We suppose use pidgin English de post for our local board. - page 2.

I de reason say di word "local board" suppose mean say bitcointalk forum, de expect say we suppose de post for our local language. But as e be say na different ethnic groups, wey de speak different languages na im make up di country, and di whole Nigeria, no adopt one single indigenous language, so na dis pidgin English, na im be di language wey unify us, both di rich and poor, literate and illiterate sabi am. Na im make I de reason say posting on our local board go de more original if we de use dis our pidgin English de do am.

All respect to di members wey de use normal English de post for here, na to pass di message of your post na im de important pass, but unless say di person no too sabi make conversation with pidgin English, e for de better to de change style and de use dis our special English de post.

I observe say other local boards, na dem local language dem de use, even di ones wey get dem own alphabets na im dem de take post too. So I see am say e get as e be, when we use normal or standard English, post for di main boards, we go come use di same English, post for our local board.

All di same nothing spoil, na just my own small opinion na im I say make I sama for here..

Topic: We suppose use pidgin English de post for our local board. - page 2. (Read 283 times)