My brother I even dey surprised to see how far your stats don go because I remember vividly one particular period wey you just dey worry the forum watin no good and I been just dey laugh because na when person don too urge to get merit na the merit sef no dey come and na also the reason why many Merits source no dey like users wey dey post to haunt merits for the forum.
Lol, na experience naim teach me to use wisdom, if to say I been still dey dey too desperate to get merit I no sure say I for they were I dey now. When person dey chase merit too much and you no come see the merit, e get how disappointed you go come dey, and that disappointment sef go come kill your ginger to even interact with the forum, and this na the basic fact wey make many newbie dey run comot for the forum, after them make some posts and the merit no come, them go just dey discouraged to even come online to see wattin dey sup. Many of us get that experience, some of us sef, the cast us lost because of our desperate actions to get merit. But I tell you say na only the strong mind and good intentions people dey go far for here.
My bro as you talk am na so the matter be, because no be only you experience or past through this, Omo for my own be say dem even gum be lying charges unto say man just wan find way get the merits dem but as I dey tell you so ehn, if you think say na rush rush go give you the merits then nai be say you dey play because the more you urge the more the merits go run far from you.
As the matter be so, merits no dey hard to get unless say nah you no dey lack knowledge to take get am.
From start, I no say op never understand the way to get merits but make I no lie, almost every body been dey that stage, some times person go write the whole things wey em know but merits fit no come out because the person really really dey very desperate to get the merits.
As a crypto newbie wey come here to learn more about Bitcoin and along the line you con dey aware of merits and how e dey work with how pipo take they get am you self go also like to join, and if you con still know say pipo get privileges to join signature campaign you self go like upgrade so that you go join the signature advertisement.
One thing be say without merits person no go fit upgrade and with that same merits nai we dey also take know pipo wey dey post quality posts.
Na only quality posts nai dey give merits, so if person wey no dey post quality post start to dey post quality posts, nah that time nai em go start to dey collect merits woto woto.
