Brainboss, tankiu for relating this CAR bitcoin adoption news to our ogbonge Naija.
And Wiwo, you don try as you to talk on the matter and state what you understood. You talk say u decide not to dey chuck mouth for Naija political matter because people no dey believe you and because of sentiments. Baba, you no dey correct here, you no go fit separate sentiments and politics or because we no believe you then you no go dey update us again.
But for this crypto adoption mata, make una no vex for me if I talk my mind, me I be realist and I dey talk something as I perceive it.
See upon say crypto no legalise for Naija, but the level wey G-guys and government join dey use crypto, dey alarming and damaging.
If you mistakenly legalise crypto, Nigerian will be number one crime centre of the whole world. Infact the country fit no dey governable again.
So, as no body legalise it, boys still no get restriction to use it.
So, wetin I dey clamour for na, make law enforcement people no dey intimate and extort people wey dey use crypto. Make dem allow anybody wey sabi way to follow. But for now make dem avoid to make public announcement for crypto adoption, make we see whether the country go normalise small after 2023 before dem go announcement the informate.