Topic: POS wahala: EFCC arrests 80 PoS vendors in Ondo, CBN Ban Banks 4rm Operating PoS - page 2. (Read 357 times)

I read this news and I nor dey surprised at all. Na Naija we dey. My first rhetorical question for CBN be say those businesses wey don already collected bank POS for their business, how dem go do now? Abi dem go return the POS make the bank kuku refund them their money? Well, time go tell.



Me dey wonder why CBN go wait reach now before them go approve these 17 mobile money operators. E dey good Sha. At least people go fit still trust them. By th waye OPAY dey among the approved mobile money operators. See am here.https://www.google.com/amp/s/nairametrics.com/2023/03/20/here-are-the-17-companies-licensed-by-cbn-as-mobile-money-operators-in-nigeria/%3famp=1


Abeg, make EFCC go everywhere dey arrest them. E still dey paine reach bone say I use 4k collect 10k. That one na just pure robbery. And na why I go still talk say Nigerians dey very wicked to their fellow Nigerians pass we government. I rest my case

This issue of cash don really reduce for my area Wella o, if you go bank for my side even if nah 20k you wan withdraw dem go give you sharpaly unlike before when the highest nah 2k.
As for the POS matter nah first time when I dey hear/read about am be this, I know say our state governor make mention of arresting POS people when dey over charge, I nor Kon follow the matter to know if them really dey do am or nah just cap our governor dey cap.

But for the banning of POS Omo the thing nor really make sense for ear o, as that one nai many people take dey survive for we country and if dem ban am he go really affect many people.

From top to bottom   my own view to repair this country na from top and that top na from number 1 citizen of Nigeria, that person wey be the commander in chief of the armed forces because Nigerian system works without institution but the bidden of the president.


Yes oo I dey feel say na very big misplaced priority. Na the inefficiency of government dey make Nigerians dey take advantage of demselves. Okay make we even ask ourselves say where dem carry naira go keep wey start the scarcity? Dem dey do naira redesign so hasty because of political reasons without proper planning against the effects, hence somebody just wake think say the dream wey him see for night go perfect for real life. I no blame pos people, make government go arrest source where dem dey get the cash from, wetin concern pos people? Na Nigerians dem be so make government first arrest bank CEOs and executives if them actually make the money available.



That news say dem ban Opay, Kuda, and Palmpay operations in Nigeria be like say na rumour. I don read somewhere wey CBN debunk am as fake news but make we still put ears for ground.

Meanwhile make dem leave pos people to dey operate oo, dey can only bring money out and even thing go level up back. Government dey preach about entrepreneurship and micro businesses but na dem still dey frustrate am.

I think this is a misplaced priority. Doing the right thing at the wrong time. I was thinking they would swing into action as earlier when the heat was on by starting with the banks selling the naira note to the POS vendors. Week's ago Nigerians were under pressure and sufferings just to get naira notes which were removed in circulation. Banks and pos took advantage of the whole process as a good lucrative business by trading with the naira for naira at exhorbitant rate extorting and exploiting innocent citizens of the country. The efcc should have swinged into action then not now. They are just attention seekers who does not know or have clues on what to do at the right time.

Abeg wetin dey happen with PoS, na so so dem news I just dey see for  everywhere for my timeline. Few days ago I read say CBN dun ban banks from operating POS and dem dun Approves 17 Companies As Mobile Money Operators In Nigeria. I dey look through those name and I no sew Opay yet I dey see their Pos everywhere abi make person look through so we know where we stand. See as the news go;
Still on the PoS matter; "Over 80 Point of Sales (PoS) vendors in Akure, the Ondo State capital, have been arrested by operatives of the Economic and Financial Crimes Commission (EFCC) for allegedly buying and selling money to individuals with higher interest. you fit find the story here; https://thenationonlineng.net/efcc-arrests-80-pos-vendors-in-ondo/". I dey understand say this people dun confess say dem dey buy this money from banks but no be the same banks wey dey say dem no get cash. Shey una dey see the country we dey inside, no be everything wey dey blame government. Shall how una see the development, e good as EFCC dey go after this POS businesses or you dey feel say na another misplaced priority?