Topic: The danger of blaming everything on politics - page 3. (Read 463 times)

While we dey blame politicians and government, we still need to dey strive to do something. Yes it is not easy when the government no even create anything for youth to start with but we still no need to give up. The internet don help the youth no be small because if no be am hmmm the cry for too much. Nigerian youths self dey join old people dey tribalistic instead of facing the reality, you go still see a youth wey go tell you say the people wey dey power now be the best just because they are from the same ethnic group.

If anything goes wrong in this country we go blame them, they are responsible for it, you say make we no blame government and politicians the way things take dey hard for this country now do we suppose blame ourselves, with this fuel subsidy now who do you think we should blame? Things begin they cost every single day, forget about olosho or person wey dey thief, even person wey dey earn salary monthly this country don tired am, imagine you wey they buy things at low prices and you go there tomorrow you see say price don go up how you think them go feel, even person wey dey earn salary in a month no be all of them fit chop like 3 time in a days for this country again. If na my country wey i know, no matter what if things continue going wrong we go still blame politicians and government.

I disprove that fact of laziness. Nigerian are not lazy, dey are trying there best and it's as if dey are not moving atol. The worst thing that can happen to you is when you are struggling to stand and you find yourself sitting in that same position.

And again you said, inside the same country wey we dey complain, say some people dey make am. My friend to make am for the country no be chise.. you don everly interview those set of people you say dem Dom make am, make dem voice out the thing wey dem dey do? No be to carry ice-cream for day dey thief for night.


All this thing you talk here na true but I still put it to you that our government is the cause of it.

The truth be say any government way fails to take responsibilities of their citizens as a primary priority on governance dey let the cats out from the bags and also waking up the sleeping dogs way supposed dey sleep.
Normally government governing systems dey give vibes of inspirations. If your government too, it gives you you positive vibes and reduces negative ideas but if your government bad, it breeds and nurtures negative ideas.
This na just as we always say environments they get effects on lives.
But my advice to people be say whether the government good or not, make you yourself just think good and practice good vibes to profile yourself positive income because government way no good no send you so you owe yourself how you want your life to be.

True be told blaming our leaders is not appropriate rather we go dey pray for dem but still we no fit sit down dey look we go cry out make dey hear us.
Mr OP pipo wey dey blame government and politicians no be say dey no like dem. I no fit advice person make dey go thief but still we go still blame politicians and government, even our leader too na thief dem be, even de fine girl wey learn hand work and go dey do olosho no mean say she dey like am na condition, for instance de girl learn work finish and no capital to start the business, l will say that no dat push am go do olosho because you go notice am say dey dey do investment with the olosho money. Both still I no support that ooo. For a father with him children go still blame politicians and government because of poor salary structure and also education system.

My brother watin U talk make sense but e get one or two things way I go like point out for you.
As a citizen of a country, there are lots of basic things way government to suppose set in place, for citizens to strive.
1: ELECTRICITY.
Government supposed generate electricity for SMEs and multinational Business to grow, if MTN tell you how much them dey waste on top diesel because there is no sustainable electricity u go shock.  If that your hair Babber tell you how much him dey waste on fuel everyday, because say light no dey, u go shout. Now ask yourself how much dem dey gain.

2: UNEMPLOYMENT AND UNDEREMPLOYMENT.
I believe say, this particular matter we can all relate.
Person go spend years for school, when him finish him go come still go service and come back,  yet no job. Job way person go try see, them go wan under pay the person.  Because say industries no dey, to employ, Government no wan even hear anything about youth empowerment and growth. Meanwhile for other country, once you no get work, e get social support system way go dey pay till you find job.

Guy make I stop here, because If say make i list the problems way government don put people, we no go finish am. So brother no blame us say we dey always call government, because na them dey incharge of our money to use run the system.

We blame our politicians, because the system is very porous and corrupt, it requires to be sanitized, do you know that in the developed world, there crime rate is limited because peoples mind is occupied with innovation, and almost everyone have something doing and they earn money from whatever they do, no matter how small, but in this country the story is different, yes I agree that most person are lazy both in thinking and the practical aspect of life, the fact is, the government of this great nation has failed to manage the resources of this nation well, that's why you see hardship everywhere, when you talk about people meeting up their goals here, it is information, my question is how many people are privilege to get the right information from the right people, they are few, so achieving your goals here in Nigeria is not easy, but hustling tight is not a bad idea.

Hello my country people. I hope say we dey push forward even though our country no too dey give us joy? Well, make we no give up... las las we go dey ok.
 
I take eye observe say we dey feel too comfortable blaming everything for we country on politicians. Person go thief, them catch am, him go blame politician and government wey no provide job. Fine girl go leave to learn handwork go dey do olosho and at the end, she go blame politicians and government. Even some papa them wey born full house when them no get work still dey blame politicians and government. Before now me self follow for this habit but recently, something just touch my mind say e be like that pattern no make sense at all. E dey make people lazy and irresponsible!

Even though our politicians and government no too try, that one no mean say them go chop blame for every bad thing wey happen and even wrong decision and choices people make. Even inside this our country wey no keep face well, e get people wey still dey meet up for their dreams so make we dey try to adjust and push on.

Some of the way we fit dey push forward for our country now na :
1. Planning well with our resources and time
2. Finding something legit and giving it your very best
3. No shame to hustle even if it means starting small.

This one na my views, my people how una see am?