Topic: PHLWIN Fraud/Scam nga ba? (Read 609 times)

Ramdam talaga nila hate ng tao sa kanila, kung wala naman silang konsensya na mga tao. Siguro ganid lang talaga sila at walang pakialam sa mga nahihikayat nila magsugal at lalo na sa mga nalulong na. Yan ang hirap sa pagiging influencer lalo na kapag hindi masyado nag iisip kasi pera lang ang nakikita nila at akala nila easy at instant money lang sa kanila. Pero hindi nila naunawaan yung balanse sa sugal na kapag may natatalo, meron din namang nananalo.

Actually mahirap ito kase itong mga advertisers, mostly, may fanbase ito na sumusunod sa kanila. Kaya once they advertise a product, generally, sumusunod mga tao sa kanila at nagiging curious.

These advertisers should be held responsible in the event na legit na scam itong philwin. They should be responsible enough and to know yung mga bagay na inaadvertise nila sa kanilang channel. In the event na napatunayan na sobrang rigged ang rates dito sa platform ng philwin, then they should be at least held accountable dito sa ginagawa nila.

Lahat tayo may freedom and right to do anything but ang limitations nito is that we must do it accordingly within the bounds of law and morals. Kahit mukhang tama ginagawa nila, if they injured someone in the process, mananagot sila dito.

Obvious na obvious naman na illegal ang operation nito, sa mga datingan pa lang ng mga vloggers at youtube promoters eh magdududa ka na talaga.  Parang tulad land din iyan ng mga rugpulled project na mga NFT na pinopromote ng mga streamers.  Hinahype nila sa laki ng kitaan at panalo.  Malaki difference ng mga gambling streamer ng mga legit casinos, pinapakita nila ang flow nga game manalo o matalo hindi lang puro panalo, then iyong pagwithdraw ay pinapakita rin nila ang process, unlike karamihan sa mga nagpopromote nito eh, hanggang kwento lang.  May ipakita man, obvious naman na forged or photoshopped.

Dapat talaga sa mga nagpopromote ng mga scam sites ay kasuhan dahil kumikita sila sa pagkakascam ng mga tao.  Dapat sampulan na ang mga ganitong klaseng streamer para naman maging responsible sila sa mga content nila especially sa mga investment schemes.


Marami kasing natitrigger ng greed.  Kung hindi magiging ganid ang tao, kokonte lang maiiscam.  Pero hindi talaga matanggal ang pagiging greedy kaya mga scammer parang nagtitrade lang, wash, rince and repeat ang datingan.

Tapos ang responsible authority naman ay napakawalang wenta, naghihintay pa na may magreports sa kanila, ni walang initiative para gawin ang scope ng trabaho nila.  Puro sitting pretty sa opisina, nagpapasweldo lang ang mga tax payers sa mga taong natutulog sa trabaho.  Nakakasama ng loob talaga.

Sobrang daming mga bagong casino ngayon at ganyan lang mangyayari every time na merong parang nasa hot seat ng mga criticism. Parang iisa nga lang ang owner ng mga yan kasi paiba iba lang ng pangalan pero ang sistema parang pare parehas lang hanggang sa dumami ulit ang mga users nila. Ang mga kababayan naman natin ang kawawa dito kasi mahihikayat nanaman at hindi natututo. Merong sa mga scam nadadale, meron naman sa irresponsible gambling nadadale.

Sa tingin ko sa phlwin pwedeng maglaylo na sila dahil nakakota na sila, napakinabangan na nila ang mga followers nila ng husto. Sa aking nakikita mula sa week na ito hanggang sa mga darating na weeks may bago na naman silang ipopromote na gambling apps, dahil may nakita ako meron na namang bagong gamblings kaya malamang ito naman ang ipromote nina whamos at awitgamer, for sure yan wala na namang paalala yang mga yan dahil ang habol nila ay mauto ulit yung mga uto-uto nilang followers.

At yung bagong gambling apps na ipopromote nila sa tingin ko palang naman ay ang PHIL LUCKY o EUREKA, na sa aking palagay yung mga owner ng apps na yan o mga tao sa likod nyan ay malamang yun ding mga tao sa PHLWIN.

Ganyan talaga kapag madami ng bashers, dahil feeling nila sinisisi sila at may mga ibang vloggers na tinitira na din sila. Kaya dapat nilang gawin ay ipaliwanag na bakit nila tinanggap ang mga offer na yan kasi sobrang daming buhay ang sinira lang ng mga yan. Sa ngayon, mas matindi pa yan kung pati gobyerno ipapatawag sila pero mukhang wala pa namang sa point na yan na ipapatawag sila. At least kahit papano sila, parang lumalaylo na pero wag silang maghugas kamay kasi naganap na at nangyari na madami ng mga fans nila ang nalulong at naubos ang pera dahil sa paga-advertise nila.

Sa aking natuklasan ngayon yung mga influencers na nagpromote ng phlwin kagaya ni @whamoscruz at @awitgamer ay biglang naghuhugas kamay na sila sa pagpromote nila ng phlwin. Siguro dahil nararamdaman na nilang madami ng nagagalit na mga followers nila at sinisisi na sila, ngayon nag-ala poncio pilato na sila at yung pamamaraan ng pagpromote nila sa phlwin biglang meron na silang paalala sa mga maglalaro samantalang nung nakaraang linggo sinasabi nila surewin at wala silang sinasabi na paalala sa mga mgrererhistro kundi pagnagrehistro direct sa link nila ay surewin ka walang talo at ang sobrang lalaki pa ng taya nila nasa 100k up tapos ngayon biglang nung pinapakita nilang natatalo din daw sila.

       Ngayon, si @awitgamer biglang nagpakita na demo na natatalo din daw sila, tapos yung taya biglang bumaba nasa 1k lang para lang maipakita na natatalo din sila, ibig sabihin alam nya na matatalo siya mababa lang taya nya, at sinasadya na nyang magpatalo samantalang before 4 pick lang cashout na siya pero ngayon higit sa 6 na yung napili nya hindi pa nagcashout. Halatang-halata, nakakatawa siya, dapat dito imbestigahan ng mga taga BIR kasi nakabili daw siya ng sport car kay @akosidoge, at nakabili pa raw ng bahay at madami pa daw pera.

source:

- https://www.youtube.com/watch?v=FZfvDeXP0Hg
- https://www.youtube.com/watch?v=YtmRFdMTr8A

Kawawa lang mga taong naniniwala sa kanila agad, oo may mga sugarol na malalaking halaga tumaya pero yung mga ganitong uri ng promotional videos nila ay panloloko, panlilinlang.
Ang maganda lang sa nangyayari ngayon, maraming mga fans na basehan na ito sa kanilang panonood, kapag ang isang vlogger naga-advertise ng sugal, ayaw na nila sa vlogger na yun kasi mali yung ginagawa nila. Kapag siguro huminto sila sa mga ganitong gawain baka siguro babalik sa kanila yung mga fans na yan at sana rin magkaroon ng hearing tungkol dito kasi sa panahon ni Duterte, nagka-hearing tungkol sa online sabong, sana sa mga ganitong vloggers din naga-advertise hindi lang ng phlwin, pati ng ibang online casino na sketchy ang paraan ng advertisements nila.

Yep may mga influencers nga na obvious naman na hindi mayayaman na nag vivideo ng sarili nila na pinopromote itong casino nato at "tumataya" ng 50k above each bet sa mga videos nila at dun palang is maiisip mo na agad na demo accounts yung gamit nila kasi hindi naman basta bast ayung 50k para irisk nila para lang makapag promote. Kawawa lang talaga yung mga followers nila na nag lalaro ng casino dahil sakanila kasi majority jan is siguradong talo. Nakakainis na din kasi na halos araw araw nag popromote yung mga influencer na yan lalo na alam ko naman na ganyan yung mga galawan nila na hindi legit yung bets nila. Sana mag kabatas tayo sa US na need nila istate na nag popromote sila at may liability sila sa promotions na ginagawa nila.

Saktong sakto itong thread agad naisip ko nung may nakita akong page na maraming followers na nagpost na nagmessage sa kanya itong PHLWIN. Binibigyan pala nila ng demo site mga influencers nila na panay panalo lang lalabas tapos saka yun yung ivi-video ng mga influencers para ipakita sa kanila sa mga videos at fans nila para mahikayat. Grabe nga panloloko ng casino na yan at siguro milyon milyon na kinita niyan sa panloloko at bawing bawi sa mga influencers na ginagamit nila.

Tama, Hindi talaga ito regulated ng Pagcor dahil wala silang certificate sa website nila na typical na binibigay ng Pagcor sa mga license casino sa PH kagaya ng Bingoplus. Tanging name lng ng company ang available sa website nila kaya duda talaga ako sa casino na ito. Idagdag pa jan na gumagamit sila ng generic gambling casino template na kuha sa Betfury at Owl.games.

Sobrang dami ko ng napanood na ads tungkol sa casino na ito at karamihan ay nanghihikayat na tumaya dahil daw sureball. Ang nakakapagtaka lang ay bakit nakakapag operate pa din ang casino na ito ng walang problema kahit na hindi sila legal sa PH.

Wala pa sigurong nagfifile ng complaint or hindi pa masyadong madami ang mga affected sa service nila dahil sobrang talamak na talaga ng casino na ito lalong lao na sa facebook. Sonrang dami na ng follower ng page nila. 

Sa natuklasan ko ay iniimbestigahan na itong phlwin dahil nga madaming mga sumubok dito sa casino apps ng sugal na ito ang hindi makapagwithdraw sa apps na ito. At meron din akong napanuod ng isyu sa balitang ito na hindi nga din ito ata regulated sa ilalim ng pagcor, bukod pa dyan may nagpatunay na yung mga ginagawa ng mga influencers na sure win ay hindi naman talaga totoo. At pawang mga lantaran na panlilinlang ang kanilang ginagawa sa kanilang mga tagasunod. At batay din sa rules mula sa pagcor dapat kung meron kang casino apps online ay meron ka rin dapat na landbased casino o pisikal site dito sa bansa natin dahil kung wala at casino online lang ay certified na ilegal ito base sa pinanuod ko na video na ito, panuorin mo nalang.

https://www.youtube.com/watch?v=RuXPOPJ-qZM

Baka sandaling panahon na lang yan at dadating na sa kanila ang notice ng PAGCOR dahil wala silang license at sa Pinas sila nago-operate. Masyadong madali silang ma-notice kasi nga naman ang daming mga influencers nilang hinire para i-advertise sila sa mga pages nila. Nakakadismaya lang kahit yung mga gusto kong pinapanood kasi nga nakakatawa sila, bawat video nila isinisingit na nila yung advertisement ng PHLWIN at hindi lang yang casino na yan pati na rin yung iba na bago lang pandinig. Sana naman itong Facebook lagyan ng restriction yung ganyan at hindi na ako magugulat kung pati yung ganitong issue dalhin sa senado. Hindi nagtataka yung mga tao sa minesweeper ba na laro na yun? na sobrang easy lang sa video nila manalo na kahit ang baba lang ng puhunan nila, ika nga too good to be true. Pero ang daming nahuhulog.

Same case lang din ito sa ibang mga influencer globally na binibigyan sila ng play money na malaking halaga para matry yung actual game pero may percentage lng ng balance nila ang pwede nilang mawithdraw and the rest ay maiiwan sa account kaya need pa dn ng mga influencers na mag recruit para kumita through referral link or views ng content nila sa social media.

Wala akong experience sa casino na ito dahil parang pnxbet vibes sila na subsidiary ng scammer 1xbit. Siguro wala pang case ng scam dahil continuous lang dn yung kita nila sa mga players pero later on maglalabasan dn yan mga isolated case na account freeze. Napabrowse tuloy ako dito nung makita ko sa facebook ads itong casino na ito na ineendorse ng mga sikat na influencers kagaya ni Norvin. Halos mga gambling na dn ang content ngayon ng mga influencers sa atin kaya talamak nnmn ang online gambling sa PH.

Mas preferred ko ang Megapari kesa dito dahil subok na at may international award sila kung casino na tumatanggap lamang ang pag-uusapan.

Edit:

Kakabrowse ko lng ulit ng Phlwin at hindi ko makita ang details para sa license nila. Hindi yata sila license ng pagcor.

Medyo sasang-ayunan ko itong nabanggit mo na ito dude, totoo mga influencers ang target at priority ng phlwin dahil malaki ang market na makukuha nila dahil sa views na nakukuha ng mga influencers at advantage yun sa both side nila sa nakikita ko. At meron pa nga akong natuklasan kung bakit ganun nalang ang paghahyped na ginagawa ng mga influencers kagaya nalang nila Whamos, Awit gamer at si Merck.

Ito yung larawan na aking natuklasan at masasabi ko na talagang numero unong sinungaling ang mga ito.



Sinasabi nila palagi na nananalo sila sa phlwin pero ang totoo may pinapakita nga silang balance amount na malaking halaga pero hindi naman nila pinapakita kung nakapangalan talaga sa kanila at yung withdrawal mula sa phlwin na natransfer sa gcash name nila mismo. Or assuming na totoo talaga parin na pera nila yun, pero nakuha nila yun hindi sa panalo nila sa paglalaro apps na ito. Maaring dahil sa unilevel system na ito kaya sila todo promote, isipin mo nalang sa 5 direct users palang nila ganyan na ang mangyari kung meron kang millions of followers ka higit pa dyan yung makukuha nilang kita base sa larawan na yan.

At saka common sense lang din, kung totoong nanalo sila ng million sa isang araw at kung ako ay isang influencer na kagaya nila na may milyong followers bakit ko pa ipopromote ang phlwin kung kaya ko naman kumita ng higit pa sa unillevel system na yan, kaya lang dahil nga mga sinungaling sila at mabibisto mo ito sa pamamagitan ng sinasabi nilang legit ang kanilang link. Bukod pa dyan kung alam mong natatalo mo lagi ang house, at kung ako ang house na may-ari bakit ko ilalabas ang milyon na napanalunan mo sa casino ko kung alam kung talo ako sayo, pwede kung gawin na i freeze ito anytime na gustuhin ko, diba?

Kung tutuusin yung mga ganyang problema ng isang user/player nila sobrang dali lang asikasuhin yan. Yan ay eh kung ang isa focus nila ay ang customer service. Kaso ang focus nila ay sa mga influencers nila para mas marami pang mahikayat na maglaro sa kanila.
Kani-kanina lang nakanood nanaman ako ng isang influencer, nalimutan ko lang yung pangalan pero kasama sa content niya na gusto niya bumili ng PCX tapos 180k ang preso. Tapos pinakita niya na instant withdrawal ang nangyayari sa casino na yan.
At yun na nga, instant niya nakuha pero pa 50k-50k yung withdrawal niya. Siguro sa mga influencers talaga may exception yung mga accounts nila at siguradong mabilis serbisyo kasi nga para sa video.

Okay din naman na subukan mo para malaman natin kung legit o hindi. 200 yata minimum na deposit dyan kaya mura lang naman kung gusto mo subukan.

May kawork ako na sumubok na dyan at nananalo naman. Pero nagkamali siya ng lagay ng G-Cash, typo error. Hanggang ngayon di pa rin nia na withdraw kasi ang tagal daw palitan yung g-cash which is supposed to be madali lang dapat kung gusto talaga palitan ng customer service.

Pero yung nagrefer sa kanya, nakapag withdraw na daw.

So, di ko alam, baka legit sa "ngayon" at may balak maging scam in the future itong app na to.

kaya nga po galit na galit sa mga ganyan sa Atty. Libayan. totoo din naman talaga na andami nilang nabibiktima dahil sa pagpopromote ng mga local influencers natin. dati, galit si atty sa mga crypto enthusiast at halos wala namang basehan kadalasan sinasabi niya pero ngayon itong issue tungkol sa phlwin ay talagang masasabi mong may punto talaga. isang rason kung bakit nahuhumaling mga pinoy dito ay dahil nga affordable tapos nakakapag cash-out naman.

Sa ngayon medyo naglalylo na yung ibang influencers sa pagendorse dyan sa phlwin, napansin ko lang naman yan itong mga nakaraang ilang araw, ibig sabihin tapos na ang pagiingay ng mga influencers sa apps na yan buburahin na nila yan sa kanilang mga pages dahil siguro kahit pano nakakabasa at nakakarinig na sila ng hindi magandang ngyayari sa phlwin at madami ng nagrereklamo dahil hindi nga makapaglabas ng pera.

      Tapos kahit ano pang pangtatakip na gawin ngayon ng mga influencers na maganda ang phlwin ay hindi na uubra.
Saka yung pagpapakita nila ng lagi silang tumatama, mga ungas pala sila talaga madami talaga ang magiging kawawa na followers nila
dahil hindi nila alam na yung account na ginagamit ng mga influencers ay autowin server yun talagang hindi matatalo yun, pero tignan nyo  kahit isa sa kanila talaga wala man lang nagpakita na nakapaglabas sila ng 500k-1M php sa phlwin puro lang sila pakita ng milyon yung nasa balance nila pero hindi naman din nila mailabas.. Dapat dyan sa mga influencers na yan maimbestigahan din ng madala at matuto, puro panloloko ang alam.

Dahil kung talagang kumikita sila ng milyong halaga aba dapat dyan eh isumbong na sa BIR ng maimbestigahan na silang mga mayayabang na akala mo walang pagkatalo ang pwedeng kaharapin sa pagsusugal.

sa tingin ko tama ang sinabi mo na iniimbistegahan na ito ng palihim ng SEC man o ang PAGCOR kasi maituturing parin itong ilegal at kung sasabayan pa ng kaso or reklamo mula sa mga complainant na hindi sila nagcacashout ay malamang mas lalalim ang imbestigasyon nyan.

kahit ako man din ay hindi bilib sa mga content creator na mga ganyan, palibhasa kasi basta may maicontent lang bahala. isa pa sa kanilang pananaw yung pagpopromote nila ng ganyan ay makakakuha sila ng komisyon sa kung sino man mag signup so sa kanilang perspective side hustle din yan kumbaga without worrying kung mabuti ba o hindi mga content nila.