Thank you very much boss man, I really appreciate your comment and stand for the matter, make I talk true, before before, I follow for people wey dey always bad mouth Nigeria unto say our leaders no dey perform well, but of recent, God open my understanding to realize that even as bad as we think say Nigeria be, we still dey survive, many people still dey live fine, we still dey go market and we still dey afford to buy food, we still dey afford to pay our rent(for those of us still living in a rented apartments) we still dey afford to pay our children school fees even as high as it is, we still dey afford to dress well whenever we dey go out, some of us still dey buy expensive cars self, houses,you name it, we still dey afford to buy fuel put for our generator, some still dey afford to enter bar, spend so much on food, drinks, pepper soup and others.
If we look all this things, we get more than enough reason to be grateful to God, our being born in Nigeria no be mistake ooh, shebi God tell us in Deuteronomy 8 verse 18 say make we no ever forget say na him dey give us power to make wealth and riches, which mean say, even if make the country dey ok as we think, those wey God never give that power go still dey poor, so our duty is to always pray for our country and to always extend helping hands to others when we get the opportunity cus this things na privilege wey God give us say as we dey do am, we go dey receive more blessing from him.
I greet you well my brother, wetin you talk make sense and I really like am, but my brother make you reason with me, you dey talk about "we" like my brother the country is bad yes it is, and for real na efforts and education, knowledge way dey keep us going, but do you know there are some people wey dey live in abject poverty, those are the people feeling it, those wey no fit eat better food even for one time meal, those wey no get any accommodation over there head, we don see the philanthropic works of some well meaning nigerian, I go use cryptoprenurbrainboss as an example, it's wen you one give you go know say people dey suffer for the country and the leaders nothing concern them.
I totally understand where you dey come from my brother, and na truth you talk, but wetin I want make you understand be say, (na something wey I don talk before) even if make this country come good as me and you want, trust me, people go still dey wey no go fit afford 3 square meal per day, check USA and every other big countries, they all get poor citizens wey if you check am well, them too dey live for abject poverty, but the difference be say, their number no high as e be for Nigeria, and again, the ones wey get money for those big countries dey always see am as a duty to give out something, no matter how small, to the poor on weekly, bi-weekly or monthly basis, this na something wey only very few Nigerian big men dey do.
God wey create rich people, na him still create poor people, and him command the rich ones to never look down on the poor and to always help them, cus the knowledge wey the rich think say them get wey contribute to their being wealthy, no be by their power they take know wetin they know, na by the grace of God, me and you wey know say person fit earn money from bitcointalk, Come dey here dey earn something every week or month, no be by our power we find out about bitcointalk, na by the grace of God my brother.
The spiritual controls the physical, things wey God dey do for me and you in the spiritual realm pass wetin me and you dey see with our eyes, that na why he command us to always give him thanks in all situations wey we find ourselves, and for those wey dey around and amongst us wey we see say them dey suffer, help them in every little way you can instead of blaming the government on their behalf, and in return, God go bless you, he don talk am for Hebrews 6 verse 10 say he no go ever forget every act of love wey we show to our neighbors in his name.... No where wey Bible talk say, if we see poor people amongst us, or even if we self poor, make we blame our government.. No. Me never see.
Wike own na say e carry flyover and roundabout for head and repairing of roads meanwhile amaechi been carry building of school, primary health care and market for all local government. Then na odili areangey the state. Assuming this guys na dem rule Nigeria back to back atleast we for dun see improvements.
Gov. Wike government na the worse among those three guys you mention so as far as Rivers State is concerned, the worse thing you can do to humans is to cut food out of their mouth and build dem roads and flyovers that leads to nowhere, Since Wike enter seat 2015 him never pay Pensioners till date, this is the highest wickedness I've seen since den born me, No employment, No salary increments, No staff warfare, No soft loans, No empowerment, My papa wey gain promotion since 2018 still dey chop him formal salary. Make flyover no blind us ooo that's where he is stealing his money, no reasonable person will award 10+ flyover in the same LGA when you have 21 LGA with zero flyovers. Insecurity is high,
He did Biometric to removed ghost workers from government payroll and about 1.8 millions staffs were dropped during the process, offices are empty, a lot of vacant spaces yet no single employment to fill in those spaces. At this rate Wike go run enter APC to save himself from Probs because EFCC dey wait for am to come down.
Having Telegram, Hangout, Bitcoin wallet apps, Binance app, large bank credit alerts na straight billing for Rivers State and sometimes you get killed for being successful. The state matter tire me abeg.
Hahahaha, to be sincere, me (been) like wike die oooh, I mean I no dey live for PH, But anytime wey I read or hear news about wetin the man the do and how he dey always tackle buhari heads on, I dey always dey happy for my mind cus I dey always feel say atleast, I don see one politician for Nigeria wey really mean well for the people, and this one even make me agree with @CryptopreneurBrainboss when he talk say if wike fit be president for Nigeria, things go better, I been agree 100 percent, BUT as I con read this your post @igehhh, I no con know wetin or who to believe again, I no even know whether I still like wike or not
... I still dey wait for that day wey we go get atleast one leader, (president or governor) wey no body for this country go write any bad review about.
did I hear somebody say "it's not possible" ?