Topic: Always inform your relative about your whereabouts - page 2. (Read 372 times)

my people is good make you tell any of your person your way about. because of bad thing fit happen for road. not only kidnapers alone, car accident fit too happen. e get one of my village person weh this can thing happen. but his own was motor accident. he die there, they only recognize him with his cloth. because he didn't tell anybody his way about. so it's good you get one person you dey tell your way about.

My broda, make I make am clear say, na in d morning den kidnapped Dem for road, at least if Dem let their people know, Dem go even get for mind say why dis person never come. Before people realize say this people no dey around na towards night, na then dey start to dey trace them until dey see their bike for road side. We know say family no fit secure person but e fit make person quick dey inform about some issues.

Clearly at OP, ur family and trustees no fit save guard u where dem supposed harm u just by telling them ur whereabouts. Just as ur storyline, if the guys has told their parents (trustees) about their where to or whereabouts and they kidnapers hit them, how the family (trustees) want take give save guard response to that scenes?

Taking the busy roads self no dey too encouraging afterall them say the road to success dey narrow while the rd to poverty dey very broad just as the road to heaven is narrow and rd to hell is broad as may say

The truth be say... Tell family and or trustees ur whereto or ur whereabouts Incase of necessity references

As for safety, u owe urself that one by being mindful of where u goes and who u associates with.

I know say this thing dey very important but e no dey easy to do.  E dey hard to tell your people every of your waka o. As a young bobo, once once you must involve in illegal movements,  how u wan take tell your people say you wan enter Casablanca?

Even as person wey don marry, you gat chill out sometimes make family stress no kill you.... base on that, how e go be to tell wifey say you dey enter some kind illegal place? Abi you wan scatter your family?

Wetin I go advise be say, person suppose get one trusted person wey you go dey relate your illigal movements to wey no go cast you o. Then wifey and family members fit know the normal movements them. Na sense them take dey survive for this life,  meanwhile, my comment na for the guy men them... no be for our Deeper Life members o 

E get one incident wey happen for my area last 3 weeks, wey 4 person for one quarter for my area enter kidnappers hand. The matter no be small ooo as Dem suffer them , even threating to kill them for bush for their. Community people rally round to gather money pay this kidnapper to release them. Make I no cap too much, the major thing wey make me yarn this matter be say, this people wey Dem catch no even tell their relative say them dey go somewhere. Thank God say people see Dem as Dem dey go. Na that one make people raise alarm say, where this guy's. 3 guys enter one bike why the other one enter inh own separate bike because their mission different but these same direction. Na dis same spot Dem for catch them.

Lesson
  Always inform your piple about your movement if you trust them or find person wey you fit tell like wife or parent or pikin if u no trust any friend.

 Always pass busy road, bush road wey be shotcut naim keep people for inside bush for seven days with beaten wey wrestlers self no collect for their life.

Dey vigilant and make u no who be your friend

This advice good ooo, kidnappers no go enjoy your Bitcoin money leave you for hunger ooo. Shae una kno say, kidnappers dey work with information, so keep your Bitcoin investment from people wey you no trust make them no keep u for bush then collect your investment.
 
Wisdom Dem say, e dey profitable to direct person.