Topic: The journey wey you plan the least nah him fit give you the most - page 2. (Read 208 times)

Na true talk be this, I like weytin you talk for here say you never can tell weytin go pay at the end. Me self I dey do graphics design and photography but I just no write them off the goal na to make money then push my dream for photography and Cinematography high. E never tail wey I join this forum oo tho I been don create account since last year but na just bounty matter i know but as i come dey de see my guy wey show me the stuff dey always talk about BTC and me I like BTC so I just develop interest come dey flow well with am.
The thing be say nothing wey no dey pay oo but na the one way your head carry or your spirit match with go work for you.
Now self I dey see things here in a different way where I fit show case my talent like for services board etc. So those work wey you learn now you fit channel am put for here in a different style you understand me? You go see say your portfolio dey different from others own na weytin me I just discover. 

Sometimes when I de reflect on how far I done come for the tech and cryptocurrency space, and all the things and experiences I don gathered so far, e de amaze me seriously. Growing up, I been de seriously into playing of keyboards and instruments in church and I been seriously think say na from there I go take make a living, later as I begin grow come enter street, the vibes to de follow up church matter come drop and I no come de take the instrument stuff very seriously. I come later enter into phone repairs come de enjoy the work wetin no nice and come even de make small savings say I go use start up my own phone repairs shop. As I get admission into school na there the whole phone repairs matter come die like that and I come say make I try focus on school small but e no take time when the interest begin die down. We just de get small conversation and my friend just bring up the matter weda I de interested to go into tech, I been no take am seriously but with time as I come de visit my guy come de see how him de work, I come say make I follow try see how e de be and with time I come de enjoy the stuff small small.

E done de reach almost 3 years when I don de do this work with my guy and I don get serious sense of fulfilment as I de do the job so! Nah so ah con still join the forum as they come give me update about bitcoin and so far the journey has been filled with fulfillment and happiness.

Wetin I de try talk be say make we no de write anything off like that on  the first appearance, make we continue to de learn anything when de reasonable and useful to learn. you never can tell which one will end up paying you very well in this life.