My broda you see this thing you wan carry talk like this don dey exist right from origin of man and na from bible e take happen, although i no fit quote the exact bible reference. So for you to come tell people to reduce how them dey carry take food for occasion be like say you no want them to complete the principle of God's words.
I go like know this bible matter weh you bring enter this thing. If you no fit remember the bible book or quotation weh the thing deh, you fit still tell us the story make we see if the thing relate. I hope no be the marriage feast for Galilee weh Jesus attend you deh try talk about?
E get one day i bin dey yan with one woman about this mata she say occasion food get their own teste and e dey sweet pass home made food, so like this if she go event she go like to carry some come back home and you know how we country be, everywhere tight and hunger dey land so everybody dey look for easy made to eat and take home.
How the thing dey take taste different if you use the same ingredients cook am? No mind the woman and other people weh they talk like that. They just want to get excuse for their greed once them misbehave for events weh them attend.
Yes I sabi say hunger full ground but that one no suppose mean say we go deh disgrace ourselves outside na. You eat today no mean say hunger don disappear forever.
