Topic: Naija Novice Hangout {Newbies introduction & Orientation} Thread. - page 234. (Read 1337145 times)

So now, you dey try tell me say in terms of education, growth and economic stability, say Nigeria na im be the best in Africa amongst other African nations?? Bros, e be like say I go come know which part of Nigeria wey you dey stay cus I dey sure say you know wetin the average man dey pass through for this country, maybe you be one kind millionaire wey no even know wetin e be for poor man to see good food chop or to fit pay for medical bill for good hospital since our all our government hospitals are absolutely nothing to write home about, ordinary sachet water for my area na 20 naira, me with my family dey spend over 15k every week for feeding, other utility bills dey aside to pay every month.
Talk of education, when I dey secondary school, the private school wey I attend, my school fees was 3k in junior level and 5k in senior level, but today, go check most private schools make you know wetin their school fees be like, my 4 year old daughter go finish nursery 2 this year and na 27k I dey pay per term, now the school don dey write me say when she enter primary 1, her new school fees go be 30k, shey na government schools wey dey no dey teach anything na im I won go put her?? No no, everything for this country dey go up every day and yet, you talk say Nigeria na Im get the most growth and stability in economy in the whole of Africa. Abeg no talk am again make I hear.

Peaceful Protests dey on for Abuja as we talk so and from the information I don gather so there is no problem, the police just dey watch as they matches on to talk their mind but security operatives dey around just incase anti-protesters hijack the process or criminals use am as means to steal. But the footage I watched from Twitter for wetin dey happen for Lagos police just dey throw tear gas anyhow I no know why they are being attacked by security operatives, everyone get the right to a peaceful protest but don't put the country at risk.

No baba Nigeria is a great country we have our flaws just like other countries but we shall get there, we are still young yet we don achieve wetin African countries never achieve in terms of Education, growth and Economic stability. We are facing some challenges now as a country with new government as wdey happen for everywhere too but we go surpass am too. Make we try see how great Naija is and not only the bad side of it.

No be lie sha but we all get different plan for life, the life I wan my family to live I never fit afford am so e better make I no go bring person come this life when I Know say na suffer dem dey come suffer. see eh some of us for here go through hell as we dey grow up, I no go fit restand my children no see for chop just because I dey hope for better days.

E better I hustle for that better day now and train dem on how to achieve it earlier than me when I settled down. Sha make we leave d mata for another day as we get other stuffs to discuss.

How far una, how the June 12 protests dey go for una side, I hope all of una dey safe. Mehn nigerian don finish like dis. We just dey survive on cruise.

The thing nor dey update well again. I don switch ova to Vice President of Nigeria and na Orbot I dey use. No hassles with am.


According to Oyibo people — This advice takes the trophy!

My broda, the koko be sey who nor go nor go know. D bitter truth be sey wen you dey do boyfriend and girlfriend you go think dey wives plenty. Na lie! Na when you want settle down you go sabi sey women plenty true true but wife scarce. I advise anyone wey dey here wey get any lady wey im wan marry to settle down at once. Money is neva enough. Even, the money sef nor go come as you dey expect am and age go dey waka go small small.

I no think say e dey different, me dey get notification issue before though, maybe na waiting still dey happen to my notification. Never mind say I no include that before. Which means nothing go wrong with notification messages.

e be like say the stuff dey different for different people Abi na different phone or network, my own Twitter no dey go again but I dey receive notifications from the people wey I dey follow and get notification on for their tweet, but the thing be say when I click on the notification, e no go gree open until I start my VPN connection. One thing wey I dey very sure of be say, no matter wetin this government do, last last, all of us go dey alright.

As for una wey dey wait until una make all the money in the world before una marry, all I get to say na good luck to una, I was once like you people but I thank God say he open my eyes on time to know say no be money be marriage, am 28 years old and I already have a very beautiful wife, I have an angel who calls me daddy, nothing gives me more joy than this, not even the little money I've made

My own no dey show again when the network company block ham. Yours still dey work?

Although, the issue wey I get be say notification no dey come, anytime I wan access Twitter I dey use VPN which is very perfect. Hope this no go be a big blow on those bounty hunters, but I hope most of them go don dey use VPN too.

Mehn, I no dey run doin lik dat o, I be gud Kristian guy ma G. Thou, normally, u, you know say as a man way men be, guyman for that matter, we gat dey do 1 or 2s for the street but, that  no count much via billing when family enter. Via say, you fit decide say you no go chest am but family own, if you no chest am, 3 be like say you dey do yourself and e no dey end with family alone o. You dey carry the whole extended family join body, from your wife side to your side guy, e reach to fear fear.

Hahahahahahahahahahaha, Baba say we get savings, na where we wan from save na? Nothing come out anywhere o. We still dey look up to una way don sabi collect for the altcoin Market. No be this guy, Nelson4lov una say e don collect $20k like this! Una dey shock me for here... abi you, you no wan talk your own now. Na billi be your own abi...

Omoh how many girls u dey chuuck? you know say that one na semi marriage already cause you dey settle some kind bills

I no get shishi savings from sig na wetin I dey use settle middle of the month bills na so so chop chop, una wey get savings make God bless una with that kind heart o

My friend go marry no wait for brainboss

All this marriage talk una dey bring now don dey make me fear o. I no wan reason am now at all o because this one eh, na to carry another full grown adult way dey like you, e don tire eye, e belle big pas your own and the worst be say, na the bae go first wan hurry to double up with pikin. The bills fear me bros. E go wayh no be chaise. All of una way don marry for here, ina weldon o, una dey try. Signature money no go fit pay fees, e never even buy beer for some kind men talk more of fees... I go dey watch ina from corner shah, make una dey try. You fit still name one pikin after me shah, lol.

Omoh baba comot body for marriage myself I don tell myself if I never dey successful marriage thoughts nogo ever fit enter my head except say one of these my oyibo women friends come marry me make I carry their money run go naija divorce her..sha if I continue with this momentum wey I dey on now I go hit my target in the next 3-5 years time.

Nelson hit $20k for ICp token ooo baba don leave us run God knows where.... Abeg anybody wey get money make e buy all those tokens wey Hhampuz dey run or do the bounty na major projects dem oo.


This is wrong marriage node compulsory na pocket be marriage oo if e no reach don't go into it.

Just the way it has been for a long time now.

Lol... I see say una don yarn about marriage and Una dey talk of making all the money first haha. But e no suppose to be like say na, money follow but no be say na to make all the money finish before reasoning that side. See dangote still dey look for money add and that one follow because if you no get how to add join, 30 billion go turn three billion soon when you just dey draw comot inside am. Wetin dey important na to get ability to make money, that's financial intelligence.

Marriage na one life thing, me never get time at all, without no enough money, no good family go be established as a learned people. As a husband and a father, the faith and confidence should dey more for husband side, money dey needed in family which go make love stronger. But if e don dey too late, na to enter ham o.

Abeg comot marriage talk for my side oh, I never make money finish. Me self I never for fit feed myself you dey come advise I carry person pikin put for House and probability dey say she go come give me my own in the soonest time possible as my (you know na) dey fertile die.

Abeg I never reach to dey struggle dat kind thing, una wey dey run family matta make God help una as I know e no easy. @nelson4lov uav far you na, I hear and j don see say you be altcoin lord. The millions I dey hear say you dey count ehh me self go like follow.

I don comot cap for head dey ask you make you show me(us) wey. Just drop update on the bounty you dey run and make we see if we go fit follow body make we too chop small abi how u see am 🙏

Governments destroy people economy, they just stole, crypto will cover all the world in some years

To dey sincere eh, e don tay way I last here of this man guy. E bin be to me say, en tike don pass until now way en death tori con hut ground gidigba so. Maybe e been still dey rain for una side well but for my end, the guy no sound hands like that again.

About the long life matter for pastors way be pastors true true, that na your own idea as you take talk am. One thing we gat know be say, God get as or how e dey do en thing and e pass our understanding wella. So, the guy passing on, dey beyond our comprehension and na so e just be. Criteria no dey for true man of God. Even fake man of God cef, e fit still lead people go heaven, for those way believing say heaven dey while, him way be pastor cef, e go enter place of torment. The life cef, nobody really know.

Them ban something yet den no get better firewall to prevent penetrating the site even with VPN, I hear say dem want go china go hire expert wey go build strong firewall against twitter operation, this country yeye too much so dem look the country finish den no see any capable people wey go run that matter. President or not President if you violate twitter community den get the right to delete or ban anybody as far as e dey against the rules.

This move dey against our freedom of speech.

About TB Joshua, no be say I no know say na mere mortal, and mere mortal must die, but as a Christian, I dey get this mentality say a true man of God suppose live long so as to carry out the work wey God almighty give the person, and I believe say no be only me get this kind idealogy, the world wey we dey today is full of uncertainties and many mysterious things Sha, and  I believe we all know the many controversies wey surround TB Joshua and him way of ministration, some people for my area the talk say the man don know say him time to die don reach due to some comments wey he make some few weeks back... But anyways, make we allow sleeping dog lie, I pray make the spirit find rest in God's bossom.

And concerning marriage, me don marry since 2015, that was before I enter crypto self,  na she be my first girlfriend, after I see her character, I decided to make her my bus stop to anything relating to women and dating, soon, I go invite una for my second child dedication.


Sorry, I make small mistake, na Orbot be the name of the application no be orbit, na my auto correct na im change the Orbot to orbit and I no notice.
Na the Android link be this : ORBOT

Yes ooh, I see am, and I dey very sorry to the community say I no dey around when this event happen, I for follow contribute, but I pray God go bless all of una wey participate for this kind gesture, I also pray say the next event wey we go contribute like this to go be for good event wey all of us go dey very happy to talk about.

Omo. This one all of all of una wan marry, wetin dey play now? I go dey singles markets for more years. Na people like @CryptopreneurBrainboss and @ Charles-Tim go marry very soon. Nothing do una. even as life hard and this nonsense Nigeria abi UAR make am even harder for us, make we no forget to try and enjoy life. I remember those days during the days of 2go. them dey talk say make we no dey take life seriously as nobody go make am out alive.

---

My people, how una dey survive for the shitty market na? Hope una dey this bandwagon?

Fivestar4everMVP, wetin make you shock about TB Joshua? You follow for those wey think sey death dey respect person? Joshua na just another mere mortal like you and me. Na because we too worship people like dem and politicians dey make dem misbehave. Man na man, God na God. Bible yarn sey man na dust and na dust im go return to. No exceptions. Congrats though. I nor sabi sey you dey married too. I bin think sey na only me & Posi dey dat cruise here. Oya, all the married peeps here Tiree Gbosas for una oh!

About dat orbit thing wey you mention here. Abeg you fit put out the link because orbit yakpa for playstore. Make persin nor go download Linus Mohammed dem own.

Yes, Becky666 was a nice guy to relate with. You see how owa guys dem rally round the family as we hear the news na.