Topic: Naija Novice Hangout {Newbies introduction & Orientation} Thread. - page 227. (Read 1031033 times)

My dear, nor time to check time. Once mumu posts like dat show, make OP delete am at once. No need for response to it. BTW, una even sure say those two dudes be naija peeps sef? Shey dem even follow owa protocol to introduce demselves first? Haaba! Peeps go just follow back door enta here like peeping spirits.

Lol ur talk sweet me make I no lie. Abeg oh I no want theymos wahala, make e continue dy rule I no get problem with am, my own na make e reason us for lower chamber make e hear our appeal because the guy mata donn dey tayah me. E no even reply my last message na there my hopes come fall finish. This local board something ehh e fit long before e become reality oh na just d truth be dat and e dey pain me die.

Normally eh, me I be guy wey dey like chop and allow others chop too, e no make sense you struggle reach up, you come dey match down on others, like dem say nobody know tomorrow. No go look down on anybody as person wey you no dey reason today fit be your helper tomorrow.

That Glory wey you dey speak off eh we all know the mata, na chipmixer something oh lol sha my hopes no too dey there again I don lose quality and me self I dey feel am. As for beyond the forum, shaking no dey oluwa get me cover. Make we just dey hustle the hustle the go, one day e go be our own turn to celebrate.

Big big gbosa ☀️ for my chairman @cryptopreneurBrainboss, no be small thing, who no dey this forum no go know say the journey no be small pikin Waka ooh, congratulations to you sir, you be true legend for this forum, even outside this forum, you still be legend, na things wey many people never even begin dream of na im you don achieve and accomplish in just chinkini 4 years, if you be Christian, you dey serve God true true.
And like our people dey talk am, if to say hand long like leg(but some people hand long pass their leg oo😂😂), and if to say wishes were horses, and if to say condition no make Crayfish bend, this na opportunity wey we for take gather together, pour champagne on top this guy man head @cryptopreneurBrainboss, but anyways, they say opportunity dey come ones but me talk say e dey come everyday, so I believe alot of things wey we go still celebrate plenty for front.
And for you @cryptopreneurBrainboss, I won use this opportunity tell you say.. Your worst days are behind you sir, na from glory to glory you go dey go, your positive impact for this forum go continue to dey grow and grow and grow until theymos himself go stand up for chair for you to sit down... Amen

I think it was successful before, it asked me to reset my transaction pin and I reset it. I do not like the biometry, someone like a friend can use my finger to touch it to spend money from it when I am sleeping, I will prefer to only use the pin, biometry is not safe, there is nothing better than pin and password, thank you for the help.

Thanks for your candid advice. e go beta for you.

Massive Congratulations to my boss, @Brainboss. Maybe I've not told him before but I get loads of respect for am. Prior to Brainboss joining the forum, nobody knew Nigerians on the forum and Brainboss changed that by continuously going up against other people in the forum in discussions and making good content contributions via thread and post replies.

Thanks to @CryptopreneurBrainboss efforts in the forum, them don dey recognize Nigeria small small and with time, we go get everything we ever want. A pure motivation to myself and others. Congrats once again!

Yes transaction pin is different from login pin although it optional but for your own good it's necessary to have it and make it different from the login pin, you can also choose to use Biometric for transactions.

Thank you, I have registered, I did it this morning because I slept early yesterday, the code was sent to my bvn phone number, I was able to complete the registration. I logged in now insert the pin but transaction pin is different, this is where I am now, after I enter my transaction pin, I click on save, it load and write me that you do not have transaction pin enabled. I will still wait for a day for this if it will work, this is Nigeria, things are not perfect, but I have registered, I will be able to handle it from here.

Congratulobia baba mi, what a journey!!!! With the little time on the forum you don achieve jagas, I think you are one of the reason I stumble upon this forum, mid 2016 wey men been dey run airdrop for Bountyhive, e get one airdrop you recommend to LordHermes that period so e get the link i click for Bountyhive wey redirect me come this jungle wey I come signup do the airdrop before I go lending board go borrow 8 btc loseguard.....
Baba thank you for influencing my life positively my hand dey for ground I loyal, hustle nodey even make person check registration date our eyes dey up up. Man wey sabi cruise .

Oboy no be chaise, me self I no know. The hustle don too full my hand recently I no even dey observe any other thing. Thank you say you remember me this milestones. The hustle no start today oh, when we start eh to get 1 merits u go hustle tayah. Most of the people I start the hustle with never reach legendary and discouragement stop dem for road but I thank God say I no slide back.

E dey sweet me as more people dey pop up from naija with better strategy themt to take dominate the forum. I happy as I fit give una reason to keep pushing. E no easy, no wait for anybody or dey feel entitled (I no owe anybody anything), if me I fit make am without knowing anybody for the forum, una go fit make am too.

For this forum eh, if you keep your hand down and watch as others dey use make their face show, u self go reach those milestones you dey set for yourself. No do wetin go make u regret, get sense and hustle legitly nobody go question you. Make una no worry one day we go get dat local board, anything wey worth am dey take time.

This may be coming late, but e still worth it well well, today be na great day which is four years Brainboss opened an account on this wonderful forum, Bitcointalk. If no be lie, Brainboss na role model, I remember when I joined this forum, he is one of the people I wish I can be like, he really don achieve and a good example.


This no be small achievement for people that understand, it also takes hard work before all these can be accomplished. When I was a newbie, I studied Brainboss account to help developed mine, na indeed a role model.

Congratulations to our role model CryptopreneurBrainboss, this is worth celebrating.

You can email the customer care on this mail: [email protected], they also have an active social media pages you can reach them too, I would advice you to leave till 12 midnight then try again. Sure e go work

Sorry you are not meeting the terms needed for you to borrow on this forum. Also as I commented before, no Nigerian is lending on this forum yet. If you have collecteral, you can make use of a Nigerian bank. There are many online platforms that can also lend you Naira directly in Nigeria, but the profit can be much just as banks. I will advice you to be careful while borrowing, make sure you have a siurce of income that will help in order to pay back the loan.

---

E go make sense to build your account to enjoy the benefits of this forum.

Thank you for you are fast to respond to me, I will continue to try it but I am tired, I have been doing it since yesterday but not still going, I try it like 1 hour ago today but it is not still going, I use my phone that is link with my bvn, I also try another number, it is not going too, I even think it was mtn that caused it yesterday, but it is still not going today, do you know their customer service line?

Yes it's a microfinance bank fully registered under the CBN, that's my primary bank after I dumped Fidelity bank last year September, I've been using it for almost close to a year now so I can confirmed that Kuda is the safest place to be. Be your own bank is what kuda operates unlike the other banks. The signup might be slow due to high traffic so just dey try as long as you dey fill in the right information e go sign you up. If your case na verification code then the issue is from your network server, try use another sim or wait and keep trying.

Please I need your help who is using kuda, it is a mobile banking in nigeria that are registerd under central bank, I download the app yesterday, I was not able to register, I was in the step 4 that asked me to enter my bvn, verification code is not sent to my phone number, I enter my number for alternative, I see no code again, is this general problem, I want to register.

yes, it's not long i joined the forum.. I intended to find someone who can lend/borrow me money, as it's Nigerian forum for collateral purposes. As you talked, i have to rank up (someday) probably join campaign to meet up the requirements (i wish not to be in this situation by then)

Property like?

Lending and borrowing dey open to everyone on this forum for transparent transactions

Waiting I for tell you na to check lending board, no Nigerian dey lend for this forum as of now, many loaners dey this forum but you no meet the conditions to borrow funds, just know say here no be place you fit borrow yet because you are not ranked up yet, not to talk say you don join campaign. People that are likely to be borrowed money are ranked members wey dey campaign in which there is high chance of paying back the money.

---

You even joined this forum not up to a month and half ago.

I greet everyone way dey here, all the noble men and my country people. i no dey active last month due to wetin me and my landlord dey go through, as de man give me quite notice. The matter don way me down and i have less than two months. E dey pain me as i enter this City(Awka) with my woman and my 8 months daughter, thinking i go start a normal family life, but it's unfortunate i go enter for wrong landlord hand, way no want person progress. Right now na house rent i dey look dey gather as the man tends to frustrate me more by removing my electricity, make i dey uncomfortable (others get light, i no get light) I know say everybody get him own matter, but as my own don hook me for neck so tey, i reason to come to here and seek for help ( Luckily i might find my savior here) I reason to use some of my properties as a collateral to lend money from someone way wan help a brother in serious need. My DM is open for anyone that wants me to detail my stories to him/her with proofs to show say me nobi scam but na condition make crayfish bend. I no too get choice now but ready to do what i can to park out from here and get another nice place and settle. Make una weldone.
   Admin/Moderator, i dey sorry i have to bring my personal matter come board, abeg make una no remove am..na God i take beg.

Ahhh baba you introduced to yourself since April I was shocked to see another introduction of yours for here this morning but nothing bad sha make you just try dey dey active small as I check your timeline e no give me joy at all, how do you want to grow when na still the 1 kulikuli wey boss dash you since April still dey your hand, abeg if you need our telegram link make you Dm me.

Abeg anybody wey good for trading here wey i we fit dey run monthly percentage with am? 30%  monthly abeg make him talk make we run business or you get reliable person make you recommend am too