do business don loose wetin no good this period, so people don loose faith in banks.

Bitcoin na your personal bank where only you be the manager and only you dey determine wetin you go do with your money, even as em no get office, em no dey disappoint and people like such consistency.

Nobody suppose get complete trust for Bitcoin because there's no 100% assurance on it. There's slim chances say e fit cast, although the chances are slim, but it's still a possibility, so no too trust Bitcoin and make sure you invest with amounts you're prepared to loose. No carry your emergency funds invest, instead invest with your discretionary income.

Bitcoin na decentralized digital cash wey don build solid reputation as a valuable asset wey get di potentials to de reach ATH for every circle. Na based on di past performances wey after halving bull run go follow and ATH go happen, people take trust am. Bitcoin don become one of di most trusted long term investments because people don see am as a genuine store of value. People de take dem hard earned money to de do DCA method because dem get di believe say Bitcoin price go always de hit ATH.

I reason say e take a lot of faith in something for people to continuously put dem money inside for many years and believe say dem go de get plenty profits on the long term. If no be strong faith, how come people de put dem money inside something wey no get any physical structure? Infact as far as I know na only Bitcoin be di investment wey de completely decentralized and im no get any centralized office wey people de put dem money inside.

Fear no de weda bankruptcy or scams go happen and people get complete trust for am, dat na why I de bow for Bitcoin. Me sef I follow get dat faith say our decentralized Bitcoin no go fall our Hands.