Topic: Buy bitcoin before the halving - page 2. (Read 260 times)

No matter Anything we dey do, make our mind no they always forget say "not your key not your coin" make we dey wear am like ID card or neckties. This statement no be for Cex but for every body. Wetting we go come gain after we hear all this word about private key and wetting E don do many people for life. I don here from some people for bitcoin discurssion  say about 8k bitcoin don trap for one account all because of say the person lost in private key. And no be good thing. As Dem dey always dey talk am like this e dey always be like say Dem no no wetting Dem dey talk but when e happen e go be like say the world Don finish for you.

This na the oga kpata kpata of our yanis here this year. Anybody wey miss am don jones.  Another opportunity for people to make excess okobo be this o. Na people wey get ear go hear and ear wey no wan hear go collect regret scatter.

Make we settle down reason this matter fes:

Next year na halving
Next year them fit approve Bitcoin ETF
2025 na the bull cycle if Bitcoin follow status quo.

Unless say village people sit down untop person matter, you no need prophet to tell you say make you dey buy Bitcoin now. Besides, being a Nigerian na the biggest risk already, so wetin person go dey fear again!

Good day my country people, compliment of the season. I carry one ogbonga advise come board today to share with my fellow bitcoiners. Normally we know how things hard generally no be only for our country but na for everywhere, and to even see food chop sef na by the grace of God. But I still gat advise say make we no fail to remember or forget say next year na the halving event go take place, and based on history the halving dey prove to boost the price of bitcoin, and the sweet part na be say even for those wey dem just like to do trading and not long term holding, the halving still dey bless dem. So my advise na be say make we no fail to buy bitcoin before the halving so that, by the end of next year we go dey guaranteed of say small thing add for our bitcoin investment and anything wey you like to do with am na your choice, but e for still good make we continue to hold for long term.

Just as I been talk before, the country hard, the country hard, but that one no mean say make we sitdown look this opportunity pass our eyes, normally Bitcoin no be do or die but for those wey fit make this sacrifice, I believe say we no go regret am most especially for those wey fit do small long term holding, like from now until January of 2025. Also as we dey hold for this period make we no let the happiness of the season allow us to loose focus to sell our precious coin any how oo, and make we no still keep our private key and seed phrase any how, because if you keep am anyhow or you fail to backup, your coins go loss for good.

This advise na mostly for the newbies, please be carefully who you tell about your bitcoin investment or holding.