Topic: Nah lack of common sense or greed?? - page 2. (Read 830 times)

Nah greed they really cause why most people they lose their life for this tanker fall of a thing, when they see a tanker way just tumble for road instead of them to fine way alert fire extinguishers them go they run from one place to another to fine rubber way them wan carry park Watin no be their own, and one thing way they sabi kill them nah say them no they wan collect small move. Them they always park till them see day everything don finish , for still that same stand some people go they carry things way they bring light, them go they start bike way they bring smoke they make call and other things way their sense normally for tell them say eh they dangerous for that kind place.

No Watin they mostly make people fall enter that kind temptation nah better greed eh no pass so, so if them fit remove greed then think about how to save life of who they inside those tanks and how to carry save the resource of who get the goods way the tank carry, then we go see less case of tanker and people way die close to am. We no they pray for bad thing to happen, but make people too try to they use their head sometimes nah we they use our hand carry put our self for trouble.

Because say we no get money no mean say we no go get sense na, for  this one me i feel say na just lack of common sense. People wey lose their lives now how dem wan take go sell the fuel wey dem go de fight for now, as dem don die so na another person go still carry that fuel wey dem die for go sell now so to me na just lack of common sense and love wey dem no get for their own life. People need understand say without life everything wey we de fight for no get meaning again and even as government de fuck upwe still need to apply common sense to somethings wey we de do. If government do their work con repair roads some of the accidents wey de occur no go de happen and something’s might have been prevented but as God don write am so say Nigeria no go don get better leader no mean say make we go de risk our lives for unnecessary places.

I believe say na pray we go fit de pray for our loved ones make God de protect them make dem no go land themselves for situation like this wey go take their lives and make we de pray make Nigeria beta so that at least some of these things no go de happen again. And for all this Tanker drivers wey de drive recklessly make God de protect us and our loved ones from them because their mata don tire everybody and nothing we fit tell dem make dem de drive with sense, i even hear say most of the times dem de de drunk as dem de drive sef.
Our lives are too precious to risk over unnecessary things.

Another man stupidity fit cost the lives of several others. When e happen now we go begin to blame Satan. I know no why some people dey get this kind mentality, we don hear stories of how fatal fuel tanker explosion dey be, but dem go choose to dey test fate. De fuel wey dem dey scope na how much wey dem want sell am and how e go take improve their lives? Well, I thank God no life was lost and also for the quick response of fire service and other emergency response teams. My life too dey important and if I get shop or office, around the place wey the tanker fall, I don close for that day.

 Another tanker carrying fuel goes up in flames this morning at the Otedola bridge, Berger area of Lagos.  According to reports, there's no news of any casualty but the one wey dey pain me nah say despite the fire, people still dey go scoop fuel ..why e still be say people Neva dey get sense? We dey always test fate, abi nah when this kind tin wipe major part of a city before them go get sense? See more for here...https://www.channelstv.com/2023/10/12/just-in-tanker-explodes-at-iganmu-bridge-lagos/

As you just talk am I believe you, poverty na disease e fit make person do anything for this life. If government they do beta thing e no go dey worst like this, our road dey bad na em be number one factor wey dey cause this incident, but still some of us dey very stubborn but we no fit blame them, some people dey wey no go do this kind act but na the way poverty dey do am and option no they dat why him dey risk him life just to survive that moment.

Wetin me observe as the root cause na poverty  and poverty mentality wey don enshrined our country people mindset. Person wey dey live better life no go carry rubber run go where tanker fall. If we go do questionaire with people wet get this experience, we go notice say poverty na their family member.

Poverty don make people dey greedy, selfish and arrogant . Some of this guy's see am as GODS DOINS when e cone to acquiring resources  in that big hh

Whether fuel scarcity dey or not, plenty people go still put their life for danger. We too like free thing for this our country and na poverty mentality dey cause am, yea. If you check well, majority of the people wey dey go fetch dis kind fuel no dey fetch for personal use, dem go sell am to get money buy one or two things for themselves. Even those wey fit afford the fuel sef go still go fetch because say na free thing and we need to serious erase this mindset from our head, na wetin dey kill us be that. Ignorance no be excuse. Every adult know say fuel dey easily catch fire but our mindset just dey on "make I join dem". Only few people for this our country believe in "safety first". Wetin concern hungry man with safety? Anyway na way and this mindset nai dey kill our people throway. We know say things hard for this our country but in cases like dis wey anything fit happen,  make we no put our lives for risk

For this matter I no go blame government because people dey for this live wey like free things forgetting say free thing dey purge.
Anyhow fuel cheap sef people go still go collect fuel, na so live dey sha. And those people know wella say the thing dey risky oh but because of the love of free something they carry their legs go, for this kind matter I no go include government name sef.

If we take look at our country so we go understand say no be only government dey cause some things for us, na our greedy na him dey kill us some times, many naija citizens go dey do things like say them no be human being, about your Mata wey you dey talk about tanker fall wey people go dey park fuel we he come lead to many death, I see the news too, I no blame any body, na people wey go dey park fuel supposed to be blame, how can someone see tanker Don fall and na fuel dey inside wey you go enter say you wan go park fuel, before person do that thing self, he suppose to think first say fuel na dangerous thing, fuel no be like all.l those food stuff wey if he fall for ground you will see am park, fuel no like heat and again them no know say as the tanker fall sef na dangerous thing?

Although some driver no dey drive with normal sense, some of them no dey think say road no good, I Don see driver with my eyes wey dey drive tanker and he still dey smoke weed ( igbo), I wonder waiting waiting our road security dey do for road, many of our road security no Sabi anything than to collect bribe for road without no even checking on who is driving the car, this part wey I just dey talk now, he concern government because if government dey hash on those our road security them too go maintain there self with the way them dey behave for raod.

 E get wetin I just dey think about this mata and I come to the conclusion say man is inherently unsatisfied and greedy. Even if most of these people wey dey endanger their lives just becos of free fuel dey blame the govt say nah becos of increment of fuel price nai make them dey do this tin, what about when e bin cheap? Nah only cat nai get nine lives but yet e dey dey careful, how much more is humans wey nah wan we get, we go just dey carry am play.
 Like dis no advice you wan give a greedy unsatisfied person becos dem go still give you reason to take justify their actions and nai make when something bad no happen to them, them dey still get the morale to go..I no fit even count how many pipo that kind thing don kpai but yet odas no go use am learn lesson.

To me and you both, if not because of greediness, how can you think that is an opportunity? Definitely, you are a greedy person, and at the same time, you didn’t have common sense. Those that have sense will not do such, because, based on what you wrote, I can even say that those victims that went for the fuel are very greedy, which is very bad, and that is what is affecting our country every day, because almost all of those that will claim that it is due to fuel scarcity are liars because if they don't want to sell the fuel at a high price to get money, they won’t do such to themselves.
What I can just say is that we should reduce our expectations on getting money in this country because of the high expectation that someone will think if they can get at least 25 litres of fuel, they will get some high amount of money, so they will conclude to go forgetting that they might die.

 
Even though poverty can make some jump to the wrong conclusion, the poor man who values his life will not do such because he or she will not like to die but rather look for another solution to get money, so I can say poverty can’t make someone do such based on my own view.

OP, I don't think its lack of common sense, No. Reason being that who lacks common sense doesn't know the dangers or repercussions of her actions. This is  greed to the core and negligence on the importance of your life. Those people are greedy to the extent they can gamble with their lives. Nigerians should learn that every advantage is not an opportunity to make money and all that glitters are not gold. Our government are partly to blame because of their destructive policies and not attending to their duties which makes those roads bad, emergency services not responding to such hazards readily and the police not rushing to the scene of such accidents to keep people away from harm. As them no dey function well, make we ourselves no go use greed destroy the life wey God give us.

Omo me I feel say na lack of common sense oh, because them don talk am say, common sense no dey common, because if common sense common, people for get an plenty.
 
We all know how highly inflammable fuel dey, why person go rush to scoop fuel from tanker way don fall. This thing happen for rivers state, in place called okogbe in ahoada, along the east west Road in 2012, where tanker way carry products fall for one side of the road, na so the full community bust out to come scoop fuel oh, Omo na so something just spark fire 🔥, almost everybody died, they record over 28 death and injured person's that year. So for me, n common sense them no get, no be even greed self.

E don happen again and them no go fit learn or even get the sense wey dy common, people don die finish for one ikwerre community and now them dy blame Chidi Lloyd as person wey start the fire or wetin? Some people for this contri believe say that time wey fuel dy exposed and nobody dy to secure am nah when them suppose hit large, now lives don loss but the fuel still dy as e dy. Tomorrow now one person go still say nah lack of job opportunity nai make e happen like that, life and job which one come first my people? Me I no fit blame anybody say nai cos wetin happen, the earlier we know say some problems for our contri nah we dy cos am the better for us to see long life oh.

It is not lack of common sense that is repeatedly causing this disaster, it is the fault of the government, the government has failed to do the necessity, just think of it, if the citizens are employed would they have time to endulge themselves in that kind of dangerous activity, no of course, have you ever notice this kind of situation in the developed world, it can never happen their because everything is planned, so I will also attribute this actions to poverty, poverty has change the mindset of many people, people can take any available risk to survive, I know that there are ones that greed can push to this, but they are few, it is high time our government do something in other to salvage this reoccurring menace.

This things na something wey our people they do always even before the fuel scarcity so e don already master Nigerians especially the illiterates once that are not too careful about their lives, if not them supposed to consider safety first because I know say all of them wey go there de awear say petrol na highly inflammable something wey just need heat and small ignition wey fit be just a crack of stone to catch fire, but them still go because they wan use the opportunity to get money.

The only fault wey Government go get for this matter na the bad road, if not them no get any fault; the drivers too get their own fault because some of them the fall the truck intentionally if them don too sell fuel for roadside because them know say if them reach where them they go, problem go de between them and the owner.

this matter na just common sense wey dey worry many humans for this world because, when me an you don already see weytin dey happen to people wey dey rush to collect fuel from tanker and the thing no dey end well, i no see any reason such thing happen around again and you wan carry hand put for fire, nothing you go tell me. Even to blame am for we government that one na lie, na we dey do ourselves.

OP before I begin, this thing Na wetin person suppose to know say fuel Na very dangerous explosive wey we suppose avoid. This matter pass the issue of poverty Na life and safety we dey talk about here. Na only person wey dey alive go dey talk about survival.

Them say common sense no dey common if not how person go see tanker wey dey in that situation under hot afternoon sun go dey turn fuel Na death warrant you don take your hand dey sign na because any small light e son explode be that. Even some greedy people too dey get sense sometimes to know wetin to avoid not to endanger their lives.

My sister, no mata how poverty hook man reach, e no sopoz take such a careless and stupid risk. Okay, you use poverty as excuse to gamble with your life and while you dey do am, e explode, who then go come use am? Wetin I understand be say when life dey, hope dey and if we continue to dey blame lack for some decisions we take, nothing good go happen.
E no good to hope on the government to provide empowerment becos dem fit fail and as such anything you find your hand to do, do am but this one no follow.

For me the main cause of this kind incidents na poverty. Because poverty ft make person take some kind useless risks. Then lack of common sense because we all Sabi say fuel d catch fire yet some people still d risk Thier life.