Topic: Make we help our self (Read 487 times)

Well I no see any need for all this fighting for this side and irrespective of your rank, or age I no think say we suppose to dey fight ourselves and more over, age na just number and the forum no dey pay any regard to age but ranks and @onyeeze, I understand  say you fit don dey aroused by oga Charles response but e never reach for you to point fingers or talk to am this rude and oga Charles, with all due respect,  I understand how hard you dey try to maintain the sanity of the board but atleast try dey cover this our upcoming ones as sincerely e no easy to keep up with forum and other activities of life.

Just my kind opinion and we suppose to make the local board a leaning ground for our locals rather  than a crucifixion ground.

Na true your talk, many place they forum where go help you grow because since na only one merit source dey we most dey try they post for different board no be only Naija board, but if we get another source now am very sure everything go smoothly for us, he go make us grow Weller like other board.

Onyeeze, you create this topic since  2nd and today na 8th. E don tey small I come local board to contribute and even for some matters in the forum.
Onyeeze, the way you carry attack Charles-Tim for this thread, I no like am. I believe say you go follow him for PM make una talk well.
Charles-Tim don contribute for this local board tire, even when e be thread. Charles-Tim activity been dey big pass even when him be dey BESTCHANGE campaign wey no dey count local board.
Even if I no too register early but I no people wey don give their best for this local board and Charles-Tim follow.

Anyhow matter be, Charles-Tim na Charles-Tim and Onyeeze na Onyeeze. For here wey we dey, Onyeeze no suppose to dey challenge Charles-Tim.
Charles-Tim, abeg forgive Onyeeze as Onyeeze talk say him no carry anything for mind.
Onyeeze you fit lock this topic now.

As I dey, i be free guy and the matah i no put am for mind I dey seyam like ordinary something, except dey na e go put am for mind, me i no get problem with anybody, since that day na the same dey wey I comot am for mind, we be brodas and I no fit cum dey carry akpor for person wey from my side, the tin be sey e just misunderstood me for wetin I talk, since that day anybody do see me talk the mata again, that is to tel you sey I no dey fine wahala, wetin we dey fine here na peace and unity, united we stand, and the goals of every person for local board is the same, nobody we no go like make this our local board stand proper. Make I use diz small time to say I don forget this issues and it's a bygone to me.

Big men dem abeg I say make I just make something clear for we dey still tussle for this thread abeg make we just mind and control our tongue because e no nice to dey see we wey be brodas dey throw each other words like this.

My only advice na be say make we keep everything professional and forget all other thing follow am because here na big community and we suppose get standards make we no go turn am to another thing.

Onyeeze, Onyeeze I grit you plenty oh.
But for this una mata e neva suppose reach this level, Mr Charlie talk good talk or bad talk with red ink no mean say una go begin cut chain for una self, sometimes wetin we wan talk dy our mind (of good oh) but when we put am to type e fit go mean something different from wetin we plan to talk.
But still on still Onyeeze and Charlie if here nah ikwerre town hall them for say make una hug each other or shake this small misunderstanding una get comot from una mind and become padi padi as before. So make una act like brodas and stay in peace becos piss don catch me...

I don drop my ofor... I salute Naija LB

I understand the area wey you dey come from, but e get the way you go address the matter, him go understand wetin you dey yarn, but as you blow hot like that, e no go change anything and as nah im opinion be that, e go still stand. If you feel say he was rude with the way him correct you, you for privately message am, lay your grievances. You nah man and una get the way una dey reason tins. Two wrongs don't make a right. We nah one for this forum and make minor misunderstanding no break us... well done from this side.


(_{I be woman o, no be oga biko 😁})

Oga the wey e put am with red color e no make sense at all, the tin come dey show sey maybe I no dey serious for local board, e first write beta something and cum edit am cum put read ink write up, if na you, you no go vex, for English board wey everybody dey write most it be sey we go write for every body or we go jump into discussion wey we no understand, people wey like to dey talk wetin dey like dey, but i no dey like to put mouth for wetin no concern me or something wey go bring problem tomorrow for were i dey. I only concentrate for wetin go make us grow, no be to dey bring query for our board

OP by now you suppose don sabi a lot about the forum and this Local board but e go de do me like say you no really know much about am as i de think. During the early days wey dem wan start something about where naija people fit de relate dem get some rules wey dem don set aside and we know say any gathering wey no get rules no de last. So dem come to conclusion say make pidgin and  English be d general language for this board and if notice even for the country no be everybody sabi speak d pidgin well and English na general language for the country so i no see any reason why we go stop de speak English here.

And again na when you de do bad thing or talk bad things na im you go wan de hide wetin de hide make people no know wetin you de do and since we no de talk bad thing or go against forum rules why we no go want make oyinbo understand wetin we de talk. Na oyibo people get d forum so i no see anything wey wrong in understanding wetin we de talk. Even you sef fit go use translator go read wetin de happen for other local board but what’s the essence, though for educational purpose it’s good since you can learn something from them as well.


To me everybody de try for here and I understand the part wey you de go but people de try for here ooo. Love can come in different ways depending on the one wey d person fit offer you. If na merit aspect you de talk about, if you post wel I believe say you go earn d merit so make you still understand say merit begging is against the rules.

E sweet me wellar when person tell me say make I come here come dey post and comment. when I reach here come see say na piggin wah everybody dey use. my mind come sweet me wellar and na we we come dey here I like am . I come see say we dey help ourselves here to grow for this forum. make God bless the person wah bring this idea of this place. all of una done see say, I be new person for here and I need help from all of una for me to use grow for here. abeg brainboss and others make una help me may I for take grow for forum. God go bless una as una go help me grow for here.

I commend this approach, @Charles-Tim. E show say you nah OG for the game

@Onyeeze, I no expect you to para begin cap careless if wetin him dey talk truth dey becos e no insult you, e just make a clear observation. Them say charity nah girl Pikin wey dem born for house. If you no dey practice wetin you dey preach, then how you wan dey convincing to your listeners?
Your topic na "make we help ourselves" nah this behavior you put up wey go help?
If you no fit take constructive criticism, I wonder how you go take give am. This world dey small and no matter were we find ourselves, try respect the next person. You no fit lead if yoh no follow...

Aha. I conquor, everything u say I conquor! my brother u shark alcohol oh.... 😊
My people, sometimes eehh, e dey be like some of us dey take alcohol before them think or post, by then e go 1st sound funny but deep inside, the messages carry a reality belle.
Local na local and we supposed do am on the local way no be say the 9ja forum na for only 9ja people but for a purpose to roll on a general language all of us as local people fit cope with otherwise, I believe people surrounding our territory way dey speak pidgins also dey here as long na comfortable language for them.

This post reminds me on several occasions way be say I feel to express somethings out publicly but I dey mostly look down of the thoughts like e no go get values or impress the masses then I go just let am die within me back but before you know.... Boom. 1 jagabam go from nowhere pour out those expressions u feel e go be nonsense to the people & u go just dey see as e dey drag public interests with attentions. I talk this bcuz b4 this post dropped down, I feel same expression and looked down on am but however, nothing sweet like when person dey speak ur mind without a whispering.

Up 9ja pidgins for life.... Na wetin dem take commonly recognizes as we language so no forming to flow on with am. Thanks OP, more greases to the boss Brainboss for his encouragements towards what we dey best  recognized for.

E get wetin dey some of una for mind but to dump am here dy hard una bad bad.
If you get issue with person go the person DM abi PM make una settle but if una no fit oya make una continue to yeye una self here, see fine topic nah... Una dy here dy do the opposite.
OP, you wey light fire for here e be like you no too dy visit your own piple but that no be the case, make una settle this Yama Yama fast fast...
Na becos of lack of togetherness nai dy make some piple wey I dy see here before wen I newly come nondy near here again...
My contri piple make una use una tongue count una teeth.

I no see anything bad for wetin Onyeeze talk there. Na observation weh him make.

Big bros Igebotz, I no gree that one weh you talk say if person pass you for rank that person na your elder. How that one go come work. If we want to deh rate that kind elder thing for here e supposed be person weh even first you register here. But here na forum and anonymous one self so we no fit talk who senior who here for real life. Make we just maintain respect for everybody. No look anybody face. I called you big bros because you register before me, no be because you pass me for rank and na so e suppose be. No disrespect to you or anyone but I don observe say some high ranked fellow countrymen deh like intimidate others and that one no good. I know say no be everybody go merit your post no matter how good weh e deh. Them go read and pass, that one no be problem.

The local board no force anybody to speak the correct English, wetin they be say they don talk this matter both the two you guy speak anyone you like some people they wey no sabi pidgin English, therefore we no go force anybody say make them they speak pidgin English and normally anybody wey sabi pidgin English even if him no sabi the correct English person him go understand wetin another person they talk so make e just be as e they like this. So no be issue make we anyone wey we like eve me some times I dey mix am both two.



If you wan rely for local board thinking that na for local board you go grow up for forum you wan miss road bedat na, other boards they wey be say if you do well you go get merits and naija local board na obvious say we lack merit wey we go use help each other so if merit no they wetin u think say we go use help each other bcuz if na topic to  teach one another them they for dix board so nothing remain, we fit go other place and focus we go grow for there.

My country people I hail una. I just dey pass by see say fight want begin here so I say make I clear well come see for myself. I no want to cap too much here but the truth be say all these dust wey we dey raise here no make sense at all. E get the talk wey say " United we stand divided we fall" if we begin fight and quarrel each other here now how we want take grow now?  How we want take claim our right here now wey e be say we dey agitate for merit source and childs board. If dem come see wetin dey happen una think say dem go reason us again.  Dem go say we no dey together and go think say the board dey one sided wey go warrant doubt. See abeg make we maintain peace, unity and orderliness here so that we go move ahead ahead to achieving our goals. One love keeps us together. Let love lead.
Make I use this opportunity salute our very own strong force them oga CryptopreneurBrainboss, igebotz, Charles-Tim, Fivestar4evermvp, Mpamaegbu and others wey dey try to make sure say Naija board stand. Una too much.

OP, your matter no bad o but dat one no matter now for this local board. Since dem say dey don already debate am before for the local board on which language dem go dey use for here and dem go mostly for both pidgin and English. Make e just be like dat for now. Me I know many people for dis our same naija wey no fit communicate for pidgin even if dem dey understand wetin dem dey yarn. The main tin na him be say make d person wey dem dey follow talk understand wetin dem dey yarn am.


E no really mean say na person wey dey same local board with you go help you grow for forum. People dey comment and contribute for different boards, so dem fit get help to move up for d forum from outside. For dis local board, na only one merit source dey and e no dey really help our members for here grow like others. I believe say if we get more, the help wey you dey talk go come if you continue dey contribute for the local board wella like odas.

I don't know who you are, and one thing you have to know bi sae, you are not here for someone to help you but to hustle your way out. And also those who have known book always want to express it because it they didn't do dat, it will affect dem within so dey have have to express it out always. Well educated people educated people can't be idle. And I am very happy that we have Charles-Tim, Igebotz, Brainboss, Smartvirus, Davidvictorson, Abdico, Zlantan, Agbe, P P, Santoprinces Wiwo and others. And if you look at these senior men which I mentioned just know dem dey respect themselves and others in the local board and the forum at large.

And if Charles-Tim sae something wey u no like there is a way u go address di issue because if care is not taking, im fit senior u for real life and also in di forum. Really I no like di way u insult am at all. And weti im tell you na di truth,  and me I strongly believe that you be senior man alt. If not u no go get dis kind liver like dis. If you are looking for help in di local board, it is very easy, you just need to create a quality threads and definitely even Charles-Tim will give you Merit, I have seen him given merits to people in dis local board time without number.

Let me tell one thing, in my field of study, I understand body language very well. Dis thing you just displayed here is not only you but from a group people displaying their displeasure on Charles-Tim and you pick up the challenge to confront im. Let me give you story again since you are a Senior Member behind the bar. Someone in the Russian Board was also posting like you and a legendary  and reputable member in the board brother him to Meta and create a thread for im and finally di guy was given a red light and di forum show im di way out. I know dey tok sae dem go do u but I just dey give an instance. And weti you do, I know like am. Please make we dey respect di elders. Na dis kind things dey pain Bitcoingirl-club. Nai make im dey have disagreement with JG and others. Please let us be one, if you hurt one, you hurt all. I know u have supportace but even at dat let love rule.  You have to wear thick skin because definitely attacks must come. And what you said, will never reduce di attacked that are coming. You just have to wear thick skin. Please learn from experience Users.

The only thing wey I fit pick  for wetin op talk be say make we dey help ourselves especially our brothers and sisters wey dey our back but then, how your elder brother or sister go take help you when you no dey come closer toram when em say make you come?@Onyeeze I no fit forget the help wey our local board show me when I dey grow up as newbie even though say no be everybody but our 001 and other senior men dem help me as I been dey chuck mouth steadily for our locals for here.

I go like make op lock this thread because e don dey sound so personal and we no need dis kind energy for our corner here before plenty plenty talks dem wey fit spoil person name go come out. Even though say dem never pour you water for the few time wey you don talk for we local board that one no mean say you go give up or come dey complain because normally our main reason of being here na to just come interact nothing else so make we dey see things the wey e supposed be no much complain,@ Charles -tim, I hope say you no go reason dis talk pass like dis because you be senior man and no be everything you supposed to dey respond to just move on and do your thing.

Onyeeze, I no like di way you yan, I no see wetin Charles-tim talk wey dey bad. Dis mata na something wey be say after di creation of di local, we agree say na English language and pidgin na im be di accepted languages. Even when it was brought up recently, people still talk on di mata and BrainBoss also talk say we fit vote on dis matter later in di future. If to say you dey frequent di Naija local board you for see am and na wetin Charles-Tim point you to with the number of post or contribution you don make here. I no see any insult or direct attack on you and wetin you yan no make sense at all.